የዋልያዎቹ የቀድሞው አሰልጣኝ በእንግሊዝ ፕርሚየር ሊግ ሀላፊ ሊሆኑ ነው

የቀድሞው የኢትዮጵያ ብሔራዊ ቡድን አሰልጣኝ ኤፊ ኦኑራ በእንግሊዝ በፕርሚየር ሊጉ ሀላፊዎች የፕሪሚየር ሊጉ የመጀመሪያው የእኩልነት እና ብዝሃነት ኃላፊ በመሆን ለመሾም ከስምምነት መደረረሳቸው ይፋ ተደርጓል ።

የ 53 ዓመቱ የቀድሞው የ ሀደርስፊልድ እና ግሊንግሀም ክለብ ተጫዋች ኤፊ ኦኑራ ከዚህ ቀደም የፕሮፌሽናል ተጫዋቾች ማህበር ላይ የእኩልነት ሀላፊ በመሆን መስራታቸው ይታወሳል ።

የእንግሊዝ ፕርሚየር ሊግ ይህን ሹመት ለ ኤፊ ኦኑራ ከመስጠታቸው አስቀድሞ የተለያዩ ብቃቱ ያላቸውን ሰዎች በ 2020 የፈረንጆች አቆጣጠር ጀምሮ ለመቅጠር ሲሰሩ ወቅታዊው የኮሮና ቫይረስ ጉዳዩን እንዳዘገየው ተገልጿል ።

ኤፊ ኦኑራ ከመጪው ወርሀ ሚያዚያ ጀምሮ ስራቸውን እንደሚጀምሩ ተገልጿል ።

ኦኑራ ከዚህ ቀደም ጥቁር እንዲሁም ከ እስያ ሀገራት አሰልጣኞች የሻምፒየንሺፑን ክለቦች እንዲቀላቀሉ በማበረታታት ትልቅ ሚና መጫወት ችለዋል ፡፡