መነሻ ገጽ Uncategorized ​በ10ኛ ሳምንት የኢትዮጵያ ፕሪምየርሊግ ዛሬ 7 ጨዋታዎች ይደረጋሉ
Uncategorized

​በ10ኛ ሳምንት የኢትዮጵያ ፕሪምየርሊግ ዛሬ 7 ጨዋታዎች ይደረጋሉ

አጋራ
አጋራ

የኢትዮጵያ ፕሪምየር ሊግ 10ኛ ሳምንት ጨዋታዎች ዛሬ በአዲስ አበባ እና በክልል ከተሞች በሚደረጉ ሰባት ጨዋታዎች ቀጥሎ ይውላል።
በአዲስ አበባ ስታዲየም ሁለት ጨዋታዎች የሚደረጉ ሲሆን፥ በመጀመሪያው ጨዋታ ከቀኑ በ9 ሰዓት ላይ መከላከያ አርባ ምንጭ ከተማን ያስተናግዳል።

እንዲሁም 11:30 ላይ ደግሞ መልካ ቆሌ ላይ በወልዲያ ከተማ የተሸነፈው ኢትዮጵያ ቡና በሊጉ የወራጅ ቀጠና ውስጥ የሚገኘውን ሀዋሳ ከተማን የሚያስተናግድ ይሆናል።

አሰልጣኙን ማሰናበቱን ይፋ ያደረገው የኢትዮጵያ ቡና በጊዜያዊነት ክለቡን እንዲያሰለጥኑ በተሾሙት አዳዲስ አሰልጣኞች እየተመራ ወደ ሜዳ እንደሚገባም ይጠበቃል።

ክልል ላይ በሚደረጉ ጨዋታዎች ደግሞ ከቀኑ በ9 ሰዓት ጎንደር ላይ ፋሲል ከነማ
ከኢትዮጵያ ንግድ ባንክ በፋሲል ስታዲየም ይጫወታሉ። በተመሳሳይ ከቀኑ በ9 ሰዓት ወላይታ ድቻ በሜዳው ሶዶ ስታዲየም ጅማ አባቡናን የሚያስተናድግ ሲሆን፥ ሲዳማ ቡና ይርጋለም ላይ ኢትዮ ኤሌክትሪክን ያስተናግዳል።

በሊጉ በጎል ልዩነት ተበልጦ ሁለተኛ ደረጃ ላይ የሚገኘው አዳማ ከተማ በበኩሉ ዘንድሮ ሊጉን የተቀላቀለውን አዲስ አበባ ከተማን በአዳማ አበበ ቢቂላ ስታዲየም ይገጥማል።

ሊጉን በአንደኝነት በመምራት ላይ የሚገኘው ደደቢት በበኩሉ ወደ ድሬ ዳዋ በማቅናት ከቀኑ በ10 ሰዓት ላይ ከድሬዳዋ ከተማ ጋር ጨዋታውን የሚያደርግ ይሆናል።

በሊጉ ቀሪ አንድ ጨዋታ በነገው እለት የሚካሄድ ሲሆን፥ በዚህም ቅዱስ ጊዮርጊስ ወልዲያ ከነማን 11:30 ላይ በአዲስ አበባ ስታዲየም ያስተናግዳል።

አጋራ

አስተያየት ይስጡ

Leave a Reply

Your email address will not be published. Required fields are marked *

ተዛማጅ ጽሑፎች
Uncategorized

ካሌብ በየነ ወሳኙን ግብ አስቆጥሮ ሸገር ሲቲን የድል ሦስት ነጥብ አስጨበጠ!

በአቤኔዘር አበበ በ2019 ዓ.ም የሲቢኢ ኢትዮጵያ ፕሪሚየር ሊግ በአዲስ አበባ ስታዲየም በተደረገው...

Uncategorized

“ግብ ጠባቂ ለኢትዮዽያ መምረጥ ከብዶናል” አሰልጣኝ ዮሐንስ ሳህሌ

በኢትዮጵያ እግር ኳስ ፌዴሬሽን ጠቅላላ ጉባኤ ላይ በመገኘት የኢትዮጵያ ብሔራዊ ቡድን ዋና...

Uncategorized

የኢትዮጵያ ብሄራዊ ቡድን ከስብስቡ አራት ተጫዋቾችን ከስብስቡ ቀንሷል።

በሀዋሳ ከተማ ዝግጅት እያደረገ የሚገኘው የኢትዮጵያ ብሄራዊ ቡድን ትላንት ሶስት ተጫዋቾችን የቀነሰ...

Uncategorized

የኢትዮጵያ ፕሪምየር ሊግ በሰባት ስታዲየሞች ላይ ይደረጋል

ሊጉ የሚደረግባቸው ስታዲየሞች ታወቁ። የ2019 የኢትዮጵያ ፕሪምየር ሊግ መስከረም 30/2019 እንደሚጀመር ይታወሳል።...