የሲቲ ካፑን ዋንጫ ባህርዳር ከተማ የሚያሸንፍ ከሆነ የመውሰድ መብት አግኝቷል

ከአዲስ አበባ ውጪ ያሉ ክለቦች የሲቲ ካፑን ዋንጫ የመውሰድ መብት እንዳላቸው የአዲስ አበባ እግርኳስ ፌዴሬሽን አስታወቀ።

ፌዴሬሽኑ እንደገለጸው “ከውጪ የመጡ ክለቦች ቢያሸንፉ ዋንጫ ይከለከሉ ነበር ወይ ?” በማለት ጠይቆ “በቀጣይም ባህርዳር ከተማ ካሸነፈ ዋንጫውን የመውሰድ መብት አለው” ሲል አስረድቷል።

የከተማውን ዋንጫ የክልል ክለቦች እንዳይወስዱ የሚደነግግ ህግ የነበረ ቢሆንም ህጉ ካሁን በኋላ እንደማይሰራ ፌዴሬሽኑ ገልጿል።
የአሰልጣኝ አብርሃም መብራቱ ባህርዳር ከተማ ተሳክቶለት ውድድሩን በበላይነት ካጠናቀቀ የአዲስ አበባ ከተማን ዋንጫ የወሰደ የመጀመርያው የክልል ክለብ ይሆናል።