ግዙፉ አማካይ ጋቶች ፓኖም ወደ ኩዌቱ ክለብ አምርቷል።

በኢትዮጵያ ክልል ወጣቶች ውድድር ላይ ጋምቤላን ወክሎ በ2003 የውድድር ዘመን ዝዋይ ባቱ ላይ ባሳየው ድንቅ ብቃት በኢትዮጵያ ቡና ዕይታ ውስጥ ገብቶ ከእግር ኳስ ማህበረሰቡ ጋር መተዋወቅ የቻለው ግዙፉ የተከላካይ አማካይ ቦታ ተጫዋቹ ጋቶች ፓኖም ከሳውዲው ክለብ አል አራቢ ወደ በኩዌት ፕሪምየር ሊግ ስድስተኛ ሆኖ ወደቋጨው አል ፋሀል ክለብ በይፋ አምርቷል።
በሀገር ውስጥ ከኢትዮጵያ ቡና በኋላ ለመቐለ 70 እንደርታ ፣ ወላይታ ድቻ ፣ ቅዱስ ጊዮርጊስ እና ኢትዮጵያ መድን የተጫወተው የወቅቱ የዋልያዎቹ አምበል ወደ ሩሲያው ክለብ አንዚ ማካቻካላ ለግብፆቹ ኤልጉና እና ሀራስ ኤልሁዳድ ለሳውዲው አል አንዋር ለኢራቆቹ ኒው ሮዝ እና አልናጃፍ ከተጫወተ በኋላ የተጠናቀቀውን አመት ደግሞ በድጋሚ ወደ ሳውዲ በመመለስ በአል አራቢ ቆይታ ማድረግ የቻለ ሲሆን አሁን ደግሞ ወደ ኩዌት በማምራት አል ፋሀልን በይፋ መቀላቀሉ ታውቋል።
አስተያየት ይስጡ