መነሻ ገጽ ሀዋሳ ከተማ የጨዋታ ዘገባ | ሀዋሳ ከተማ የመጀመሪያ ድሉን አሳክቷል
ሀዋሳ ከተማቤትኪንግ የኢትዮጵያ ፕሪምየር ሊግኢትዮጵያ ቡናዜናዎችየጨዋታ ዘገባ

የጨዋታ ዘገባ | ሀዋሳ ከተማ የመጀመሪያ ድሉን አሳክቷል

አጋራ
አጋራ

 

በአራተኛ ሳምንት መርሐ ግብር ሁለተኛ ጨዋታ ኢትዮጵያ ቡናን ከ ሀዋሳ ከተማ ሲያገናኝ በሀዋሳ ከተማ አሸናፊነት ሊጠናቀቅ ችሏል ።

የመጀመሪያው አጋማሽ በጥቅሉ በ ኢትዮጵያ ቡና የኳስ ቁጥጥር የበላይነት እና አስደንጋጭ ሙከራዎች ሁለቱም ቡድኖች ሳያደርጉበት ሲጠናቀቅ ቡናማዎች እንደ ከዚህ ቀደሙ ኳስን ከኋላ መስርቶ ለመውጣት በሚያደርጉት ጊዜ በመልሶ ማጥቃት ሙከራዎች ሲደረጉባቸው ተስተውሏል ።

ኢትዮጵያ ቡናዎች በመጀመሪያው አጋማሽ የመጀመሪያዎቹ ደቂቃ ላይ አቤል ከበደ ከመስመር ያሻገረውን ኳስ ሀብታሙ ታደሰ ሞክሮት ግብ ጠባቂው ሰሆሆ ሜንሳህ ካዳነበት የሚያስቆጭ ሙከራ ውጪ አስደንጋጭ የሚባልን ሙከራን ሳያደርጉ ለመውጣት ችለዋል ።

ሀዋሳ ከተማዎች በተቃራኒው አልፎ አልፎ በሚያገኙት እድሎች ወደ ግብ ሲቀርቡ ወንድማገኝ የሞከረው እና በቀኝ የግብ አግዳሚ ታካ የወጣችው ኳስ ቀዳሚው ሙከራቸው ነበረች ። ከዚህ ሙከራ በኋላ ወደ ግብ ዳግም መድረስ የቻሉት ሀዋሳ ከተማዎች ዘነበ ከነደ ከመስመር ያሻገረውን ኳስ ብሩክ በየነ በደረቱ አብርዶ ቢሞክረም በቀላሉ ተክለማርያም ሻንቆ ሊቆጣጠረው ችሏል ።

 

የመጀመሪያው አጋማሽ ያን ያህል የግብ እድልን ሳያሳይ ሲጠናቀቅ በሁለተኛው አጋማሽ ጅማሮ ላይ ተመሳሳይ የጨዋታ እንቅስቃሴን ለመመልከት ተችሏል ። ሀዋሳ ከተማዎች በሁለተኛወረ አጋማሽ የማጥቃት አማራጫቸውን ኤፍሬም አሻሞን በማስገባት የማጥቃት ጫናዎችን ለማሳደር ሲሞክሩ ፍሬ አፍርቶላቸው የኢትዮጵያ ቡና ግብ ጠባቂ ተክለማርያም ሻንቆ መሳሳትን ተከትሎ ብሩክ በየነ ሀዋሳ ከተማን ቀዳሚ ማድረግ ችሏል ።

ከግቡ መቆጠር በኋላ ሀዋሳ ከተማዎች በተመሳሳይ የጨዋታ እንቅስቃሴ በረጃጅም ኳስ ለብሩክ በየነ በሚጣሉ ኳሶች የግብ እድሎችን መፍጠር ቢችሉም ከሙከራነት መዝለል አልቻሉም ። ቡናማዎቹ ከመጀመሪያው አጋማሽ ይበልጥኑ በተቀዛቀዙበት የጨዋታ እንቅስቃሴ አብበከር ናስር ከቋሞ ኳስ ተሻግሮለት ከወጣችበት የግብ ሙከራ ውጪ አስደንጋጭ ወይም ለግብ የቀረበ ሙከራን ማድረግ ሳይችሉ ጨዋታው ተጠናቋል ።

ኢትዮጵያ ቡና የውድድር ዓመቱን የመጀመሪያ ሽንፈት ሲያስተናግዱ አሰልጣኝ ሙሉጌታ ምህረት የመጀመሪያ ድላቸውን ከቡናማዎቹ ላይ ሶስት ነጥብ በመውሰድ ማሳካት ችለዋል ።

አጋራ

አስተያየት ይስጡ

Leave a Reply

Your email address will not be published. Required fields are marked *

ተዛማጅ ጽሑፎች
ሽረ ምድረገነትዜናዎችየኢትዮጵያ ከፍተኛ ሊግ

ምድረ ገነት ሽረ ከኢትዮጵያ ከፍተኛ ሊግ ውድድር ውጭ ሆነ!

በኢትዮጵያ ፕሪሚየር ሊግ ሲሳተፍ የነበረው እና በተጠናቀቀው የውድድር አመት ከኢትዮጵያ ፕሪሚየር ሊግ...

መቻልኢትዮጵያ ቡናዜናዎችየዝውውር ዜናዎች

ሁለቱን ተጫዋቾች ሁለቱ ክለቦች ተካፈሉ

ለሁለት ክለብ በመፈረማቸው ቅጣት ላይ የነበሩት ተጫዋቾች ለመቻል እና ለኢትዮጲያ ቡና እንዲጫወቱ...

ካፍዜናዎች

የኒጀር እና ሞሮኮ ጨዋታ በኢትዮዽያዊያን ዳኞች ሊመራ ነው

ራቫት ላይ የሚደረገው ወሳኙ የአፍሪካ ዋንጫ የማጣሪያ ጨዋታ በኢትዮዽያዊያን ዳኞች ይመራል። ኬኒያ...