መነሻ ገጽ ቤትኪንግ የኢትዮጵያ ፕሪምየር ሊግ ቤትኪንግ ፕሪሚየር ሊግ በበርካታ ችግሮች ውስጥ ሆኖ ከሰዓታት በኃላ ይጀመራል
ቤትኪንግ የኢትዮጵያ ፕሪምየር ሊግዜናዎችየኢትዮጵያ ፕሪሚየር ሊግ

ቤትኪንግ ፕሪሚየር ሊግ በበርካታ ችግሮች ውስጥ ሆኖ ከሰዓታት በኃላ ይጀመራል

አጋራ
አጋራ

የቤትኪንግ የኢትዮጵያ ፕሪሚየር ሊግ ከቀኑ 10:00 በቅዱስ ጊዮርጊስና በሰበታ ከተማ ጨዋታ ይጀመራል።

የማስተናገድ ሀላፊነቱን የወሰደችው ድሬዳዋ ውድድሩ ያማረ እንዲሆን የተለያያ ጥረቶችን ብታደርግም የከተማዋ ከንቲባ የተከበሩ አቶ አህመድ መሀመድ ቡህ የእንግድነት ስሜት እንዳይሰማችሁ የተሻለ ነገር ለመፍጠር እንሞክራለን በማለት ለሁሉም ክለቦች (ከሀድያ ሆሳዕና በስተቀር) የእንኳን ደህና መጣችሁ የክብር የራት ግብዣ በድሬዳዋ ራስ ሆቴል በማድረግ የድሬን የእንግዳ ተቀባይነት በተግባር ቢያሳዩም ድሬዳዋና የውድድሩ የበላይ የሆነው ሊግ ካምፓኒው ከልምምድ ሜዳ ችግር፣ ከቪድና የአየር ንብረቱ ወይም ሙቀቱ ለጨዋታ ምቹ አለመሆንን ተከትሎ ከወዲሁ በበርካታ ክለቦች ወቀሳ እየደረሰባቸው ነው።

ድሬዳዋ ህዝቡና የከተማው መስተዳደር የተሻለ ቆይታ እንዲኖረን ጥረት ሲያደርጉ ቢታይም በቂ የልምምድ ሜዳ አለመኖር ያሉትም ድንጋያማና አቧራማ መሆናቸው ለልምምድ አመቺ እንዳይሆን ከማድረጉም በላይ የጤናና የጉዳት ስጋትን ይፈጥርብናል በሚል ከወዲሁ በርካታ ክለቦች ማማረር ጀምረዋል።

ከዚህ ከልምምድ ሜዳ ውጪ የድሬዳዋ የአየር ንብረት ሙቀቱ በጣም የበረታና ከ35 ድግሪ በላይ መሆኑ ሌላው ስጋታቸው እንደሆነ የሚናገሩት ክለቦች ከሁሉም በላይ ኮቪድ ተጫዋቾችን ማጥቃቱና ዳኛ እስከማስቀየር መድረሱ ነገሮችን አሳሳቢ እንዳደረገባቸው እነዚሁ የመረጃ ምንጮች ገልፀውልናል፤ለሙያው ክብር ስንል ስም ባይጠቀስም የዛሬ የ10:00 ሠዓቱን የቅዱስ ጊዮርጊስንና የሰበታን ጨዋታ የሚመራው ዳኛ የኮቪድ ምልክት በማሳየቱ ተቀይሮ ጨዋታው ሊዲያ ታፈሰ እንድትመራው መወሰኑ ተስምቷል።
ከላይ ከተቀየረው ዳኛ ሌላም ከሀዋሳ የተመረጠ ዳኛም የኮቪድ ምልክት በማሳየቱ እሱም እንዲቀየር መደረጉን ታማኝ ምንጮች ገልፀውልናል።

የቅዱስ ጊዮርጊስ ቡድን ከሜዳ፣ከሙቀት ችግር፣ከኮቪድ ጋር የሚፈጠሩ ችግሮችን በመስጋት ከሰበታ ጋር የሚያደርገውን ጨዋታ ካጠናቀቀ በኃላ ዛሬውኑ ወደ ቢሾፍቱ ለመመለስ መወሰኑን ምንጮች ጨምረው ገልፀውልናል።

አጋራ

አስተያየት ይስጡ

Leave a Reply

Your email address will not be published. Required fields are marked *

ተዛማጅ ጽሑፎች
ሽረ ምድረገነትዜናዎችየኢትዮጵያ ከፍተኛ ሊግ

ምድረ ገነት ሽረ ከኢትዮጵያ ከፍተኛ ሊግ ውድድር ውጭ ሆነ!

በኢትዮጵያ ፕሪሚየር ሊግ ሲሳተፍ የነበረው እና በተጠናቀቀው የውድድር አመት ከኢትዮጵያ ፕሪሚየር ሊግ...

መቻልኢትዮጵያ ቡናዜናዎችየዝውውር ዜናዎች

ሁለቱን ተጫዋቾች ሁለቱ ክለቦች ተካፈሉ

ለሁለት ክለብ በመፈረማቸው ቅጣት ላይ የነበሩት ተጫዋቾች ለመቻል እና ለኢትዮጲያ ቡና እንዲጫወቱ...

ካፍዜናዎች

የኒጀር እና ሞሮኮ ጨዋታ በኢትዮዽያዊያን ዳኞች ሊመራ ነው

ራቫት ላይ የሚደረገው ወሳኙ የአፍሪካ ዋንጫ የማጣሪያ ጨዋታ በኢትዮዽያዊያን ዳኞች ይመራል። ኬኒያ...