የ2024 ዳይመንድ ሊግ የመጨረሻ ውድድሮች በቤልጅየም ብራስልስ ከተማ በመደረግ ላይ ናቸው።
ኢትዮጵያዊያን አትሌቶች ተጠባቂ በነበሩበት የወንዶች 5 ሺህ ሜትር አትሌት በሪሁ አረጋዊ በ12:43.66 በቀዳሚነት አጠናቋል።
የዳይመንድ ሊግ 18ኛው ኢትዮጵያዊ አሸናፊ የሆነው በሪሁ አረጋዊ የአልማዝ ዋንጫ እና የ30 ሺህ ዶላር ተሸላሚ ሆኗል።
በተጨማሪም ሀጎስ ገብረሕይወት በ12:44.25 እንዲሁም ጥላሁም ሐይሌ በ12:45.63 የሁለተኛ እና ሶስተኛ ደረጃን በመያዝ ወድድሩን አጠናቀዋል።
ውጤታቸውን ተከትሎም ሀጎስ ገብረሕይወት የ12 ሺህ ዶላር እንዲሁም ጥላሁን ሐይሌ የ7 ሺህ ዶላስ ተሸላሚ ሲሆኑ የአምስተኛ ደረጃን ይዞ ያጠናቀቀው ዮሚፍ ቀጄልቻ የ2,500 ዶላር አሸናፊ ሆኗል።
በወንዶች 3 ሺህ ሜትር መሰናክል ጌትነት ዋለ እና ሳሙኤል ፍሬው የ7ኛ እና 8ኛ ደረጃን ይዘው በማጠናቀቅ የ1,500 እና 1,000 ዶላር ተሸላሚ ሆነዋል።
በሴቶች 800 ሜትር ደግሞ ሀብታም አለሙ በ1:59.81 የ6ኛ ደረጃን ይዛ በማጠናቀቅ የ2 ሺህ ዶላር አሸናፊ ሆናለች።
አስተያየት ይስጡ