መነሻ ገጽ ቤትኪንግ የኢትዮጵያ ፕሪምየር ሊግ የጨዋታ ዘገባ | ኢትዮጵያ መድኅን ድሬዳዋ ከተማን ረቷል
ቤትኪንግ የኢትዮጵያ ፕሪምየር ሊግኢትዮጵያ መድህንዜናዎችየኢትዮጵያ ፕሪሚየር ሊግየጨዋታ ዘገባድሬዳዋ ከተማ

የጨዋታ ዘገባ | ኢትዮጵያ መድኅን ድሬዳዋ ከተማን ረቷል

አጋራ
አጋራ

በሊጉ የ24ኛ ሳምንት የሶስተኛ ቀን መርሀግብር ሁለተኛ ጨዋታ ኢትዮጵያ መድኅን ድሬዳዋ ከተማን 3 – 0 አሸንፏል ።

በጨዋታው በኢትዮጵያ መድኅን በኩል በ23ኛው ሳምንት በሲዳማ ቡና በተረቱበት ጨዋታ ከነበረው የመጀመሪያ አሰላለፍ ሶስት ለውጦችን በማድረግ ፀጋሰው ድማሙ ፣ አብዱልከሪም መሀመድን እና ተካልኝ ደጀኔን በያሬድ ካሳዬ ፣ ቻላቸው መንበሩ እና ቴዎድሮስ በቀለ ተክተው ገብተዋል ። በድሬዳዋ ከተማ በኩል በሳምንቱ ኢትዮ ኤሌክትሪክን በረቱበት ጨዋታ ከነበረው ምርጥ አስራአንድ አንድ ቅያሪዎ በማድረግ በጋዲሳ መብራቴ ምትክ ሙኸዲን ሙሳን አሰልፈዋል ።

በመጀመሪያው አጋማሽ የጨዋታ ክፍለ ጊዜ ኢትዮጵያ መድኅኖች ብለጫ ወስደው መጫወት የቻሉበት የተሻለ የግብ ዕድሎችን የፈጠሩበት ግቦችንም ማስቆጠር የቻሉበት ነበር ።

በአንፃሩ በድሬዳዋ ከተማ በኩል በተወሰደባቸው ብልጫ ወደ ኋላ ለማፈግፈግ የተገደዱ ሲሆን እግራቸው ስር የሚገቡ ኳሶችን በረጅም ወደ ተጋጣሚያቸው የግብ ክልል ለማድረስ ቢጥሩም ስኬታማ ጊዜን አላሰለፉም ።

በአጋማሹ ቀዳሚ ኢላማውን የጠበቀ የግብ ሙከራ በ15ኛው ደቂቃ ላይ ሲመዘገብ ሀቢብ ከማል ከቅጣት ምት በቀጥታ ወደ ግብ ያደረገው ሙከራ በድሬዳዋ ከተማው ግብ ጠባቂ ዳንኤል ተሾመ ተመልሷል ።

ከዚህኛው ሙከራ ዘጠኝ ደቂቃዎች በኋላ ኢትዮጵያ መድኅኖች መሪ የሆነበት ግብ አስቆጥረዋል ። ወገኔ ገዛኸኝ ከባሲሩ ኡመር የደረሰውን ኳስ በሳጥኑ የግራ አቅጣጫ ሆኖ በመቀበል ኳስ እና መረብን አገናኝቷል ።

እንደ አጀማመሩ በነበረው የጨዋታ እንቅስቃሴ የቀጠለው ጨዋታ በመጀመሪያ አጋማሽ መጠናቀቂያ ላይም ሌላ ግብ ሲያስተናግድ ኢትዮጵያ መድኅን እና ወገኔ ገዛኸኝ በግቡ ላይ ስማቸዉን አስፍረዋል ።

የመጀመሪያውን ግብ ያስቆጠረው ወገኔ ገዛኸኝ ከሳጥን ውጪ ቀለል አድርጎ ወደ ግብ የመታው ኳስ በዳንኤል ተሾመ መረብ ላይ በድጋሚ አርፏል ።

የመጀመሪያው አጋማሽም በኢትዮጵያ መድኅን የ2 – 0 አሸናፊነት ተጠናቋል ።

በጨዋታው የሁለተኛ አጋማሽ ክፍለ ጊዜ ድሬዳዋ ከተማዎች ጥሩ መነቃቃትን በማሳየት ወደ ጨዋታው ለመመለስ ጥረቶችን አድርገዋል ። ነገር ግን ለግብ የቀረበ እና ኡቡበከር ኑሪን የፈተነ የግብ ሙከራ በማድረግ ረገድ ደክመው ታይተዋል ።

በመጀመሪያው አጋማሽ ባስቆጠሯቸው ግቦች ምክንያት በተረጋጋ መንፍስ ጨዋታውን በማድረግ ላይ የነበሩት ኢትዮጵያ መደኅኖች በ66ኛው ደቂቃ ላይ ኳስ እና መረብን አገናኝተዋል ።

የመጀመሪያው ግብ ሲቆጠር አመቻችቶ ያቀበለው ባሲሩ ኡመር ከመስመር ያሻገረውን ኳስ በግንባር ተገጭቶ በዳንኤል ተሾመ የተመለሰውን ኳስ ብሩክ ሙሉጌታ 3ኛው ግብ ከመረብ አሳርፏል ።

በቀጣዮቹ ደቂቃዎች ላይ ድሬዳዋ ከተማዎች ቀደም ብሎ ከነበራቸው በተሻለ ወደ ፊት ለመድረስ የቻሉበት ነበር ። ነገር ግን የጠራ የግብ ሙከራ ከመፍጠር አንፃር አሁንም ድሬዳዋ ከተማዎች ተቸግረው ቆይተዋል ።

የመጨረሻ ደቂቃዎች የድሬዳዋ ከተማዎች ጥረቶች ሳይሳኩ ጨዋታው በኢትዮጵያ መድኅን የ3 – 0 አሸናፊነት ተጠናቋል ።

በ25ኛው ሳምንት ጨዋታዎች በመጪው ግንቦት 14(ሰኞ) ከ12:00 ጀምሮ ድሬዳዋ ከተማ ወልቂጤ ከተማን ሲገጥም በተከታዩ ቀን ከ9:00 ጀምሮ ኢትዮጵያ መድኅን ከሀዋሳ ከተማ ጋር ይጫወታሉ ።

አጋራ

አስተያየት ይስጡ

Leave a Reply

Your email address will not be published. Required fields are marked *

ተዛማጅ ጽሑፎች
ሽረ ምድረገነትዜናዎችየኢትዮጵያ ከፍተኛ ሊግ

ምድረ ገነት ሽረ ከኢትዮጵያ ከፍተኛ ሊግ ውድድር ውጭ ሆነ!

በኢትዮጵያ ፕሪሚየር ሊግ ሲሳተፍ የነበረው እና በተጠናቀቀው የውድድር አመት ከኢትዮጵያ ፕሪሚየር ሊግ...

መቻልኢትዮጵያ ቡናዜናዎችየዝውውር ዜናዎች

ሁለቱን ተጫዋቾች ሁለቱ ክለቦች ተካፈሉ

ለሁለት ክለብ በመፈረማቸው ቅጣት ላይ የነበሩት ተጫዋቾች ለመቻል እና ለኢትዮጲያ ቡና እንዲጫወቱ...

ካፍዜናዎች

የኒጀር እና ሞሮኮ ጨዋታ በኢትዮዽያዊያን ዳኞች ሊመራ ነው

ራቫት ላይ የሚደረገው ወሳኙ የአፍሪካ ዋንጫ የማጣሪያ ጨዋታ በኢትዮዽያዊያን ዳኞች ይመራል። ኬኒያ...