መነሻ ገጽ መከላከያ የጨዋታ ዘገባ | በሁለቱ አዳጊዎች መካከል የተደረገው ጨዋታ በጦሩ አሸናፊነት ተጠናቋል
መከላከያቤትኪንግ የኢትዮጵያ ፕሪምየር ሊግአርባምንጭ ከተማዜናዎችየጨዋታ ዘገባ

የጨዋታ ዘገባ | በሁለቱ አዳጊዎች መካከል የተደረገው ጨዋታ በጦሩ አሸናፊነት ተጠናቋል

አጋራ
አጋራ

ከአራት ጨዋታዎች ሶስተኛ የ 1 ለ 0 ውጤት በተመዘገበበት ጨዋታ መከላከያ አሸናፊ መሆን ችሏል ።

የዕለቱ ሁለተኛ ጨዋታ ከዚህ ቀደም በሊጉ ጠንካራ ቡድኖች ይዘው ይቀርቡ የነበሩትንና ወደ ከፍተኛው ሊግ ወርደው በዘንድሮው የውድድር ዓመት ዳግም ወደ ሊጉ የተመለሱትን መከላከያን እና አርባ ምንጭ ከተማን ያገናኘ ነበር ።

ምሽት 12 ሰዓት ላይ የተጀመረው ጨዋታ ገና ከጅምሩ ፈጣን እንቅስቃሴ ያሳየ ነበር በተለይም በመከላከያ በኩል በተደጋጋሚ ወደ ፊት በመድረስ ቀድመው ጎል ለማስቆጠር ጥረት ሲያደርጉ ነበር ። በተለይም ኦኩቱ ኢማኑኤል 5ኛ ደቂቃ ላይ ያመከናት ግልፅ ኳስ ለመከላከያ የምታስቆጭ ነበረች ። ቀስ በቀስ አርባ ምንጭ ከተማዎች ጨዋታው ለመቆጣጠር እና በተቃራኒ ተጋጣሚያቸው ላይ ጫና ለመፍጠር ሞክረዋል ። በተለይም በአሸናፊ ኤልያስ እና ፀጋዬ አበራ አማካይነት ለጎል የቀረቡ ሙከራዎችንም ማድረግ ችለዋል ።

በሁለቱም በኩል በፍጥነት ወደ ጎል ለመድረስ ቢሞከርም የመጀመሪያው አጋማሽ ግን ያለምንም ግብ ነበር የተጠናቀቀው ። በሁለተኛው የጨዋታው አጋማሽ አርባ ምንጭ ከተማዎች ኳሱን ተቆጣጥረው ብልጫ በመውሰድ ወደ ጎል ክልል ለመድረስ ቢጥሩም በጨዋታው ጠንካራው የነበረውን የመከላከያ የተከላካይ መስመር ግን ማለፍ አልቻሉም ።

በ58ኛ ደቂቃ ላይ መከላከያዎች በፈጣን እንቅስቃሴ ወደ ተቃራኒ የጎል ክልል በመድረስ ግሩም ሀጎስ ከግራ መስመር ወደ ጎል ያሻገራትን ኳስ የፊት አጥቂው ኦኩቱ ኢማኑኤል በግንባሩ ገጭቶ በማስቆጠር መከላከያን ቀዳሚ አደረገ ።

ከግቧ መቆጠር በኋላ አርባ ምንጮች በይበልጥ ጫና በመፍጠር ወደ መከላከያ የግብ ክልል ለመድረስ ቢጥሩም የመከላከያን የተከላካይ መስመር አልፎ ግብ የሚያስቆጥር ተጫዋች ማግኘት አልቻሉም ። 85ኛው ደቂቃ ላይ ቢንያም በላይ የግቡ ቋሚ የመለሰበት የቅጣት ምት በመከላከያ በኩል አሪፍ የሚባል የግብ ሙከራ ነበር ማለት ይቻላል ። ጨዋታውም በመከላከያ አሸናፊነት 1 ለ 0 ተጠናቀቀ ።

አጋራ

አስተያየት ይስጡ

Leave a Reply

Your email address will not be published. Required fields are marked *

ተዛማጅ ጽሑፎች
ሽረ ምድረገነትዜናዎችየኢትዮጵያ ከፍተኛ ሊግ

ምድረ ገነት ሽረ ከኢትዮጵያ ከፍተኛ ሊግ ውድድር ውጭ ሆነ!

በኢትዮጵያ ፕሪሚየር ሊግ ሲሳተፍ የነበረው እና በተጠናቀቀው የውድድር አመት ከኢትዮጵያ ፕሪሚየር ሊግ...

መቻልኢትዮጵያ ቡናዜናዎችየዝውውር ዜናዎች

ሁለቱን ተጫዋቾች ሁለቱ ክለቦች ተካፈሉ

ለሁለት ክለብ በመፈረማቸው ቅጣት ላይ የነበሩት ተጫዋቾች ለመቻል እና ለኢትዮጲያ ቡና እንዲጫወቱ...

ካፍዜናዎች

የኒጀር እና ሞሮኮ ጨዋታ በኢትዮዽያዊያን ዳኞች ሊመራ ነው

ራቫት ላይ የሚደረገው ወሳኙ የአፍሪካ ዋንጫ የማጣሪያ ጨዋታ በኢትዮዽያዊያን ዳኞች ይመራል። ኬኒያ...