የኢትዮጵያ ፕሪሚየር ሊግ የዓመቱ ኮከብ ዕጩዎች ይፋ ሆኑ

የ2017 ዓ.ም የኢትዮጵያ ፕሪሚየር ሊግ የዓመቱ ምርጥ ተጫዋች ፣ ምርጥ ግብ ጠባቂ እና ምርጥ ተስፈኛ ተጫዋች ዕጩዎች ይፋ ሆነዋል።

በኮከብ ተጫዋች ዘርፍ ሻምፒዮኑ ኢትዮጵያ መድን ሶስት ተጫዋቾችን አስመርጧል።

ሀይደር ሸረፋ ፣ ዳዊት ተፈራ እና መሐመድ አበራ በዕጩ ዝርዝሩ የተካተቱ የኢትዮጵያ መድን ተጫዋቾች ናቸው።

ኢትዮጵያ ቡና ደግሞ ሁለት ተጫዋቾችን ሲያስመርጥ ራምኬል ጀምስ እና ዲቫይን ዋቹኩዋ ተካተዋል።

የሀዋሳ ከተማው አሊ ሱሌማን እና የመቻሉ ሽመልስ በቀለ በዕጩ ዝርዝሩ መካተት የቻሉ ተጫዋቾች ናቸው።

በምርጥ ግብ ጠባቂ ዘርፍ ደግሞ የኢትዮጵያ መድኑ አቡበከር ኑራ ፣ የኢትዮጵያ ቡናው ዳንላድ ኢብራሂም እና የባህርዳር ከተማው ፔፔ ሰይዶ ተካተዋል።

በዓመቱ ምርጥ ተስፈኛ ተጫዋች ዘርፍ ስድስት ተጫዋቾች በዕጩነት ሲቀርቡ የኢትዮጵያ መድኑ በረከት ካሌብ ፣ የኢትዮጵያ ቡናው ይታገሱ እንዳለ ፣ የቅዱስ ጊዮርጊሱ ሔኖክ ዮሐንስ ፣ የባህርዳር ከተማው ሔኖክ ይበልጣል እና የመቀሌ 70 እንደርታው ዘረሰናይ ብርሀኑ ተመርጠዋል።

የሊጉ ተከታታዮች እስከ ሰኔ 13 ድረስ ድምፅ መስጠት እንደሚችሉ ተገልጿል።