መነሻ ገጽ ቤትኪንግ የኢትዮጵያ ፕሪምየር ሊግ አዳማ ከተማ ቅጣት እና ወልቂጤ ከተማ ቅጣት ተላልፎባቸዋል
ቤትኪንግ የኢትዮጵያ ፕሪምየር ሊግዜናዎችየኢትዮጵያ ፕሪሚየር ሊግ

አዳማ ከተማ ቅጣት እና ወልቂጤ ከተማ ቅጣት ተላልፎባቸዋል

አጋራ
አጋራ

ቤትኪንግ የኢትዮጵያ ፕሪሚየር ሊግ 2015 14ኛ ሳምንት በተደረጉ ስምንት ጨዋታዎች አምስት ጨዋታዎች በመሸናነፍ ሶስት ጨዋታዎች በአቻ ውጤት ሲጠናቀቁ 23 ጎሎች በ21 ተጫዋች ተቆጥረዋል። የጎሎቹ አገባብ አንድ በፍፁም ቅጣት ምት ቀሪዎቹ በጨዋታ የተቆጠሩ ናቸው። በሳምንቱ 19 ተጫዋቾችና የቡድን አመራሮች በቢጫ ካርድ ሲገሰፁ አንድ ተጫዋች በሁለተኛ ቢጫ ቀይ ካርድ ተመልክቷል።

የኢትዮጵያ ፕሪሚየር ሊግ ውድድር አመራርና ስነ-ስርዓት ኮሚቴ ሰኞ የካቲት 13 2015 ዓ.ም ባደረገው ስብሰባ የተደረጉ የኢትዮጵያ ፕሪሚየር ሊግ ግጥሚያ(ዎች)ከዳኞች እና ከታዛቢዎች የቀረቡለትን የዲሲፕሊን ሪፖርት ከመረመረ በኋላ የተለያዩ ውሳኔዎችን አስተላልፏል።

በተጫዋቾች ደረጃ ባለ ውሳኔ ካሉት ሚሊዮን ሰለሞን(አዳማ ከተማ) ሁለተኛ ቢጫ ካርድ የሚያስጥ ጥፋት በመፈፀሙ ቀይ ካርድ አይቶ ከጨዋታ ሜዳ የተወገደ ስለመሆኑ ሪፖርት የቀረበበት ለፈፀመው ጥፋት 1 ጨዋታ እንዲታገድ እንዱሁም ሱራፌል ዳንኤል(አርባምንጭ ከተማ) የተለያዩ አምስት ጨዋታዎች የቢጫ ማስጠንቅቂያ ካርድ የተመለከተ በኢ.እ.ፌ ዲሲፕሊን መመሪያ መሰረት 1 ጨዋታ እንዲታገድና የገንዘብ ቅጣት ብር 1500 /አንድ ሺ አምስት መቶ/ እንዲከፍል ተወስኗል።

በክለቦች ደረጃ ባለ ውሳኔ አዳማ ከተማ ከኢትዮጵያ መድን ጋር ባደረገው የ14 ኛ ሳምንት እግርኳስ ጨዋታ የአዳማ ከተማ ቡድን አምስት ተጫዋች በተለያዩ ጥፋቶች ካርድ የተሰጣቸው በመሆኑ የገንዘብ ቅጣት ብር 5000 /አምስት ሺ/ እንዲከፍል እንዲሁም የክለቡ ደጋፊዎች የእለቱን ዳኛ አፀያፊ ስደብ ስለመሳደባቸው ሪፖርት ስለቀረበ ለፈፀሙት ጥፋት ክለቡ በኢ.እ.ፌ ዲሲፕሊን መመሪያ መሰረት ብር 50000/ሃምሳ ሺህ/ እንዲከፍል ወስኗል።

ወልቂጤ ከተማ ክለቡ ከወላይታ ድቻ ጋር ባደረገው የ14ኛ ሳምንት እግር ኳስ ጨዋታ የክለቡ ተጫዋቾች 15 ደቂቃ ወደሜዳ ዘግይተው ስለመግባታቸው ሪፖርት የቀረበበት በመሆኑ ክለቡ በኢትዮጵያ ፕሪምየር ሊግ የውድድር ደንብ መሰረት የገንዘብ ቅጣት ብር 25000 /ሃያ አምስት ሺህ/ እንዲከፍል እንዲሁም የቀጥታ ቴሌቭዥን ስርጭት መብት ያለው ድርጅት የካሳ ክፍያ አክስዮን ማህበሩን ከጠየቀ ክፍያውን ሙሉ በሙሉ ክለቡ እንዲሸፍን ውሳኔ ተላልፏል፡፡

ኮሚቴው ለለገጣፎ ለገዳዲ እግርኳስ ቡድን ዋና አሰልጣኝ ዘማሪያም ወልደጊዮርጊስ እና የቡድን መሪውን ለማነጋገር ጥሪ አስተላልፏል።

አጋራ

አስተያየት ይስጡ

Leave a Reply

Your email address will not be published. Required fields are marked *

ተዛማጅ ጽሑፎች
ሽረ ምድረገነትዜናዎችየኢትዮጵያ ከፍተኛ ሊግ

ምድረ ገነት ሽረ ከኢትዮጵያ ከፍተኛ ሊግ ውድድር ውጭ ሆነ!

በኢትዮጵያ ፕሪሚየር ሊግ ሲሳተፍ የነበረው እና በተጠናቀቀው የውድድር አመት ከኢትዮጵያ ፕሪሚየር ሊግ...

መቻልኢትዮጵያ ቡናዜናዎችየዝውውር ዜናዎች

ሁለቱን ተጫዋቾች ሁለቱ ክለቦች ተካፈሉ

ለሁለት ክለብ በመፈረማቸው ቅጣት ላይ የነበሩት ተጫዋቾች ለመቻል እና ለኢትዮጲያ ቡና እንዲጫወቱ...

ካፍዜናዎች

የኒጀር እና ሞሮኮ ጨዋታ በኢትዮዽያዊያን ዳኞች ሊመራ ነው

ራቫት ላይ የሚደረገው ወሳኙ የአፍሪካ ዋንጫ የማጣሪያ ጨዋታ በኢትዮዽያዊያን ዳኞች ይመራል። ኬኒያ...