መነሻ ገጽ ዜናዎች የኢትዮጵያ ፕሪሚየር ሊግ እግር ኳስ ደጋፊዎች ማህበር ከአሪፍ ፔይ ጋር የአጋርነት ስምምነት አደረገ
ዜናዎችየኢትዮጵያ ፕሪሚየር ሊግ

የኢትዮጵያ ፕሪሚየር ሊግ እግር ኳስ ደጋፊዎች ማህበር ከአሪፍ ፔይ ጋር የአጋርነት ስምምነት አደረገ

አጋራ
አጋራ

የኢትዮጵያ ፕሪሚየር ሊግ እግር ኳስ ደጋፊዎች ማህበር ክለቦችን ለመደገፍ ያለመ ነው ያለውን የስትራቴጂክ አጋርነት ስምምንት ከአሪፍ ፔይ ጋር አድርጓል።

በአዲስ አበባ ስታድየም በተካሄደው የአጋርነት ስምምነት መርሐግብር የአሪፍ ፔይ የቢዝነስ ዴቬሎፕመንት እና የፓርትነርሺፕ ዳይሬክተር አቶ ግሩም ጌታቸው እና የደጋፊዎች ማህበሩ ፕሬዚዳንት አቶ ደነቀው በሪሁን ፈርመዋል።

ስምምነቱ የክለብ ደጋፊዎች ምዝገባ ፣ የትኬት ሽያጭ ፣ የማልያ ሽያጭ የመሳሰሉትን እና ሌሎች የገንዘብ ዝውውሮችን በቀለለ እና በዲጂታል መንገድ ለማከናወን የሚያስችል ነው ተብሏል።

ይህ የስትራቴጂክ አጋርነት ስምምነት ለኢትዮጵያ እግር ኳስ የትንሳኤው መሰረት ነው ብለን እናስባለን ሲሉ የተናገሩት አቶ ግሩም ጌታቸው ናቸው።

አክለውም ክለቦች አሁን ላይ እየሄዱበት ካለው መንገድ ጋር የጥቅም ግጭት አያመጣም ፤ አሪፍ ፔይ ከባንኮች ጋር በጋራ ይሰራል ገንዘቡ በአንድ መንገድ ተሰብሰቦ ክለቡ በመረጠው የባንክ አካውንት ገንዘቡ ይገባል ብለዋል።

“ኢትዮጵያ ውስጥ እግር ኳስ እንወዳለን። ግን ዕድገት እያመጣ አይደለም እንደውም ወደ ቁልቁለት እነተጓዘ ነው። እንደ ተቋም እግር ኳሱን መደገፍ አላማችን ነው።”

“ይሄንን እግር ኳስ ዲጂታላይዝ ማድረግ ከቻልን የምንጠብቀውን ክለቦች ራሳቸውን እንዲችሉ ማድረግ እንችላለን። ደጋፊ አላቸው ነገር ግን ከደጋፊዎቻቸው ገንዘብ የሚሰበስቡበት መሳሪያ የላቸውም።”

“ይህን መሳሪያ ከደጋፊ ማህበር ጋር ተዋህደን ሲስተም ፈጥረን እና አዘጋጅተን የክፍያ መንገዱን ማሳለጥ እስከቻልን ድረስ ክለቦች ራሳቸውን መቻል ይችላሉ የሚል ሀሳብ በመያዝ ብሎም ደግሞ የኢትዮጵያን እግር ኳስ ብሎም ደግሞ ክለቦችን ለመደገፍ ነው ፤ ይህንን የአጋርነት ስምምነት ያደረግነው።”

እግር ኳስ ካለ ፋይናንስ ምንም ነው ያሉት አቶ ደነቀው በሪሁን በበኩላቸው እንደ ደጋፊ ክለቦች ገንዘብ የሚያገኙበት መንገድ ማመቻቸት አለብን የስምምነቱ ዋና አላማም ይህ ነው ብለዋል።

“ደጋፊ ማለት ምን ማለት ነው ክለቡን የሚደግፍ ማለት ነው። አብዛኞቻችን አሁን ያለንበት ሁኔታ ግን ከክለቡ ነው የምንደግፈው እና ስለዚህ የደጋፊዎች ጥምረት ዓላማው የተቋቋመበት ደጋፊ ማህበራትን በተለያየ መልኩ ማጠናከር ነው።”

“ስለዚህ ከዚህ ደግሞ ደጋፊ ማህበራት በቀላሉ ገንዘብ አምንጭተው ለክለቦቻቸው ገንዘብ የሚሰጡበት መልኩን ፕላትፎርም ማዘጋጀት አለብን ብለን ጥምረቱ ባስለማው ለደጋፊ ማህበራት በነፃ የሚሰጥ አሪፍ ፔይን እና ከጀርባው የዴሊቨሪ አገልግሎት ያለው መተግበሪያ ሰርተን ነው ወደዚህ ስራ የመጣነው። ይሄ ለደጋፊ ማህበራት በሙሉ በነፃ የሚሰጥ ነው”

ይህ ስምምነት በክለቦች የተመዘገቡ ደጋፊዎችን ቁጥር በማሳወቅ እና በመጨመር ለሌሎች አጋር ስፖንሰሮችም ጭምር ዳታዎችን ማቅረብ የሚቻልበት ነው ሲሉ ተናግረዋል።

“ብዙ ጊዜ ምንድነው የምንቸገረው ለምሳሌ አርባምንጭ ከተማ ምን ያህል ደጋፊ አለው ቢባል ፤ ድሬዳዋ ከተማ ምን ያህል ደጋፊ አለው ቢባል አዳማ ከተማ ምን ያህል አይታወቅም። አሁን ግን መረጃ ይኖረናል። በሚቀጥለው አመትም ይሄን መረጃ ላላወጡም በኤስ ኤም ኤስ ቴክስት እየላክን ደጋፊዎች መታወቂያቸውን እንዲያድሱ እንዲያወጡ እናደርጋለን ማለት ነው።”

ማህበሩ የተቋቋመው እግር ኳስን በእግር ኳስ ቋንቋ ብቻ እንደግፋለን ብለን ነው ፤ ደጋፊ ማህበራት የተቋቋሙትም ክለቦችን ለመደገፍ ነው ፤ ተባብረን ከሰራን የሀገራችንን እግር ኳስ መለወጥ እንችላለን ሲሉ አቶ ደነቀው ተናግረዋል።

የአጋርነት ስምምነቱ በየዓመቱ እየታደሰ የሚቀጥል ስለመሆኑን በመግለጫው ተጠቅሷል።

የሁሉም ክለብ ደጋፊዎች ለዚህ ተብሎ ለሁሉም ክለቦች የተዘጋጀውን መተግበሪያ ላይ ካሉበት ሆነው መጠቀም እንደሚችሉም ተገልጿል።

አጋራ

አስተያየት ይስጡ

Leave a Reply

Your email address will not be published. Required fields are marked *

ተዛማጅ ጽሑፎች
ሽረ ምድረገነትዜናዎችየኢትዮጵያ ከፍተኛ ሊግ

ምድረ ገነት ሽረ ከኢትዮጵያ ከፍተኛ ሊግ ውድድር ውጭ ሆነ!

በኢትዮጵያ ፕሪሚየር ሊግ ሲሳተፍ የነበረው እና በተጠናቀቀው የውድድር አመት ከኢትዮጵያ ፕሪሚየር ሊግ...

መቻልኢትዮጵያ ቡናዜናዎችየዝውውር ዜናዎች

ሁለቱን ተጫዋቾች ሁለቱ ክለቦች ተካፈሉ

ለሁለት ክለብ በመፈረማቸው ቅጣት ላይ የነበሩት ተጫዋቾች ለመቻል እና ለኢትዮጲያ ቡና እንዲጫወቱ...

ካፍዜናዎች

የኒጀር እና ሞሮኮ ጨዋታ በኢትዮዽያዊያን ዳኞች ሊመራ ነው

ራቫት ላይ የሚደረገው ወሳኙ የአፍሪካ ዋንጫ የማጣሪያ ጨዋታ በኢትዮዽያዊያን ዳኞች ይመራል። ኬኒያ...