ኢትዮጵያ ቡና ናይጄሪያዊ የመስመር አጥቂ አስፈረመ

ኢትዮጵያ ቡና ናይጄሪያዊውን የመስመር አጥቂ አዳሙ አቡበከርን በሁለት ዓመታት ውል ማስፈረሙን ይፋ አድርጓል።

ተጫዋቹ ያለፈውን የውድድር ዘመን በፕላቲዩ ዩናይትድ ያሳለፈ ሲሆን በሊጉ ባደረጋቸው 30 ጨዋታዎች 6 ግቦችን አስቆጥሮ 5 ለግብ የሚሆኑ ኳሶችን አመቻችቶ አቀብሏል።

የእግር ኳስ ህይወቱን በኖርዌይ በሚገኝ አካዳሚ የጀመረው የ28 ዓመቱ ተጫዋች ፕላቲዩ ዩናይትድን ጨምሮ ለአራት የናይጄሪያ ክለቦች ተጫውቶ አሳልፏል።

በ2022/23 የውድድር ዘመንም ከኢንዬምባ ክለብ ጋር የናይጄሪያ ፕሪሚየር ሊግ ሻምፒዮን ሆኗል።

ኢትዮጵያ ቡና ከጥቂት ቀናት በፊትም ዘላለም አባተን ከወላይታ ድቻ ማስፈረሙ የሚታወስ ነው።