ፋሲል ከነማ ለዝውውሩ ያቀረበው ጥያቄ ምላሽን ማግኘቱን ተከትሎ ከአጥቂው ሙጂብ ቃሲም ጋር በይፋ ተለያይቷል።
ሙጂብ ከፋሲል ከነማ ጋር ቀሪ የአንድ አመት ውል ያለው እንደሆነና የተገኘው እድል ከክለብም አልፎ ለሀገር ትልቅ ትርፍ ያለው በመሆኑ ዝውውሩ የክለቡን ጥቅም ባልነካ መልኩ እንደሚፈጸምና ለመጨረሻ ውሳኔ ዛሬ ከወኪሉ ጋር ቀጠሮ መያዙን ስራ አስኪያጁ አቶ አቢዮት ብርሃኑ መናገራቸው በትናንትናው እለት መረጃውን ማድረሳችን አይዘነጋም ። ፋሲል ከነማ ለዝውውሩ ያቀረበው የመልቀቂያ ወረቀት በክለቡ በኩል ይኹንታ በማግኘቱ ከክለቡ ጋር በይፋ መለያየቱ እውን ሆኗል።
በቀጣይ ተጨዋቹ ወደ አልጄሪያ ውጤታማ ክለብ ጂ ኤስ ካባሊ የሚያደርገው ጉዞ ብቻ የሚጠበቅ መሆኑን ወኪሉ ሳምሶን ነስሮ ተናግሯል። የክለቡ የደጋፊ ማህበርም ለእስከዛሬው ግልጋሎቱ በማመስገን በስጦታ ሸኝተውታል።
አስተያየት ይስጡ