መነሻ ገጽ Uncategorized በቻን የማጣሪያ ውድድር የኢትዮጵያ ብሔራዊ ቡድን የጅቡቲ አቻውን ይገጥማል
Uncategorized

በቻን የማጣሪያ ውድድር የኢትዮጵያ ብሔራዊ ቡድን የጅቡቲ አቻውን ይገጥማል

አጋራ
አጋራ
   ኬንያ በ2018 በምታዘጋጀው የአፍሪካ አገሮች ሻምፒዮንሺፕ (ቻን) የማጣሪያ ውድድር የኢትዮጵያ ብሄራዊ ቡድን ከጅቡቲ አቻው ጋር ይጫወታል። በአገር ውስጥ ሊግ ብቻ የሚጫወቱ ተጫዋቾች በሚሳተፉበት የቻን ውድድር የተሳታፊ አገሮች የማጣሪያ ድልድል ይፋ ሆኗል።

በዚህ መሰረት የኢትዮጵያ ብሄራዊ ቡድን በመጀመሪያው ማጣሪያ ጨዋታ በመጪው ሐምሌ ከሜዳው ውጭ ከጅቡቲ ብሔራዊ ቡድን ጋር ይጫወታል።

የብሔራዊ ቡድኑ የመልስ ጨዋታ ደግሞ ከሳምንት በኋላ የሚደረግ ይሆናል። በደርሶ መልስ ያሸነፈው ቡድን ከቡሩንዲና ከሱዳና አሸናፊ ጋር እንደሚገናኝ ከወጣው መርሃ ግብር ለማወቅ ተችሏል። በ2018 የቻን የማጣሪያ ውድድር ታንዛኒያ ከሩዋንዳ ጋር የምትጫወት ሲሆን ቡሩንዲ ደግሞ ከሱዳን ጋር ትገጥማለች።

የኢትዮጵያ ብሄራዊ ቡድን ለአራተኛ ጊዜ በ2016 በሩዋንዳ አስተናጋጅነት በተካሄደው ውድድር መሳተሱ የሚታወስ ነው። ዋልያዎቹ በምድብ ሁለት ከኮንጎ ዴሞክራቲክ ሪፐብሊክ፣ ከአንጎላና ካሜሩን ጋር ተደልድለው በሁለቱ ተሸንፈው በአንዱ ደግሞ አቻ ወጥተው በአንድ ነጥብ ብቻ በጊዜ ተሰናብተዋል።

ለ5ኛ ጊዜ በ2018 በሚካሄደው የቻን ውድድር 16 አገራት የሚሳተፉ ሲሆን ውድድሩ በኬንያ አስተናጋጅነት በሚቀጥለው ዓመት ጥር ላይ የሚደረግ ይሆናል። የቻን ውድድር እንደ አውሮፓውያን አቆጣጠር በ2009 ከተጀመረ ወዲህ ዴሞክራቲክ ሪፐብሊክ ኮንጎ ሁለት ጊዜ፣ ቱኒዚያና ሊቢያ ደግሞ አንድ አንድ ጊዜ ዋንጫውን አንስተዋል።

አጋራ

አስተያየት ይስጡ

Leave a Reply

Your email address will not be published. Required fields are marked *

ተዛማጅ ጽሑፎች
Uncategorized

ካሌብ በየነ ወሳኙን ግብ አስቆጥሮ ሸገር ሲቲን የድል ሦስት ነጥብ አስጨበጠ!

በአቤኔዘር አበበ በ2019 ዓ.ም የሲቢኢ ኢትዮጵያ ፕሪሚየር ሊግ በአዲስ አበባ ስታዲየም በተደረገው...

Uncategorized

“ግብ ጠባቂ ለኢትዮዽያ መምረጥ ከብዶናል” አሰልጣኝ ዮሐንስ ሳህሌ

በኢትዮጵያ እግር ኳስ ፌዴሬሽን ጠቅላላ ጉባኤ ላይ በመገኘት የኢትዮጵያ ብሔራዊ ቡድን ዋና...

Uncategorized

የኢትዮጵያ ብሄራዊ ቡድን ከስብስቡ አራት ተጫዋቾችን ከስብስቡ ቀንሷል።

በሀዋሳ ከተማ ዝግጅት እያደረገ የሚገኘው የኢትዮጵያ ብሄራዊ ቡድን ትላንት ሶስት ተጫዋቾችን የቀነሰ...

Uncategorized

የኢትዮጵያ ፕሪምየር ሊግ በሰባት ስታዲየሞች ላይ ይደረጋል

ሊጉ የሚደረግባቸው ስታዲየሞች ታወቁ። የ2019 የኢትዮጵያ ፕሪምየር ሊግ መስከረም 30/2019 እንደሚጀመር ይታወሳል።...