መነሻ ገጽ ቃለመጠይቅ “በጅማ አባጅፋር ላይ የተቀዳጀነው ድል ቢያስደስተንም ወደምንፈልገው አቋማችን ግን ገና አልመጣንም”ኤልያስ ማሞ /ድሬዳዋ ከተማ/
ቃለመጠይቅቤትኪንግ የኢትዮጵያ ፕሪምየር ሊግዜናዎችድሬዳዋ ከተማ

“በጅማ አባጅፋር ላይ የተቀዳጀነው ድል ቢያስደስተንም ወደምንፈልገው አቋማችን ግን ገና አልመጣንም”ኤልያስ ማሞ /ድሬዳዋ ከተማ/

አጋራ
አጋራ

የድሬዳዋ ከተማው ስኬታማ የአማካይ ስፍራ ተጨዋች ኤልያስ ማሞ በቤትኪንጉ የኢትዮጵያ ፕሪምየር ሊግ ሻምፒዮና ቡድናቸው ጅማ አባጅፋርን በአስቻለው ግርማ እና በጁኒየስ ናንጄቦ ግቦች 2-0 የድል ውጤትን ከማግኘት አንፃር ማሸነፋቸው ቢያስደስተውም ከእንቅስቃሴ አንፃር ግን ቡድናቸው ወደ ሚፈለግበት ደረጃ እና አቋም ገና እንዳልመጣ ከሀትሪክ ስፖርት ድረ ገፅ ጋር ባደረገው ቆይታ ሀሳቡን ገልጿል።

የድሬዳዋ ከተማ እግር ኳስ ክለብ ከጅማ አባጅፋር ጋር ባደረገው ጨዋታ በመጀመሪያው አጋማሽ ኳስን በመቆጣጠርም ሆነ የግብ እድሎችን በመፍጠር በኩል ከተጋጣሚው አንፃር ተሽሎ እና ለድል ከበቃባቸውም ግቦች መካከልም አንዱን አስቆጥሮ በግብ ቢመራም የሁለተኛው አጋማሽ ጅማሬ ላይ ደግሞ ወደ ኋላ አፈግፍጎ ከተጫወተ በኋላ መልሶ ደግሞ ቀደም ሲል ወደነበረው አጨዋወቱ በመመለስ ሌላኛዋን የድል ግብ አስቆጥሮ ጨዋታውን በአሸናፊነት ሊወጣ ችሏል።

ሀትሪክ ድረ ገፅ የድሬዳዋ ከተማውን አማካይ ከጨዋታው በኋላ ቡድናቸው በጅማ አባጅፋር ላይ ስለ ተቀዳጀው ድል፣ ስለ ግጥሚያው ስለ ዘንድሮ የውድድር ዘመን ቆይታቸው እና ስለ ራሱም ጥያቄዎችን አንስተንለት ምላሾቹን በሚከተለው መልኩ አጠር አድርጎ ሰጥቷል።

ከጅማ አባጅፋር ጋር ስላደረጉት ጨዋታ እና ስለተጎናፀፉት ድል?

“ጨዋታው ጥሩ እና ጠንካራ ነበር። በመጀመሪያው አጋማሽ እኛ ከእነሱ በተሻለ መልኩ ተጫውተናል። የግብ እድሎችንም ፈጥረን አንዷን ልንጠቀምበት ችለናል። የሁለተኛው አጋማሽ ላይ ደግሞ ቡድናችን ባለፉት ሁለት ግጥሚያዎቹ ከሽንፈት ከመምጣቱ አኳያ የመሪነቱን ውጤት አስጠብቆ ለመውጣት ከመፈለግ አኳያ ወደ ኋላ ስላፈገፈግን በምንፈልገው መልኩ ለመጫወት አልቻልንም። ከዛም መልሰን እንቅስቃሴያችንን ስለቀየርን በመልሶ ማጥቃት ጨዋታ ሌላኛዋን የድል ግብ አስቆጠርን። ባገኘነው የድል ውጤትም በጣም ተደሰትን”።

የድሬዳዋ ከተማ ጠንካራ እና ደካማ ጎን?

“በሊጉ ተሳትፎአችን በጠንካራ ጎንነቱ የተመለከትኩት ነገር ቢኖር ተሸነፍንም አሸነፍንም ወደፊት አጥቅቶ የሚጫወት ቡድን ያለን መሆኑ ነው፤ በተቃራኒ ቡድን የግብ ክልልም በተደጋጋሚም መድረሳችንም በጥሩ ጎንነቱ የሚነሳም ነው፤ እንደዛም ሆኖ ግን የምናገኛቸውን የግብ አጋጣሚዎች አለመጠቀማችን ደግሞ ዋጋ እያስከፈለን ይገኛልና ይሄን የቡድናችንን ክፍተት ወይንም ድክመት በፍጥነት ልናርመው ይገባል”።

ድሬዳዋ ከተማን ከአምናው አንፃር ስትመዝነው?

“የአሁኑ ቡድናችን ከተጨዋቾች ስብስቡ አንስቶ ጥሩ እና በብዙ መልኩ ከአምናው ከፍተኛ ለውጥ ያለው ነው። ጥሩ እንቅስቃሴን በማድረጉም በኩል ተሻሽለናል”።

የድሬዳዋ ከተማ ክለብን በምን መልኩ ለመጥቀም እንደተዘጋጀ እና ዘንድሮ ስለሚያመጡት ውጤት?

“በድሬዳዋ ከተማ ክለብ ውስጥ ያለኝ ቆይታ ጥሩ እና የወደድኩት ነው። ከዛም በመነሳት ዘንድሮ በሚኖረኝ የቡድኑ ተሳትፎ ከአምናው በተሻለ ብቃቴን አሳይቼ ክለቤን ለመጥቀም ተዘጋጅቻለው። ቡድናችንን በተመለከተም በቤትኪንግ ፕሪምየር ሊጉ ሻምፒዮና ለውጤታማነት በመጫወት ጠንካራ ተፎካካሪም እንሆናለን”።

ስለ ቀጣዮ ጨዋታቸው?

“እኛ ለሁሉም ግጥሚያ ነው ትኩረት ሰጥተን ወደ ሜዳ የምንገባው። አጥቅቶ የሚጫወት ቡድኝ ስላለንም አላማችን እያንዳንዱን ጨዋታም አሸንፎ ለመውጣት ነው”።

አጋራ

አስተያየት ይስጡ

Leave a Reply

Your email address will not be published. Required fields are marked *

ተዛማጅ ጽሑፎች
ሽረ ምድረገነትዜናዎችየኢትዮጵያ ከፍተኛ ሊግ

ምድረ ገነት ሽረ ከኢትዮጵያ ከፍተኛ ሊግ ውድድር ውጭ ሆነ!

በኢትዮጵያ ፕሪሚየር ሊግ ሲሳተፍ የነበረው እና በተጠናቀቀው የውድድር አመት ከኢትዮጵያ ፕሪሚየር ሊግ...

መቻልኢትዮጵያ ቡናዜናዎችየዝውውር ዜናዎች

ሁለቱን ተጫዋቾች ሁለቱ ክለቦች ተካፈሉ

ለሁለት ክለብ በመፈረማቸው ቅጣት ላይ የነበሩት ተጫዋቾች ለመቻል እና ለኢትዮጲያ ቡና እንዲጫወቱ...

ካፍዜናዎች

የኒጀር እና ሞሮኮ ጨዋታ በኢትዮዽያዊያን ዳኞች ሊመራ ነው

ራቫት ላይ የሚደረገው ወሳኙ የአፍሪካ ዋንጫ የማጣሪያ ጨዋታ በኢትዮዽያዊያን ዳኞች ይመራል። ኬኒያ...

ዜናዎችየኢትዮጵያ ፕሪሚየር ሊግ

በ5 ሳምንታት 39 ጨዋታዎች፣ 72 ጎሎችና ከ22.6 ሚሊዮን ብር በላይ ገቢ ተመዘገበ!

በአቤኔዘር አበበ በ2019 ዓ.ም የሲቢኢ ኢትዮጵያ ፕሪሚየር ሊግ የመጀመሪያዎቹ አምስት የውድድር ሳምንታት...