
የሲቲ ካፑ የምድብ ሀ ቡድኖች ዛሬም የሁለተኛ ጨዋታቸውን በ9 ሰዓት ሲያደርጉ ቅዱስ ጊዮርጊስ ከጅማ አባቡና ጋር ባደረጉት ጨዋታ ሁለቱም ቡድኖች ተመጣጣኝ የሆነ እንቅስቃሴን አድርገው ቢወጡም ለቅዱስ ጊዮርጊስ የአሸናፊነትዋን ጎል በ 80ኛው ደቂቃ ላይ በማስቆጠር ቡድኑን ወደ ግማሽ ፍፃሜ እንዲያልፍ ያደረገው ወጣቱ ተጨዋች ⚽ አቡበከር ሳኒ ነው::
ልክ 11:05 ሲል የተጀመረው የመከላከያ እና የኢትዮ-ኤሌክትሪክ ጨዋታም ሁለቱ ቡድኖች ለመሸናነፍ ጥሩ ፉክክር ያደረጉበት ቢሆንም ጨዋታቸውን በ2-2 አቻ ውጤት ሊያጠናቅቁ ችለዋል፡፡ በሁለቱ ቡድኖች ጨዋታ ጎል በማግባት ቀዳሚ የሆኑት መከላከያዎች በ26ኛው ደቂቃ ላይ በ ⚽ ሳሙኤል ሳሊሶ አማካይነት ሲሆኑ ኢትዮ ኢሌክትሪኮች የአቻነቷን ግብ ⚽ በ ኢብራሂም ፎፋና አማካኝነት በ43ኛው ደቂቃ ለማስቆጠር ችለዋል::
ከእረፍት መልስ ወደሜዳ ሲገቡም ጎል በማስቆጠር ቀዳሚ የነበሩት ኢትዮ-ኤሌክትሪኮች ሲሆኑ የመሪነትዋን ጎልም ከዳዊት እስጢፋኖስ የተቀበለውን ኳስ በ61ኛው ደቂቃ ላይ ያስቆጠረው ⚽ዲዲየር ካቦሞባን ሲሆን ጨዋታው ሊጠናቀቅ በተቃረበበት 82ደቂቃ ላይ ደግሞ መከላከያን ከሽንፈት የታደገችውን ⚽ ጎል የተሻ ግዛው አስቆጥሮ በአቻ ውጤት ጨዋታው ተጠናቋል::
ጨዋታዎቹ በነገው እለትም ሲቀጥሉ :-
ረቡእ ጥቅምት 16 ቀን 2009
09፡00 አዲስ አበባ ከተማ ከ ደደቢት
11፡00 አዳማ ከተማ ከ ኢትዮጵያ ንግድ ባንክ ጋር ይጫወታሉ፡፡
አስተያየት ይስጡ