መነሻ ገጽ ሀዲያ ሆሳዕና የጨዋታ ዘገባ | አዲስ አበባ ከተማ በድንቅ ግስጋሴው ቀጥሏል
ሀዲያ ሆሳዕናቤትኪንግ የኢትዮጵያ ፕሪምየር ሊግአዲስአበባ ከተማዜናዎችየጨዋታ ዘገባ

የጨዋታ ዘገባ | አዲስ አበባ ከተማ በድንቅ ግስጋሴው ቀጥሏል

አጋራ
አጋራ

በዕለቱ ሁለተኛ ጨዋታ በሀድያ ሆሳዕና እና በአዲስ አበባ ከተማ መካከል ተደርጎ በተከታታይ ጨዋታዎች ጠንካራ አቋም በማሳየት ላይ የሚገኘው የመዲናዋ ክለብ በሪችሞንድ ኦዶንጎ አስደናቂ ግብ 1 ለ 0 አሸንፈዋል ።

ሀድያ ሆሳዕና በአምስተኛ ሳምንት ከሀዋሳ ከተማ ጋር ባደረጉት ጨዋታ ከተጠቀሙት ቋሚ 11 ሶስት ቅያሪዎችን በማድረግ መላኩ ወልዴን ሳምሶን ጥላሁን እና ሀብታሙ ታደሰን ጨዋታውን እንዲጀምሩ አድርገዋል ። በአዲስ አበባ ከተማ በኩል ግን አዳማ ከተማ የገጠመውን ቋሚ አሰላለፍ ምንም ቅያሪ ሳያደርጉ ወደ ጨዋታው ገብተዋል ።

ጨዋታው ገና ከጅምሩ ፈጣን እንቅስቃሴ የነበረው እና በሁለቱም ክለቦች በኩል ቶሎ ወደ ተጋጣሚ የግብ ክልል በመድረስ ጫና ለመፍጠር የሞከሩበት ነበር ።

የጨዋታው የመጀመሪያ ሙከራ በሁለተኛው ደቂቃ ላይ በሀድያ ሆሳዕናው አምበል የተደረገ ነበር ። በተጠቀሰው ደቂቃ ላይ ተስፋዬ አለባቸው ከሳጥን ውጪ መሬት ለመሬት አክርሮ የመታው ኳስ በግብ ጠባቂው ዳንኤል ተሾመ ለጥቂት ተመልሷል ። ከሶስት ደቂቃዎች በኋላ ኡመድ ኡክሪ በሳጥን ውስጥ ሆኖ ያገኘውን ኳስ ወደ ግብ ሊመታው ሲል በአስረሳኸኝ ጴጥሮስ በተሰራበት ጥፋት ምክንያት ሀድያ ሆሳዕናዎቾ የፍፁም ቅጣት ምት ማግኘት ችለዋል ። የፍፁም ቅጣት ምቱ ራሱ ጥፋት የተሰራበት ኡመድ ቢመታውም በአምስተኛው ሳምንተ አዲስ አበባ ከተማ ከአዳማ ከተማ አቻ በተለያያበት ጨዋታ ድንቅ ብቃቱን ማሳየት የቻለው ግብ ጠባቂው ዳንኤል ተሾመ በቀላሉ ይዞታል ።

ሁለቱም ክለቦች አጥቅተው ለመጫወት ማሰባቸውን በሚያሳብቅ መልኩ በተደጋጋሚ ወደ ግብ ክልሎች ይደርሱ ነበር ። ነገር ግን በሶስተኛው የማጥቃት ክፍል ደርሰው የሚያደርጉት ቅብብል በተጋጣሚ ተከላካዮች እየተመለሱባቸው የግብ ሙከራዎች በቀላሉ ማድረግ አልቻሉም ። በተለይም ከውሀ እረፍት በኋላ በተሻለ ወደ ግብ መድረስ የቻሉት አዲስ አበባ ከተማዎች ጥሩ ጥሩ የግብ ሙከራዎችን ማድረግ ችለዋል ።

42ኛው ደቂቃ ላይ አዲስ አበባ ከተማዎቾ ያገኙትን የቅጣት ምት ፍፁም ጥላሁን መሬቴ ለመሬት ወደ ግብ ሞክሮት የነበረው ቢሆንም ግብ ጠባቂው.. መልሶበታል ። እንዲሁም የመጀመሪያው ኢጋማሽ መጠናቀቂያ ላይ አዲስ አበባ ከተማዎች ከቀኝ መስመር ያገኙትን የቅጣት ምት አስረሳኸኝ ጴጥሮሰ ወደ ግብ አሻምቶት እንዳለ ከበደ ነፃ ሆኖ አግኝቶ በግንባሩ ቢገጨውም ኢላማውን ሳይጠብቅለት ቀርቷል ።

በሁለተኛው አጋማሽ ልክ እንደ መጀመሪያው አጋማሽ ጅማሮ በፈጣን እንቅስቃሴ የተጀመረ ነበር ። በ46ኛው ደቂቃ ላይ ሀብታሙ ታደሰ ከጨረቃዋ አካባቢ የሞከረው ኳስ ለጥቂት ወደ ውጪ ወቶበታል ። ከሶሰት ደቂቃዎች በኋላም ኡመድ ኡክሪ ለግቡ ጀርባውን ሰጥቶ የተቀበለውን ኳስ ዞሮ ቢሞክረውም ምቱ ጠንካራ ስላልነበር ዳንኤት ተሾመ በቀላሉ ይዞታል ። አዲስ አበባ ከተማዎቾ በአጋማሹ የመጀመሪያ ሙከራቸውን ያደረጉት በ… ነበር ። 54ኛው ደቂቃ ላይ ከሳጥን ውጪ ያገኘውን ኳስ ወደ ግብ ሞክሮት በሶሆሆ ሜንሳህ ተይዟል ።

ቀስ በቀስ ከተጋጣሚያቸው በተሻለ ለመንቀሳቀስ የቻሉት አዲስ አበባ ከተማዎች 73ኛ ደቂቃ ላይ መሪ የሆኑበትን ግብ አስቆጠሩ ። ሪችሞንድ ኦዶንጎ ከቀኝ መስመር በአየር ላይ ያሻገረለትን ኳስ ተከላካዮችን አምልጦ በመሄድ ኳሱ አየር ላይ እንዳለ ሁኔታ ግሩም ግብ አስቆጠረ ።

በቀጣዮቹ ደቂቃዎች ሀድያ ሆሳዕናዎች የአቻነቷን ግብ ለማግኘት ጥረቶችን ቢያደርጉም አዲስ አበባ ከተማዎች ያስቆጠሩትን ግብ ይዘው መረባቸውን ሳያስደፍሩ ወተዋል ።

ውጤቱን ተከትሎም አሸናፊው አዲስ አበባ ነጥቡን 10 ያደረሰ ሲሆን ሀድያ ሆሳዕና በበኩሉ ባለበት 3 ነጥብ የሚቆይ ይሆናል ።

አጋራ

አስተያየት ይስጡ

Leave a Reply

Your email address will not be published. Required fields are marked *

ተዛማጅ ጽሑፎች
ሽረ ምድረገነትዜናዎችየኢትዮጵያ ከፍተኛ ሊግ

ምድረ ገነት ሽረ ከኢትዮጵያ ከፍተኛ ሊግ ውድድር ውጭ ሆነ!

በኢትዮጵያ ፕሪሚየር ሊግ ሲሳተፍ የነበረው እና በተጠናቀቀው የውድድር አመት ከኢትዮጵያ ፕሪሚየር ሊግ...

መቻልኢትዮጵያ ቡናዜናዎችየዝውውር ዜናዎች

ሁለቱን ተጫዋቾች ሁለቱ ክለቦች ተካፈሉ

ለሁለት ክለብ በመፈረማቸው ቅጣት ላይ የነበሩት ተጫዋቾች ለመቻል እና ለኢትዮጲያ ቡና እንዲጫወቱ...

ካፍዜናዎች

የኒጀር እና ሞሮኮ ጨዋታ በኢትዮዽያዊያን ዳኞች ሊመራ ነው

ራቫት ላይ የሚደረገው ወሳኙ የአፍሪካ ዋንጫ የማጣሪያ ጨዋታ በኢትዮዽያዊያን ዳኞች ይመራል። ኬኒያ...