አዞዎቹ በአጋማሹ የዝውውር መስኮት ሦስተኛ ፈራሚያቸው ታውቋል።
በአሰልጣኝ አዲሴ ካሳ የሚመራው አርባምንጭ ከተማ በፕሪምየር ሊጉ ለመቆየት ጥረት ለማድረግ ከሰሞኑ አጥቂው ፍቃዱ አለሙ እና ተከላካዩን አማረ በቀለን የግላቸውን ያደረጉ ሲሆን በዝውውር መዝጊያውም ቀን ጋናዊውን አጥቂ መሐመድ አብዱል ራህማንን ማስፈረማቸውን ሀትሪክ ስፖርት በደረሳት መረጃ አረጋግጣለች።
የ26 አመት ዕድሜ እንዳለው የሚነገርለት እና በሀገሩ ጋና ለናሶትሪማን ከተጫወተ በኋላ በያዝነው አመት በቶጎ ፕሪምየር ሊግ ለኤ ኤስ ኦትር ግልጋሎት እየሰጠ በሁለተኛው ዙር ብቻ በሰባት ጨዋታዎች ስምንት ጎል ያስቆጠረው እና 11 በድምሩ ያስቆጠረው አጥቂው ወደ ሀገራችን ኢትዮጵያ መጥቶ በይፋ አዞዎቹን መቀላቀሉን ያገኘነው መረጃ ይጠቁማል።

አስተያየት ይስጡ