በኘሪሜየር ሊጉ ቅ/ጊዮርጊስ መሪነቱን አጠናክሯል

በ26 ኛ ሳምንት የኢትዮጵያ ኘሪሜየር ሊግ የመጨረሻው የሳምንቱ ጨዋታ ዛሬ በ10 ሰአት በአዲስ አበባ ሲታዲየም የተደረገው የሊጉ መሪ ቅ/ጊዮርጊስ እና የሃዋሳ ከተማ   ጨዋታ  በቅ/ጊዮርጊስ አሸናፊነት ተጠናቀቀ።

በጨዋታው የመጀመሪያ አጋማሽ ሁለቱ ክለቦች የተመጣጠነ የኳስ ፍሰት የነበረው ጨዋታ ሲጫወቱ ነበር ገና ጨዋታው በተጀመረ በ4ኛው ደቂቃ የሃዋሳው  አጥቂ ጋዲሳ መብራቴ  በግራ በኩል  አጥብቦ የመታትን  የግቡ ቋሚ  መልሶበት ግብ ሳይሆን ቀርቷል ሃዋሳ ከተማዎች ሌላ የግብ ማግባት አጋጣሚ ለመፍጠር  20ደቂቃ መጠበቅ ነበረባቸው በ24ኛውደቂቃ ጋዲሳ መብራቱ   ከፍሬው ሰለሞን የተቀበለውን  ኳስ ወደ ግብ ሞክሮ የፈረሰኞቹ ግብ ጠባቂ ዘሪሁን መልሶበታል።  ቅ/ጊዮርጊስ በበኩሉ የጨዋታውን አብዛኛውን ደቂቃ  በራሳቸው ሜዳ ላይ ኳስን  ተቆጣጥሮ ለመጫወት ነበር የሞከሩት  አልፎ አልፎ በመልሶ ማጥቃት የግብ እድሎችን ለመፍጠር ሲሞክሩ ተስተውለዋል ገና ጨዋታው በተጀመረ   በ5ኛው ደቂቃ  ሳላዲን  ሰኢድ ከበረኛ ጋር   ተገናኝቶ መጠቀም ያልቻለበት እንዲሁም  በ13ኛው ደቂቃ የግቡ አግዳሚ መልሶ ያወጣበት ለፈረሰኞቹ የሚያስቆጭ አጋጣሚ ነበር ሆኖም  በ16ኛው ደቂቃ  ከኒክማ የተሻገረለትን ኳስ  የተከላካዮች  ስህተት ተጠቅሞ ሳላዲን በቀላሉ  በረኛውን በማለፍ የጨዋታውን ብቸኛ ግብ ማስቆጠር ችሏል።

የመጀመሪያው አጋማሽ ሊጠናቀቅ 3ደቂቃ ሲቀረው ሳላዲን ከሃዋሳው በረኛ  ከሳሆሆ ጋር ተገናኝቶ  ሳሆሆ የመለሰበት ሌላው ተጠቃሽ የግብ ማግባት ሙከራ ነበር።

በሁለተኛው አጋማሽ የመጀመሪያውን 20ደቂቃዎች የሃዋሳ ከተማ ተጨዋቾች ኳስን ተቆጣጥረው የተሻለ ተንቀሳቅሰው ነበር ነገርግን ምንም አይነት የግብ   ማግባት ሙከራ የታከለበት   አልነበረም  ከ67ኛው ደቂቃ  ቡሃላ ግን ፈረሰኞቹ  አዳነ ግርማን በራምኬል ሎክ ፍሬዘር ካሳን በደጉ ደበበ እንዲሁም ምንተስኖት አዳነን በተስፋዬ አለባቸው ከቀየሩ ቡሃላ ጨዋታውን   ሙሉ በሙሉ  መቆጣጠር ችለዋል ሃዋሳ ከተማዎች መድሃኔ ታደሰ እና ፍርዳወቅ ሲሳይን  ወደሜዳ  ቀይረው ቢያስገቡም ውጤቱን መቀልበስ ግን አልቻሉም። በዚህም ቅ/ጊዮርጊስ  መሪነቱን ሲያጠናክር ከተከታዩ ሲዳማ ቡና አንድ ተስተካካይ ጨዋታ እየቀረው ልዩነቱን በ3 ነጥብ አድርሷል።