መነሻ ገጽ ሲዳማ ቡና ሲዳማ ቡና ለሶስተኛ ተከታታይ ጨዋታ በፍቅረየሱስ ተክለብርሃን ብቸኛ ግብ አሸንፏል
ሲዳማ ቡናስሁል ሽረአርባምንጭ ከተማኢትዮጵያ ቡናዜናዎችየኢትዮጵያ ፕሪሚየር ሊግ

ሲዳማ ቡና ለሶስተኛ ተከታታይ ጨዋታ በፍቅረየሱስ ተክለብርሃን ብቸኛ ግብ አሸንፏል

አጋራ
አጋራ

የኢትዮጵያ ፕሪሚየር ሊግ የ26ኛ ሳምንት የሁለተኛ ቀን ሁለት ጨዋታዎች በሀዋሳ ዩኒቨርስቲ ስታድየም ተደርገዋል።

ከቀን 9:00 ጀምሮ በተደረገው ቀዳሚው ጨዋታ ሲዳማ ቡና ኢትዮጵያ ቡናን 1 ለ 0 አሸንፏል።

በጨዋታው ፍቅረየሱስ ተክለብርሃን በ13ኛው ደቂቃ ላይ ያስቆጠረው ግብ ሲዳማ ቡናን አሸናፊ ለማድረግ በቂ ነበር።

ፍቅረየሱስ ተክለብርሀን ባለፉት ሁለት ተከታታይ ጨዋታዎች ቡድኑ አርባምንጭ ከተማን እና ባህርዳር ከተማን ሲያሸንፍ የማሸነፊያ ብቸኛ ግቦቹን ማስቆጠሩ ይታወሳል።

የዓመቱ ዘጠነኛ የሊግ ድሉን ያስመዘገበው ሲዳማ ቡና በስምንቱ ጨዋታዎች ግብ ሳይቆጠርበት አሸንፏል።

ውጤቱንም ተከትሎ ሲዳማ ቡና ነጥቡን 35 በማድረስ የዘጠነኛ ደረጃ ላይ ተቀምጧል።

የውድድር ዘመኑን ሰባተኛ ሽንፈት ያስተናገደው ኢትዮጵያ ቡና ከኢትዮጵያ መድን ያለውን ልዩነት የሚያጠብበትን ዕድል ዳግም ሳይጠቀም ቀርቷል።

በ27ኛ ሳምንት ጨዋታዎች ኢትዮጵያ ቡና ከድሬዳዋ ከተማ ሲዳማ ቡና ደግሞ ከሀዋሳ ከተማ ጋር ጨዋታቸውን ያደርጋሉ።

በዕለቱ ሁለተኛ ጨዋታ ከአመሻሽ 12:00 ጀምሮ የተገናኙት አርባምንጭ ከተማ እና ስሁል ሽረ ያለ ግብ ጨዋታቸውን አጠናቀዋል።

ውጤቱንም ተከትሎ አርባምንጭ ከተማ ነጥቡን 38 በማድረስ ለጥቂት ሰዓታት ተነጥቆ ወደነበረበት ወደ 8ኛ ደረጃ ተመልሷል።

ስሁል ሽረ በበኩሉ ነጥቡን 18 ያደረሰ ሲሆን በደረጃው ላይ ግን ለውጥ ሳያደርግ በ17ኛ ደረጃ ለመቆየት ተገዷል።

በ27ኛ ሳምንት ጨዋታዎች አርባምንጭ ከተማ ከኢትዮጵያ ቡና እንዲሁም ስሁል ሽረ ከወላይታ ድቻ ይጫወታሉ።

የሊጉ መርሐግብር በነገው ዕለትም ሲቀጥል አዳማ ከተማ ከመቻል ፤ ፋሲል ከነማ ከድሬዳዋ ከተማ እንዲሁም ባህርዳር ከተማ ከመቀሌ 70 እንደርታ ይገናኛሉ።

አጋራ

አስተያየት ይስጡ

Leave a Reply

Your email address will not be published. Required fields are marked *

ተዛማጅ ጽሑፎች
ሽረ ምድረገነትዜናዎችየኢትዮጵያ ከፍተኛ ሊግ

ምድረ ገነት ሽረ ከኢትዮጵያ ከፍተኛ ሊግ ውድድር ውጭ ሆነ!

በኢትዮጵያ ፕሪሚየር ሊግ ሲሳተፍ የነበረው እና በተጠናቀቀው የውድድር አመት ከኢትዮጵያ ፕሪሚየር ሊግ...

መቻልኢትዮጵያ ቡናዜናዎችየዝውውር ዜናዎች

ሁለቱን ተጫዋቾች ሁለቱ ክለቦች ተካፈሉ

ለሁለት ክለብ በመፈረማቸው ቅጣት ላይ የነበሩት ተጫዋቾች ለመቻል እና ለኢትዮጲያ ቡና እንዲጫወቱ...

ካፍዜናዎች

የኒጀር እና ሞሮኮ ጨዋታ በኢትዮዽያዊያን ዳኞች ሊመራ ነው

ራቫት ላይ የሚደረገው ወሳኙ የአፍሪካ ዋንጫ የማጣሪያ ጨዋታ በኢትዮዽያዊያን ዳኞች ይመራል። ኬኒያ...