ቤትኪንግ የኢትዮጵያ ፕርሚየር ሊግ 24 ሳምንት የዲሲፕሊን ውሳኔዎች

የኢትዮጵያ ፕሪምየር ሊግ ውድድር አመራርና ስነ-ስርዓት ኮሚቴ ረቡዕ ግንቦት 11 2013 ዓ.ም ባደረገው ስብሰባ የተደረጉ የኢትዮጵያ ፕሪምየር ሊግ ግጥሚያ(ዎች) ከዳኞች እና ከታዛቢዎች የቀረቡለትን የዲሲፕሊን ሪፖርት ከመረመረ በኋላ የተለያዩ ውሳኔዎችን አስተላልፏል ።

1. ፋቢያን ፋርኖሌ (ሲዳማ ቡና) ክለቡ ከ ኢትዮጵያ ቡና ጋር ባደረገው የ 24ኛ ሳምንት እግር ኳስ ጨዋታ ላይ በ90ኛ ደቂቃ ላይ ሁለተኛ ቢጫ ካርድ የሚያስጥ ጥፋት በመፈፀሙ ቀይ ካርድ አይቶ ከጨዋታ ሜዳ የተወገደ ስለመሆኑ ሪፖርት ቀርቦበታል ።

ተጫዋቹ ለፈፀመው ጥፋት በኢ.እ.ፌ ዲሲፕሊን መመሪያ መሰረት 1 ጨዋታ እንዲታገድ ወስኗል።

2. ሥዩም ተስፋዬ (ጅማ አባ ጅፋር) ክለቡ ከ ባህርዳር ከተማ ጋር ባደረገው የ 24ኛ ሳምንት እግር ኳስ ጨዋታ ላይ በ 93ኛ ደቂቃ ላይ የተጋጣሚን ቡድን ግልፅ ግብ የማግባት ዕድል በማበላሸት ከጨዋታ ሜዳ የተወገደ ስለመሆኑ ሪፖርት ቀርቦበታል ።

ተጫዋቹ ለፈፀመው ጥፋት በኢ.እ.ፌ ዲሲፕሊን መመሪያ 3 ጨዋታ እንዲታገድ እና በተጨማሪ የገንዘብ ቅጣት ብር 3000 /ሶስት ሺህ/ እንዲከፍል ወስኗል።

3 አሜ መሐመድ(ወልቂጤ ከተማ) ፣ ፍቅረሚካኤል አለሙ ( ባህርዳር ከተማ ) እና ጊት ጋትኩት ( ሲዳማ ቡና ) በአምስት ጨዋታዎች የቢጫ ማስጠንቅቂያ ካርድ የተመለከተ በመሆኑ ተጫዋቹ ለፈፀመው ጥፋት በኢ.እ.ፌ ዲሲፕሊን መመሪያ መሰረት 1 ጨዋታ እንዲታገዱ እና በተጨማሪ የገንዘብ ቅጣት ብር 1500 /አንድ ሺ አምስት መቶ/ እንዲከፍሉ ወስኗል።

Hatricksport website Editor

Twitter

kidus Yoftahe

Hatricksport website Editor