መነሻ ገጽ ስሁል ሽረ ፋሲል ከነማ እና ስሑል ሽረ ያለምንም ግብ አቻ ተለያይተዋል
ስሁል ሽረዜናዎችየኢትዮጵያ ፕሪሚየር ሊግፋሲል ከነማ

ፋሲል ከነማ እና ስሑል ሽረ ያለምንም ግብ አቻ ተለያይተዋል

አጋራ
አጋራ

በ3ተኛው ሳምንት ሁለተኛ ቀን ውሎ የተገናኙት ፋሲል ከነማ እና ስሑል ሽረ ያለግብ አቻ ተለያዩ። አፄዎቹ ከመቐለ 70 እንደርታ ጋር አቻ ከተለየየው ስብስብ ብሩክ አማኑኤል፣ ቃልኪዳን ዘላለም እና ኤፍሬም ሀይሉ ወጥተው እዮብ ማቲየስ፣ በረከት ግዛው እና አሚር ሙደሲር ሲገቡ: ስሑል ሽረዎች ሀዋሳ ከተማን ከገጠመው ቡድን ምንም ቅየሪ ሳያደርጉ ገብተዋል።

የመጀመርያው አጋማሽ ሁለቱም ቡድኖች የጠራ የግብ እድል ለመፍጠር የተቸገሩበት ነበር። ፋሲል ከነማ የመሃል ሜዳውን ብልጫ ለመውሰድ ተደጋጋሚ አጫጭር ቅብብሎችን ለማድረግ ሲሞክሩ የታዩበት እና የኳስ ቁጥጥር ብልጫም መያዝ የቻሉበት ሁኔታዎች ፈጥረዋል። ሆኖም እነዚህ አጫጭር ቅብብሎች የሜዳው መጨረሻ ክፍል ሲደርሱ የነበራችው መቆራረጥና የውሳኔ አሰጣጥ ችግር ለግብ የቀረቡ ሙከራዎችን እንዳይፈጥሩ ምክንያት ሆኖባቸዋል።

ስሑል ሽረዎችም ከኃላ ለመውጣት ተደጋጋሚ ሙከራዎችን ቢያደርጉም: የፋሲሎችን ጫና መቋቋም ሲየቅታቸውና ተደጋጋሚ ረጃጅም ኳሶችም ከፋሲል ከነማ ተከላካይ ክፍል ኃላ ሲጥሉ ታይተዋል። አብዛኞቹ ቅብብላቸውም በራሳቸው ሜዳ ክፍል መሆኑ እድሎችን መፍጠር እንዳይችሉ አድርጓቸዋል።

ሁለተኛው አጋማሽ በተመሳሳይ መልኩ በግብ ሙከራዎች እጥረት ታጅቦ የተካሄደ ነበር። ፋሲሎች ቃልኪዳን ዘላለም ቀይረው በማስገባት በግራ መስመር በኩል በፍጥነት ጥቃቶችን ለመሰንዘር ጥረት ቢየደርጉም ይህ ሚባል የግብ ዕድል ሊፈጥሩ አልቻሉም። አፍቅሮት ሰለሞን ግራ መስመር ላይ የተገኘውን ቅጣት ምት በቀጥታ ከርቀት ከሞከረው ኳስ ውጪ ይህ ሚባል ሞይስ ፖዎቲን የፈተኑ ሙከራዎችን ማድረግ አልቻሉም።

ስሑል ሽረዎችም ከመጀመርየው አጋማሽ አንፃር የተሻለ ፍጥነት ጨምረው በመልሶ ማጥቃት የግብ እድሎችን ለመግጠር ሙከራዎችን ቢያደርጉም የተሳኩ አልነበሩም። ፋሲሎች በራሳቸው ሳጥን ላይ በሚቀባበሉበት ጊዜ በፈጠሩት ስህተት የተገኘውን ኳስ እና ጃዕፈር ሙዳሲር በቀጥታ የመታው የስሑሎች በጨዋታው የፈጠሩት የተሻለ የግብ እድል ነበር።

በዚህም መሰረት ጨዋታው ግብ ሳይቆጠርበት በአቻ ውጤት ተጠናቋል። ውጤቱን ተከትሎ ሁለቱም ቡድኖች ነጥባቸውን ወደ 5 ከፍ ማድረግ ችለዋል።

አጋራ

አስተያየት ይስጡ

Leave a Reply

Your email address will not be published. Required fields are marked *

ተዛማጅ ጽሑፎች
ሽረ ምድረገነትዜናዎችየኢትዮጵያ ከፍተኛ ሊግ

ምድረ ገነት ሽረ ከኢትዮጵያ ከፍተኛ ሊግ ውድድር ውጭ ሆነ!

በኢትዮጵያ ፕሪሚየር ሊግ ሲሳተፍ የነበረው እና በተጠናቀቀው የውድድር አመት ከኢትዮጵያ ፕሪሚየር ሊግ...

መቻልኢትዮጵያ ቡናዜናዎችየዝውውር ዜናዎች

ሁለቱን ተጫዋቾች ሁለቱ ክለቦች ተካፈሉ

ለሁለት ክለብ በመፈረማቸው ቅጣት ላይ የነበሩት ተጫዋቾች ለመቻል እና ለኢትዮጲያ ቡና እንዲጫወቱ...

ካፍዜናዎች

የኒጀር እና ሞሮኮ ጨዋታ በኢትዮዽያዊያን ዳኞች ሊመራ ነው

ራቫት ላይ የሚደረገው ወሳኙ የአፍሪካ ዋንጫ የማጣሪያ ጨዋታ በኢትዮዽያዊያን ዳኞች ይመራል። ኬኒያ...