መነሻ ገጽ መከላከያ የጨዋታ ዘገባ | ቅዱስ ጊዮርጊስ እና መከላከያ ጨዋታቸውን ያለምንም ግብ አጠናቀዋል
መከላከያቅዱስ ጊዮርጊስቤትኪንግ የኢትዮጵያ ፕሪምየር ሊግዜናዎችየጨዋታ ዘገባ

የጨዋታ ዘገባ | ቅዱስ ጊዮርጊስ እና መከላከያ ጨዋታቸውን ያለምንም ግብ አጠናቀዋል

አጋራ
አጋራ

በሊጉ የአራተኛ ሳምንት የመጨረሻ ጨዋታ የተገናኙት መከላከያ እና ቅዱስ ጊዮርጊስ ምንም ግብ ሳያስቆጥሩ በ 0 ለ 0 ውጤት ሙሉ ዘጠና ደቂቃውን አጠናቀዋል ።

ሁለቱ ክለቦች በሶስተኛ ሳምንት ጨዋታዎቻቸው ከተጠቋሙት ቋሚ አሰላለፍ የተወሰኑ ቅያሪዎችን ያደረጉ ሲሆን መከላከያ አለምአንተ ካሳን ፤ ብሩክ ሰሙን እና ቢንያም በላይን ቅዱስ ጊዮርጊስ ደግሞ ሱሌይማን ሀሚድን ፤ ከነአን ማርክነህን እና አማኑኤል ገብረሚካኤልን ወደ ቋሚ አሰላለፍ በማስገባት ጨዋታውን ጀምረዋል ።

በጨዋታው የመጀመሪያ ደቂቃዎች ቅዱስ ጊዮርጊሶች ወደ ፊት በመሄድ ረገድ የተሻለ መንቀሳቀስ ችለው ነበር ። ነገር ግን ደቂቃዎች እየገፉ ሲሄዱ መከላከያዎች በአንዳንድ አጋጣሚዎች ለግብ የቀረቡ ሙከራዎችን ማድረግ ችለው ነበር ።

ገና በጨዋታው ጅማሮ 2ኛ ደቂቃ ላይ አቤል ያለው ከአማኑኤል ገብረሚካኤል የደረሰውን ኳስ በሳጥን ውስጥ ይዞ ገብቶ ቢመታውም ኳሱ ላይ ደርሶ የነበረው ከነአን ማርክነህ ሳይጠቀምበት ቀርቷል ። ከሶስት ደቂቃዎች በኋላም አማኑኤል ገብረሚካኤል ከቡልቻ ሹራ የተሻገረለትን ኳስ በጭንቅላት ቢገጨውም ለጥቂት ከግቡ አናት በላይ ወቷል ።

በ15ኛው ደቂቃ ላይ መከላከያ በቢንያም በላይ አማካኝነት ከሳጥኑ ጫፍ የመታውን ኳስ የፈረሰኞቹ ግብ ጠባቂ ቻርለስ ሉክዋጎ መልሶበታል ። ከሶስት ደቂቃዎች በኋላ ከቀኝ መስመር ከቅጣት ምት የተሻገረውን ኳስ ኡኩቱ ኢማኑኤል በግንባሩ ገጭቶ ወደ ግብ ቢሞክረውም ለጥቂት የግቡን አግዳሚ ታኮ ሊወጣበት ችሏል ። ጥሩ ጥሩ የግብ ዕድሎችን መፍጠር የቻሉት መከላከያዎች 23ኛ ደቂቃ ላይ ኡኩቱ ኢማኑኤል ከግብ ጠባቂው ጋር ፊት ለፊት ቢገናኝም ሉክዋጎ ወጥቶ መልሶበታል ። ጨዋታው 34ኛ ደቂቃ ላይ ሲደርስ የመከላከያው ግብ ጠባቂ ቦዬ በረጅም የመታው ኳስ የቅዱስ ጊዮርጊስ ተከላካዮችን አልፎ ግሩሜ ሀጎስ አግኝቶ በሳጥን ገብቶ ቢሞክረውም በድጋሚ ቻርለስ ሉክዋጎ አድኖታል ።

በግብ ሙከራ ረገድ ደከም ብለው የታዩት ፈረሰኞቹ 41ኛ ደቂቃ ላይ በፈጣን እንቅስቃሴ ከግራ መስመር በመነሳት ከነአን ማርክነህ ወደ ሳጥን ይዞ ገብቶ ቢሞክረውም ኢላማውን ሳይጠብቅ ቀርቷል ።

የመጀመሪያ የጨዋታ አጋማሽ ሊጠናቀቅ ተጨማሪ ደቂቃላይ እያለ አማኑኤል ገብረሚካኤል ወደ ግብ የላከው ኳስ ግብ ጠባቂውን አልፎ ፍሪምፖንግ ሜንሱ ቢያገኘውም ወደ ግብ ሳይመታው በቦዬ በደረሰበት ጫና ኳሱን ሳይጠቀምበት ቀርቷል ።

የሁለተኛው አጋማሽ በአብዛኛው የፈረሰኞቹ ፍፁም የበላይነት የታየበት ነበር ። ፈረሰኞቹ በተደጋጋሚ ወደ መከላከያ ግብ ክልል ደርሰው በተለያዩ አጋጣሚዎች ጥሩ ሙከራዎችን ቢያደርጉም በአጨራረስ ድክመት እና በግብ ጠባቂው ቦዬ ብቃት ግብ ለማስቆጠር ተቸግረዋል ።

የአጋማሹ የመጀመሪያ ኢላማውን የጠበቀ የግብ ሙከራ የተደረገው በ62ኛ ደቂቂ በእስማኤል ኦጎሮ አማካኝነት ነበር ። በተጠቀሰው ደቂቃ በሳጥኑ የግራ መስመር አካባቢ የተገኘውን ኳስ ኦጎሮ በግሩም ሁኔታ ወደ ግብ ቢልከውም ግብ ጠባቂው ተቆጣጥሮታል ። በ76ኛው ደቂቃ ላይ ከማዕዘን የተነሳውን ኳስ ያብስራ ተስፋዬ ለግቡ አቅራቢያ ለነበረው ከነአን አድርሶት ተጫዋቹ ተረጋግቶ ጠንከር አድርጎ ወደ ግብ ቢሞክረውም በድጋሚ በግብ ጠባቂው ተመልሶበታል ።

በጨዋታው የመጨረሻ ደቂቃዎች ላይ ወደ ኋላ አፈግፍገው የነበሩት መከላከያዎች በተወሰነ መልኩ ወደ ፊት ለመሄድ ቢሞክሩም ያን ያህል የሚባል የግብ ሙከራ ሳያደርጉ ጨዋታው ያለምንም ግብ 0 ለ 0 ተጠናቋል ።

በዚህም መሰረት መከላከያ ነጥቡን ወደ ሰባት ሲያሳድግ ቅዱስ ጊዮርጊስ በበኩሉ ነጥቡን ስድስት ማድረስ ችሏል ።

አጋራ

አስተያየት ይስጡ

Leave a Reply

Your email address will not be published. Required fields are marked *

ተዛማጅ ጽሑፎች
ሽረ ምድረገነትዜናዎችየኢትዮጵያ ከፍተኛ ሊግ

ምድረ ገነት ሽረ ከኢትዮጵያ ከፍተኛ ሊግ ውድድር ውጭ ሆነ!

በኢትዮጵያ ፕሪሚየር ሊግ ሲሳተፍ የነበረው እና በተጠናቀቀው የውድድር አመት ከኢትዮጵያ ፕሪሚየር ሊግ...

መቻልኢትዮጵያ ቡናዜናዎችየዝውውር ዜናዎች

ሁለቱን ተጫዋቾች ሁለቱ ክለቦች ተካፈሉ

ለሁለት ክለብ በመፈረማቸው ቅጣት ላይ የነበሩት ተጫዋቾች ለመቻል እና ለኢትዮጲያ ቡና እንዲጫወቱ...

ካፍዜናዎች

የኒጀር እና ሞሮኮ ጨዋታ በኢትዮዽያዊያን ዳኞች ሊመራ ነው

ራቫት ላይ የሚደረገው ወሳኙ የአፍሪካ ዋንጫ የማጣሪያ ጨዋታ በኢትዮዽያዊያን ዳኞች ይመራል። ኬኒያ...