በዘንድሮው የውድድር ዓመት የቤት ኪንግ ኢትዮጵያ ፕርሚየር ሊግ የትግራይ ሶስቱ ክለቦች መሳተፋቸው እውን ከሆነ መውረዳቸውን ያረጋገጡት የጅማ አባ ጅፋር እግር ኳስ ክለብ ተጫዋቾች ቅሬታ አሁንም ቀጥሏል ።
በውድድር ዓመቱ መጀመሪያ ተጫዋቾች የምንበላው አጣን ከማለት የጀመረው የክለቡ ቅሬታ በአክስዮን ማህበሩ የ ስምንት ሚልዮን ብር ገንዘብ ባገኙ ማግስትም ቀጥሏል ።
ለሀትሪክ ስፖርት ቅሬታቸውን ያሰሙ የክለቡ ተጫዋቾች እንደገለፁት የተለያዩ ቅሬታዎቻቸውን አሰምተዋል ።
” ሀዋሳ ላይ የነበረው ውድድር እንደተጠናቀቀ ወደ ጅማ ካቀናን በኋላ ሁሉም ነገር እዛ እንደሚፈታ ቃል ቢገባልንም እስከ አሁን ምንም የተለወጠ ነገር የለም ” የጅማ አባ ጅፋር ተጫዋች
ሀትሪክ ስፖርት ከውስጥ ምንጮች ለማወቅ እንደቻለችው በተለይም በክለቡ ውስጥ የሚገኙ የውጭ ሀገር ተጫዋቾች በከፍተኛ ችግር ላይ እንደሚገኙ ለመታዘብ ችለናል ።
” ታመን የሚያሳክመን የለም ፣ እንዳንታከም እጃችን ላይ ገንዘብ የለም ፣ ወደ ሀገራችን ለመሄድ ብንፈልገም እስከ አሁን እዚህ እንገኛለን ” የጅማ አባ ጅፋር ተጫዋች
ሀትሪክ ከ ሌላኛ የ ክለቡ ተጫዋች ጋር ቆይታን ስታደርግ ” በክለቡ የሚገኙ የውጭ ሀገር ተጫቾች በከፍተኛ የ ገንዘብ ችግር ውስጥ ይገኛሉ ፣ የሞባይል ካርድ የሚሞሉበት አጥተው እኛ እየላክንላቸው እንገኛለን ” ሲል አስተያየቱን ሰጥቶናል ።
ሀትሪክ ስፖርት የተጫዋቾቹን ቅሬታ በመያዝ የክለቡ ከፍተኛ ሀላፊዎች ጋር ስልክ ብንደውልም አቶ ሱልጣን ( ስልካቸው ዝግ ) ፣ አቶ ናስር ( ስላከቸው ዝግ ) ፣ የቡድኑ መሪ አቶ ጅሀድ ከድር ስልካቸው ባለመነሳቱ ምክንያት የክለቡን አቋም ብሎም ምላሽ ለማግኘት ተቸግረናል ።
ሀትሪክ ስፖርት የክለቡን ከፍተኛ ሀላፊዎች ማግኘት በተቻለበት ሰዓት በማነጋገር ምላሹን ተከታትለን የምናቀርብ ይሆናል ።
አስተያየት ይስጡ