በኢትዮጵያ እግር ኳስ ፌዴሬሽን ጠቅላላ ጉባኤ ላይ በመገኘት የኢትዮጵያ ብሔራዊ ቡድን ዋና አሰልጣኝ ዮሐንስ ሳህሌ በሀገሪቱ የግብ ጠባቂ ክፍተት አሳሳቢ ደረጃ ላይ እንደደረሰ ተናግረዋል።

አሰልጣኙ በንግግራቸው በአሁኑ ወቅት ለዋሊያዎቹ ስብስብ ብቁ የሆኑ የሀገር ውስጥ ግብ ጠባቂዎችን ለመምረጥ ከፍተኛ ፈተና እንደገጠማቸው ገልፀው በቀጣዩ የኢትዮዽያ ፕሪምየር ሊግ ከ18 ክለቦች 16ቱ የውጪ ዜጋ ግብ ጠባቂዎች እንደሚሆንም ጠቁመዋል።
አሰልጣኝ ዮሐንስ ሳህሌ አክለውም ይህንን ችግር በዘላቂነት ለመፍታት ክለቦችና የሚመለከታቸው አካላት በቀጣይ በትኩረት በታዳጊዎች ላይ ሊሰሩ እንደሚገባ ጥሪ አቅርበዋል።
አስተያየት ይስጡ