የዋሊያዎቹ አሰልጣኝ ውበቱ አባተ ብሄራዊ ቡድን ማለት ምን ማለት እንደሆነ ለተጨዋቾቻችን ግንዛቤ መስጠት ይገባል አሉ።
አሰልጣኙ ዛሬ በሰጡት መግለጫ “ተጨዋቾቻችን 110 ሚሊየን ህዝብ መወከል የገባቸው አይመስልም የሀገርን ክብርና ዋጋ እየተረሳ ነው። ጥሪ ሲደረግላቸው መቅረት ትልቅ ስህተት ነው የማይተካ ተጨዋች ኢትዮጵያ ውስጥ የለም እኔም እተካለሁ” ሲሉ ቅሬታቸውን ገልጸዋል። ” በሀገራችን አንድ ተጨዋች በአመት ትልቁ ጨዋታ 12 ጨዋታ ቢሆን ነው 60 ጨዋታ በአመት ካላደረገ በዛ መባል የለበትም”ያሉት አሰልጣኙ ” 99.9 በመቶ በጀት ከህብረተሰቡ ግብር ክፍያ የተገኘ መሆኑን ማወቅ አለባቸው በፊፋ ካላንደር የተጠራ ጥሪ አይደሉም ማለቱንም ማቆም አለባቸው” ሲሉ ተናግረዋል።
አሰልጣኙ እንደሚሉት “መስኡድ መሃመድ፣ ጀማል ጣሰውና ጌታነህ ከበደ የመሰሉ ሲኒየር ተጨዋቾች ምስጋና ሊቸራቸው ይገባል ለወጣቶቹ አርአያ እየሆኑ ነው ይህንንም ለተጨዋቾቻቸው ነግሬያቸዋለሁ”ሲሉ አስረድተዋል።
አስተያየት ይስጡ