DSTV በድሬዳዋ ጨዋታ የማስተላለፍ ችግር ገጥሞታል

የቅ.ጊዮርጊስና የሰበታ ይተላለፋል፤የኢት.ቡናና የሀዋሳ ከተማ ጨዋታየመተላለፉ ነገር ገና አልተወሰነም
ጅማና ድሬዳዋ ላይ ቆይታውን አድርጎ ወደ ምስራቃዊቷ የሀገራችን ክፍል ድሬዳዋ የተዟወረው የቤትኪንግ የኢትዮጵያ ፕርሚየር ሊግ የ17ኛ ሳምንት ጨዋታ ቅዱስ ጊዮርጊስንና ሰበታ ከተማን በ10:00 ሠዓት ኢትዮጵያ ቡናና ሀዋሳ ከተማን በማገናኘት ይጀመራል።

የቤትኪንግ የኢትዮጵያ ፕርሚየር ሊግ ያለፉት የ16 ሳምንታት ጨዋታዎች በDSTV ሱፑስፖርት ቫራይቲ የቀጥታ ስርጭት ሽፋን አግኝተው ያለፉ ሲሆን ዛሬ ከሚካሄዱት ሁለት መርሐ ግብሮች አንደኛው የሆነው ምሽት 1:00 ሠዓት ኢትዮጵያ ቡናና ሀዋሳ ከተማን የሚያገናኘው ጨዋታ የመተላለፉ ነገር ጥያቄ ውስጥ መግባቱ እየተሠማ ነው።

ከወደ ድሬዳዋ የመጡ መረጃዎች እንደሚጠቁሙት ከቀኑ በ10:00 ሠዓት የሚካሄደው የቅዱስ ጊዮርጊስን የሰበታ ከተማን ጨዋታ ከቀኑ 10:00 ሠዓት ጀምሮ የቀጥታ ሽፋን የሚያገኝ ሲሆን ኢትዮጵያ ቡና ከሀዋሳ ከተማ ጋር በቀጥታ በመተላለፉ ዙርያ እስከአሁን ቁርጥ ያለ ነገር አለመሰማቱ ታውቋል።

የሁለቱ ክለቦች የቀጥታ ስርጭት የጨዋታ ሽፋን ያለማግኘቱ ዋናው ምክንያት ከስታዲየም ፓውዛው ደካማነት ችግር ጋር ተያይዞ መሆኑ ታውቋል።
የድሬዳዋ ስታዲየም እንደ አዲስ አበባ ስታዲየም በአራቱም አቅጣጫ ፓውዛ ቢኖረውም የሚሰጠው የብርሃን መጠን በጣም ደካማ፣ጠየሠው ጥላ ደርቦ የሚያሳይ የሱፐር ስፖርት ወይም የቀጥታ የጨዋታ አስተላላፊዎች ያስቀመጡትን የጥራት ደረጃ አሟልቶ አለመገኘት ለተፈጠረው ችግር በምክንያትነት ቀርቧል።

ሊግ ካምፓኒውና የDSTV የቴክኒክ ባለሙያዎች ችግሩን ለመፍታት ጥረት እያደረጉ ይገኛሉ።
በዚህ በኩል በተለይ በጥላ ፎቅ አካባቢ ከስምንት ያልበለጡ ፓውዛ መብራቶችን የመግጠም ሀሳብ ተነድፎ እንቅስቃሴ እየተደረገ ሲሆን ጥረቱ ስኬታማ የሚሆን ከሆነ ጨዋታው የቀጥታ ስርጭት ሽፋን ሊያገኝ ይችላል ተብሎ ይጠበቃል።እስከአሁን ይሄ ዘገባ እስከተጠናከረበት ሰዓት የኢትዮጵያ ቡናና የሀዋሳ ከተማ ጨዋታ በመተላለፉ ዙርያ የተወሰነ ነገር ባይኖርም የቅዱስ ጊዮርጊስና የሰበታ ጨዋታ ከተጠናቀቀ በኃላ በሚኖረው የአንድ ሠዓት ክፍተት የመሞከር ሀሳብ መያዙ ታውቋል።

ይሄንን የስታዲየም የመብራት(የፓውዛ) ችግር ለመቅረፍ እንዲረዳ በማሰብ ለድሬዳዋና ለኢትዮጵያ ብ/ቡዶን በመጫወት ያሳለፈው ፉአድ ኢብራሂም ወጪውን በራሱ ሸፍኖ በማምጣት ማስረከቡ የሚታወስ ነው።

Hat-trick Weekly Sport Newspaper Founder & Managing Editor.
The First Color Sport Newspaper in the country.

Yishak belay

Hat-trick Weekly Sport Newspaper Founder & Managing Editor. The First Color Sport Newspaper in the country.

Leave a Reply

Your email address will not be published. Required fields are marked *