የሀድያ ሆሳዕና ክለብ ከተጫዋቾች ክፍያ ጋር በተያያዘ በድጋሚ ችግር ውስጥ ገብቷል

በቤትኪንግ የኢትዮጵያ ፕሪሚየር ሊግ ተሳታፊ የሆነው የሀድያ ሆሳዕና ክለብ በ2013 የውድድር አመት ከተጫዋቾች ክፍያ ጋር በተያያዘ ብዙ ውዝግቦችን ማስተናገዱ ይታወሳል ። ከአምናው ስህተቱ የተማረ የማይመስለው ክለቡ የውድድር አመቱ ገና ከመጀመሩ ከተጫዋቾቹ ጋር አለመግባባት ውስጥ ገብቷል ።

በሊጉ የመጀመሪያ ጨዋታ ከፋሲል ከተማ ጋር የሚያደርጉት ጨዋታ ሰአታት በቀሩበት ጊዜ 12 ተጫዋቾች ከክለቡ ጋር የተስማማነውን የፊርማ ገንዘብ ሊያስገቡልን ፈቃደኛ አልሆኑም በማለት ጨዋታውን አናደርግም አሉ ። ነገር ግን በዋና አሰልጣኙ ሙሉጌታ ምህረት ተማፅኖ ጨዋታውን አድርገዉ 3 ለ 1 በሆነ ውጤት ተሸንፈዋል ።

ከዚህ ጨዋታ በኋላ እነዚህ 12 ተጨዋቾች ከክለቡ ጋር ልምምድ መስራት ያቆሙ ሲሆን የክለቡ አመራሮች ክፍያውን የማይፈፅሙላቸው ከሆነ በነገው ዕለት ከባህር ዳር ከተማ ጋር ያላቸውን ጨዋታ እንደማያደርጉ ተናግረዋል ።

Writer & Photographer at Hatricksport

Aku Emati

Writer & Photographer at Hatricksport