መነሻ ገጽ Uncategorized የብሔራዊ ቡድኑ አሰልጣኝ ጉዳይ ዕልባት አላገኘም፤ቴክኒክና ልማት ምርጫውን ቢያጠናቅቅም ፌዴሬሽኑ እስከአሁን ምርጫውን አላፀደቀውም
Uncategorizedሀትሪክ ስፖርትጋዜጣ

የብሔራዊ ቡድኑ አሰልጣኝ ጉዳይ ዕልባት አላገኘም፤ቴክኒክና ልማት ምርጫውን ቢያጠናቅቅም ፌዴሬሽኑ እስከአሁን ምርጫውን አላፀደቀውም

አጋራ
አጋራ

የኢትዮጵያ ብ/ቡድን (ዋልያዎቹ) የዋና አሰልጣኝ ጉዳይ በጊዜ ይፋ አለመሆን ለተለያዩ አስተያየቶችና መላ ምቶች እየጋበዘ ነው ።የኢትዮጵያ እግር ኳስ ፌዴሬሽን ያወጣውን ባለ 7 ነጥብ የቅጥር ማስታወቂያ ተከትሎ ከ20 የበለጡ የሀገር ዉስጥና የባህር ማዶ አሰልጣኞች ያመለከቱ ቢሆንም ይህ ዘገባ እስከተጠናቀረበት ሰዓት ድረስ ማን ቀጣዩ የዋልያዎቹ አለቃ ይሆናል?ለሚለው ጥያቄ ምላሽ ማግኘት አልተቻለም።የተለያዩ የኤፍ ኤም የስፖርት ፕሮግራሞች የአዳማ ከተማው አሰልጣኝ አሸናፊ በቀለ ለቦታው መመረጣቸውን የራሳቸውን የመረጃ ምንጭ ዋቢ በማድረግ ቢገልፁም ዘገባውን ከፌዴሬሽኑም ሆነ ምርጫውን ሲያከናውን ከቆየው የቴክኒክና ልማት ኮሚቴ   ማረጋገጥ አልተቻለም። በዋልያዎቹ አሰልጣኝ  ምርጫ ዙርያ የተፈጠረውን ዉዥንብር ተከትሎ ፌዴሬሽኑ ለሚዲያ አካላት በላከው መግለጫ “ለኢትዮጵያ ብሄራዊ ቡድን ዋና አሰልጣኝ ለመቅጠር በወጣው ማስታወቂያ መሰረት በቴክኒክና ልማት ቃሚ ኮሚቴ ተዘጋጅቶ የቀረበው የዉሳኔ ሃሳብ በፌዴሬሽኑ ሥራ አስፈፃሚ ኮሚቴ ዉሳኔ ያልተሰጠበትና ያልታየ መሆኑን እንገልፃለን”በማለት በኢሜል ያሳወቀ ሲሆን ነገ አሊያም ማክሰኞ በሚደረግ ስብሰባ የዋልያዎቹ አለቃ ማንነት በይፋ እንደሚታወቅ ነዉ የተሰማው።የቴክኒክና ልማት ኮሚቴው ባወጣው መመዘኛ መሠረት ምርጫውን አከናውኖ በነጥባቸዉ መሰረት ደረጃ ሰጥቶ በፖስታ በማሸግ ለሥራ አስፈፃሚው የመራው ሲሆን ሥራ አስፈፃሚው በቀረበለት መሰረት ምርጫውን ያፀድቀዋል ?ወይስ ውድቅ ያደርገዋል ?የሚለው ከወዲሁ የብዙዎችን ትኩረት የሳበ ሆናል።ፌዴሬሽኑ ባለው ሥልጣን መሠረት ምርጫውን የመሰረዝና በድጋሚ እንዲካሄድ የማድረግ ስልጣኑ እንዳለው ይታወቃል።ሰኞ ወይም ማክሰኞ ለዋልያዎቹ አለቃ ማንነት ቁርጥ ቀን።

አጋራ

አስተያየት ይስጡ

Leave a Reply

Your email address will not be published. Required fields are marked *

ተዛማጅ ጽሑፎች
Uncategorized

ካሌብ በየነ ወሳኙን ግብ አስቆጥሮ ሸገር ሲቲን የድል ሦስት ነጥብ አስጨበጠ!

በአቤኔዘር አበበ በ2019 ዓ.ም የሲቢኢ ኢትዮጵያ ፕሪሚየር ሊግ በአዲስ አበባ ስታዲየም በተደረገው...

Uncategorized

“ግብ ጠባቂ ለኢትዮዽያ መምረጥ ከብዶናል” አሰልጣኝ ዮሐንስ ሳህሌ

በኢትዮጵያ እግር ኳስ ፌዴሬሽን ጠቅላላ ጉባኤ ላይ በመገኘት የኢትዮጵያ ብሔራዊ ቡድን ዋና...

Uncategorized

የኢትዮጵያ ብሄራዊ ቡድን ከስብስቡ አራት ተጫዋቾችን ከስብስቡ ቀንሷል።

በሀዋሳ ከተማ ዝግጅት እያደረገ የሚገኘው የኢትዮጵያ ብሄራዊ ቡድን ትላንት ሶስት ተጫዋቾችን የቀነሰ...

Uncategorized

የኢትዮጵያ ፕሪምየር ሊግ በሰባት ስታዲየሞች ላይ ይደረጋል

ሊጉ የሚደረግባቸው ስታዲየሞች ታወቁ። የ2019 የኢትዮጵያ ፕሪምየር ሊግ መስከረም 30/2019 እንደሚጀመር ይታወሳል።...