ኢትዮጵያዊያን ዳኞች ለትልቁ መርሐ ግብር ተመረጡ !

ኢትዮጵያዊው ኢንተርናሽናል የመሐል ዳኛ ባምላክ ተሰማ ከ አንድ ወር በኋላ በሚካሄደው የሀገራት የ 2021 የአፍሪካ ዋንጫ ማጣሪያ ጨዋታ እንዲመራ መመረጡ ታውቋል ።

ኢንተርናሽናል ዳኛ ባምላክ ተሰማ የትላልቆቹን ሀገራት ጋና እና ደቡብ አፍሪካ የሚገናኙበትን ግዙፍ ጨዋታ እንደሚመራ ይጠበቃል ።

የጋና ብሔራዊ ቡድን ከ ባፋና ባፋናዎቹ ጋር መጋቢት 16 በ ጆሀንስበርግ ጋር ትልቅ መርሐ ግብራቸውን የሚያካሂዱ ይሆናል ።

ከኢንተርናሽናል ዳኛ ባምላክ ተሰማ በተጨማሪም ክንዴ ሙሴ እና ተመስገን ሳሙኤል ይህን ጨዋታ ከ ባምላክ ጋር በረዳት ዳኝነት እንደሚመሩ ለማወቅ ተችሏል ።

ይህን ጨዋታ በአራተኛ ዳኝነት ሌላኛው ኢትዮጵያዊ ብሩክ የማነብርሀን ሆነው መሾማቸው ለማወቅ ችለናል ።