መነሻ ገጽ ቤትኪንግ የኢትዮጵያ ፕሪምየር ሊግ “ቀጣይ የሚመጣው አሰልጣኝ ሀዋሳ ከተማና ሰበታ ከተማን ካሸነፈ መጣና ቡድኑን ከጉድ አወጣው ሊባል ነው ወይ?” አሰልጣኝ ፍሰሀ ጥዑመልሳን /ተሰናባቹ የድሬደዋ ከተማ አሰልጣኝ/
ቤትኪንግ የኢትዮጵያ ፕሪምየር ሊግዜናዎችድሬዳዋ ከተማ

“ቀጣይ የሚመጣው አሰልጣኝ ሀዋሳ ከተማና ሰበታ ከተማን ካሸነፈ መጣና ቡድኑን ከጉድ አወጣው ሊባል ነው ወይ?” አሰልጣኝ ፍሰሀ ጥዑመልሳን /ተሰናባቹ የድሬደዋ ከተማ አሰልጣኝ/

አጋራ
አጋራ

“የድሬደዋ ከተማ እግር ኳስ ክለብ ቦርድ ቀጣዮቹ 2 ጨዋታዎች ድረስ እንዲታገሰኝ እፈልግ ነበር ነገር ግን አልተሳካም በዚህም ቅር ብሎኛል” ሲል ተሰናባቹ አሰልጣኝ ፍሰሃ ጥዑመልሳን ገለፁ፡፡ አሰልጣኙ በተለይ ለሀትሪክ እንደገለፁት “በውጫዊ ምክንያቶች ያጣኋቸው ውጤቶች ጎድተውኛል ከፋሲል ከነማ ጋር በነበረው ጨዋታ ዳኛው ፍፁም ቅጣት ምት ከልክሎኛል ግብ የማስቆጠር እድል አግኝተን በአንግሉ ተመልሶብናል፤ ከዚህ ጨዋታ አንድ ነጥብ ባገኝ ከወራጅ ቀጠና ወጥተን 8ኛ ደረጃ ላይ እንሆን ነበር” ሲሉ ተናግረዋል፡፡

አሰልጣኙ ሲናገሩ “ቦርዱ እድል ሊሰጠኝ ይገባ ነበር በቀጣይ የምንገጥመው ሀዋሳ ከተማና ሰበታ ከተማን ነው ሁለቱን ስናሸንፍ ቡድናችን የሚመጣው ስድስተኛ ደረጃ ላይ ነው ለዚህ እድል ቢሰጡኝ ደስ ይለኝ ነበር ነገር ግን ባለመሆኑ አዝኛለሁ ቀጣይ የሚመጣው አሰልጣኝ ሀዋሳ ከተማና ሰበታ ከተማን ካሸነፈ መጣና ቡድኑን ከጉድ አወጣው ሊባል ነው ወይ?” ሲሉ ጠይቀዋል፡፡

አሰልጣኝ ፍሰሃ ጥዑመልሳን “አንድ አሰልጣኝ ቡድኑ ውጤት እስከሌለው ድረስ ጥሩ ሰራ አልሰራ መሰናበቱ አይቀሬ ነው ጊዜው ወደ ላይ አንጋጥ የሚባልበት ነው ቡድኔ ተስፋ ያለው ነው ውጤቱ ቢበላሽም ባለሙያዎች የሰራሁትን ስለሚያዩና ስለሚረዱ በቀጣይ ሌላ ስራ መገኘቱ አይቀርም” ሲሉ ተናግረዋል፡፡ “ባለፉት 4 አመታት ከክለቡ ጋር ነበርኩ አራቱን አመት ሙሉ የምንጫወተው ላለመውረድ ነው አሁንም የተለየ ነገር የለም ቢታገሱኝ ደስ ይለኝ ነበር አልሆነም ለቡድኑ አባላት መልካም ውጤት እመኛለሁ በይፋ ባያሰናብቱኝም ካሁን በኋላ ወደ ክለቡ አልመለስም” ያሉት አሰልጣኝ ፍሰሀ ጥዑመልሳን “በሚዲያ የምናገረው ትኩረት እንዳሰበ አውቃለሁ፡፡ ትኩረት ለመሳብ ብዬ ሳይሆን የመጣልኝ ፊት ለፊት የምናገረው የድሬደዋ ሰው ስለሆንኩ ነው የሚሰማኝን ተንፍሼ በሠላም አድራለሁ” ሲሉ ለሀትሪክ ያላቸውን አስተያየት ሰጥተዋል፡፡

የድሬደዋ ከተማ እግር ኳስ ቡድን የቦርድ አባላት አሰልጣኝ ፍሰሀን በአሰልጣኝ ዘማርያም ወ/ጊዮርጊስ በመተካት እስከ ሰኔ 30/2014 ድረስ ያለውን የኮንትራት ቅጥር ይፋ ያደርጋሉ ተብሎ ይጠበቃል፡፡ ድሬደዋ በእስካሁኑ 11 ጨዋታዎች 10 ነጥብና 5 የግብ እዳ ይዞ 11ኛ ደረጃ ላይ የሚገኝ ሲሆን አሰልጣኝ ዘማርያም ቡድኑን ይዞ እየመራ በ13ኛው ሳምንት መርሃ ግብር የካቲት 18/2013 ከሙሉጌታ ምህረት ሀዋሳ ከተማ ጋር በሚያደርገው ጨዋታ የአሰልጣኝነቱን ስራ ይጀምራል ተብሎ ይጠበቃል፡፡

አጋራ

አስተያየት ይስጡ

Leave a Reply

Your email address will not be published. Required fields are marked *

ተዛማጅ ጽሑፎች
ሽረ ምድረገነትዜናዎችየኢትዮጵያ ከፍተኛ ሊግ

ምድረ ገነት ሽረ ከኢትዮጵያ ከፍተኛ ሊግ ውድድር ውጭ ሆነ!

በኢትዮጵያ ፕሪሚየር ሊግ ሲሳተፍ የነበረው እና በተጠናቀቀው የውድድር አመት ከኢትዮጵያ ፕሪሚየር ሊግ...

መቻልኢትዮጵያ ቡናዜናዎችየዝውውር ዜናዎች

ሁለቱን ተጫዋቾች ሁለቱ ክለቦች ተካፈሉ

ለሁለት ክለብ በመፈረማቸው ቅጣት ላይ የነበሩት ተጫዋቾች ለመቻል እና ለኢትዮጲያ ቡና እንዲጫወቱ...

ካፍዜናዎች

የኒጀር እና ሞሮኮ ጨዋታ በኢትዮዽያዊያን ዳኞች ሊመራ ነው

ራቫት ላይ የሚደረገው ወሳኙ የአፍሪካ ዋንጫ የማጣሪያ ጨዋታ በኢትዮዽያዊያን ዳኞች ይመራል። ኬኒያ...

ዜናዎችየኢትዮጵያ ፕሪሚየር ሊግ

በ5 ሳምንታት 39 ጨዋታዎች፣ 72 ጎሎችና ከ22.6 ሚሊዮን ብር በላይ ገቢ ተመዘገበ!

በአቤኔዘር አበበ በ2019 ዓ.ም የሲቢኢ ኢትዮጵያ ፕሪሚየር ሊግ የመጀመሪያዎቹ አምስት የውድድር ሳምንታት...