“አጋጣሚዎችን ያለመጠቀም ችግር የሚቀረፈው ትኩረት በማድረግ ነውና በዚያ ጉዳይ ላይ ተወያይተናል” አሰልጣኝ ዮሐንስ ሳህሌ
“በደጋፊዎቻችን ፊት መጫወት እጅጉን ይጠቅመናል ያለው” አምበሉ ያሬድ ባዬ

አሰልጣኝ ዮሐንስ ሳህሌ “በሱዳኑ ጨዋታ የነበረብን አጋጣሚዎችን ያለመጠቀም ችግር የሚቀረፈው ትኩረት በማድረግ ነውና በዚያ ጉዳይ ላይ ተወያይተናል” ሲሉ ተናግረዋል።
ግብ የማስቆጠር ችግራችን የሚቀረፈው ተጫዋቾች በሚያድርባቸው የራስ መተማመን መሆኑንም ነው የገለፁት። “የእኛ ስራ ኳሱ ሳጥን ውስጥ እንዲደርስ እና አጋጣሚዎች እንዲፈጠሩ ማድረግ ነው” ሲሉም አክለዋል።
ለተጫዋቾችም ውሳኔ በመወሰን በኩል ነፃነት እንደተሰጣቸውም ተናግረዋል። “ሴኔጋል ትልቅ ቡድን ቢሆንም በህዝባችን ፊትና በሜዳችን ስለምንጫወት ባለ ድል ለመሆን ወደ ሜዳ እንገባለን። አሸናፊውን የ90 ደቂቃው ፍልሚያ ይወስነዋል” ሲሉ ሀሳባቸውን ሰጥተዋል።
“በደጋፊዎቻችን ፊት መጫወት እጅጉን ይጠቅመናል ያለው” አምበሉ ያሬድ ባዬ በበኩሉ ሴኔጋልን ለማሸነፍ መዘጋጀታቸውን ገልጿል።
አሰልጣኝ ዮሐንስ ሳህሌ መስፍን ታፈሰ እና በረከት ወልዴ ከነገው ጨዋታ ውጭ መሆናቸውን ተናግረዋል። መስፍን በቢጫ እንዲሁም በረከት በጉዳት ምክንያት ነው የማይሰለፉት።
በተያያዘ ዜና ፌዴሬሽን ፕሬዚዳንት አቶ ኢሳያስ ጅራ ዋልያዎቹ ጨዋታውን ካሸነፉ ለእያንዳንዳቸው የ100 ሺህ ብር ሽልማት ሽልማት ይበረክትላቸዋል ብለዋል።
አስተያየት ይስጡ