ኢትዮጵያ ቡና ፊፋ ያዘዘውን ትዕዛዝ ፈፀመ

አለም አቀፉ የእግር ኳስ ኮንፌዴሬሽን ፊፋ ኢትዮጵያ ቡና የዑጋንዳዊውን ቦገን የ6 ወር ደመወዝ እንዲከፍል የሰጠው ውሣኔ ተግባራዊ ሆነ፡፡

ጋናዊው ተጨዋች ለፊፋ ያቀረበው ክስ ተግባራዊ መሆኑ የግድ ቢሆንም ተጨዋቹ የሄደበት መንገድ ለኢትዮጵያ ቡና ዋና ስራ አስኪያጅ ለአቶ ገዛኸኝ ወልዴ የተዋጠ አልሆነም፡፡ አቶ ገዛኸኘ ለሀትሪክ ሲናገሩ “በፍፁም ተገቢ አካሄድ አይደለም ለዲሲፕሊን ኮሚቴ ሳያሳውቅ በቀጥታ ለፊፋ መክሰሱ ተገቢ አልነበረም፤ ነገር ግን ጉዳዩን ወደ ፊፋ ለመውሰድ የሄድንበት ጊዜ ይግባኝ የማቅረቢያውን ቀነ ገደብ በማለፉ መሸነፋችንና የተባለውን ገንዝብ መክፈላችን የግድ ሆኗል” ሲሉ ገልፀዋል፡፡

ፊፋ ክለቡ የተጨዋቹን ደመወዝ እስኪከፈል ድረስ በሚል የኢትዮጵያ ቡና የሀገር ውስጥና የውጪ ሀገር ተጨዋቾች ዝውውርን በማገድ የቆየ ሲሆን ክለቡ ለተጨዋቹ በውሉ መሠረት ገንዘቡን ከከፈለ በኋላ ግን የዝውውር እገዳው መነሳቱ ታውቋል፡፡