መነሻ ገጽ ሰበታ ከተማ የጨዋታ ዘገባ | ቡናማዎች ድል ቀንቷቸዋል
ሰበታ ከተማቤትኪንግ የኢትዮጵያ ፕሪምየር ሊግኢትዮጵያ ቡናዜናዎችየጨዋታ ዘገባ

የጨዋታ ዘገባ | ቡናማዎች ድል ቀንቷቸዋል

አጋራ
አጋራ

 

በአምስተኛ ሳምንት የቤት ኪንግ ኢትዮጵያ ፕርሚየር ሊግ ኢትዮጵያ ቡናን ከ ሰበታ ከተማ ሲያገናኝ በቡናማዎቹ ድል አድራጊነት ተጠናቋል ።

በመጀመሪያው አስር ደቂቃ ላይ ኢትዮጵያ ቡና በቀኝ መስመር ላይ በሀይሌ ገብረ ትንሳኤ የመጀመሪያ ሙከራቸውን ሲያደርጉ በግቡ የላይኛው አግዳሚ ላይ ሊወጣባቸው ችሏል ።

ሰበታ ከተማዎች በተቃራኒው በመጀመሪያው አጋማሽ በመልሶ ማጥቃት መጫወትን ሲመርጡ እስራኤል እሸቱ ለ ፍፁም አቀብሎት ተክለማርያም ያዳነበት ሙከራ በቀዳሚነት የሚጠቀሰው ነው ።

በመልሶ ማጥቃት የጨዋታ እንቅስቀሴያቸውን ያደረጉት ሰበታዎች ፍፁም ገ/ማርያም ከጨዋታ ውጪ በመባል ካስቆጠረው ግብ ደቂቃዎች በኋላ ግብ ጠባቂው ፋሲል በረጅሙ ያቀበለውን ኳስ እስራኤል እሸቱ በግሩም ሁነለታ ከመረብ በማሳረፍ ሰበታዎችን ቀዳሚ ማድረግ ችሏል ።

 

ከግቡ መቆጠር በኋላ ተጭነው የተጫወቱት ቡናማዎቹ በቀም መስመር የማጥቃት እንቅስቃሴያቸውን አመዝነው ሲቀጥሉ ሀይሌ አሻግሮለት አቡበከር ሞክሮት የግቡ የጎን መረብ ነክቶ የወጣበት ሙከራ የሚጠቀስ ነው ።

ቡናማዎቹ በጨዋታ ሂደት በመልሶ ማጥቃት ያገኙትን አጋጣሚ ወደ ግብነት ሲቀይሩ ሀብታሙ ታደሰ ወደ ግብነት ሞክሮ ፋሲል የተፋውን ኳስ አቡበከር ናስር ወደ ግብነት በመቀየር ኢትዮጵያ ቡናን አቻ ማድረግ ችሏል ።

በጥሩ የኳስ ቅብብል በተለያዩ አጋጣሚዎች የግብ እድሎችን ለመፍጠር የሞከሩት ቡናማዎቹ የሚያስቆጩ አጋጣሚዎችን በሰበታ ግብ ጠባቂ ፋሲል ገ/ሚካኤል ሊድንባቸወረ ችሏል ። በአንድ ሁለት ቅብብል ያገኛቸውን ኳስ ሀብታሙ ታደሰ በሁለት አጋጣሚዎች ፣ አቡበከር ናስር ከሳጥን ውጪ እንዲሁም ታፈሰ ሰለሞን በግሩም ሁኔታ ሞክሮ ፋሲል ወደ ውጪ ያወጣባቸው ኳሶች የሚያስቆጩ የግብ እድሎች ነበሩ ።

መሪ ያደረገቻቸውን ግብ ካስቆጠሩ በኋላ ወደ ኋላ አፍግፍገው የታዩት እና የተቀዛቀዙት ሰበታ ከተማዎች ከመጀመሪያው አጋማሽ መጠናቀቅ አስቀድሞ በ እስራኤል እሸቱ በመልሶ ማጥቃት ሙከራን ቢያደርጉም በግቡ የላይኛው አግዳሚ ልትወጣ ችላለች ።

በሁለተኛው አጋማሽ ጥቂት ደቂቃዎች ሁለቱም ቡድኖች የተቃዘቀዙ ሲመስሉ ቡናማዎቹ መሪ የሆኑበትን እድል አግኝተዋል ። በቀኝ መስመር ሀብታሙ ታደሰ ከሳጥኑ የቀኝ ጠርዝ ላይ በግሩም ሁኔታ አክርሮ መቶ ቡናማዎቹን መሪ ማድረግ ችሏል ።

ከግቡ መቆጠር በኋላ ዳግም ወደ ግብ መድረስ የቻሉት ኢትዮጵያ ቡናዎች አቡበከር ነስሩ በግራ መስመር የግል ብቃቱን ተጠቅሞ ለሀብታሙ ታደሰ ቢያሻግርለትም ሳይጠቀምበት ቀርቷል ። በእለቱ ድንቅ ብቃቱን ማሳየት የቻለው ታፈሰ ሰለሞን በድንቅ ብቃት ጨርሶ ያቀበለውን ኳስ አቡበከር ናስር ለራሱ ሁለተኛውን ግብ በማስቆጠር የቡናማዎችን መሪነት ወደ ሶስት ከፍ ማድረግ ችሏል ።

በሁለተኛው አጋማሽ ይበልጥኑ የተቀዛቀዙት ሰበታ ከተማዎች የተጫዋች ቅያሪዎችን በማደረግ የማጥቃት አማራጫቸውን ለማስፋት ሲሞክሩ ፍሬ አፍርቶላቸው ቃልኪዳን ዘላለም በቀድሞ ክለቡ ላይ ግብ በማስቆጠር ወደ ጨዋታው እንዲመለሱ ረድቷቸዋል ። ከግቡ መቆጠር በኋላ ሰበታ ከተማዎች ተጭነው ለመጫወት ሲሞክሩ በተለይም ፉአድ ፈረጃ ከሳጥን ውጩ አክርሮ መቶ ግብ ጠባቂው ተክለማርያም ያዳናው የግብ ዕድል የሚያስቆጭ ነበር ።

ጨዋታው በ ኢትዮጵያ ቡና አሸናፊነት ሲጠናቀቅ ድሉን ተከትሎ በመጪው ማክሰኞ የሚካሄደው የሸገር ደርቢ በእግር ኳሱ ቤተሰብ ከወዲሁ በጉጉት እንዲጠበቅ አድርጎታል ።

አጋራ

አስተያየት ይስጡ

Leave a Reply

Your email address will not be published. Required fields are marked *

ተዛማጅ ጽሑፎች
ሽረ ምድረገነትዜናዎችየኢትዮጵያ ከፍተኛ ሊግ

ምድረ ገነት ሽረ ከኢትዮጵያ ከፍተኛ ሊግ ውድድር ውጭ ሆነ!

በኢትዮጵያ ፕሪሚየር ሊግ ሲሳተፍ የነበረው እና በተጠናቀቀው የውድድር አመት ከኢትዮጵያ ፕሪሚየር ሊግ...

መቻልኢትዮጵያ ቡናዜናዎችየዝውውር ዜናዎች

ሁለቱን ተጫዋቾች ሁለቱ ክለቦች ተካፈሉ

ለሁለት ክለብ በመፈረማቸው ቅጣት ላይ የነበሩት ተጫዋቾች ለመቻል እና ለኢትዮጲያ ቡና እንዲጫወቱ...

ካፍዜናዎች

የኒጀር እና ሞሮኮ ጨዋታ በኢትዮዽያዊያን ዳኞች ሊመራ ነው

ራቫት ላይ የሚደረገው ወሳኙ የአፍሪካ ዋንጫ የማጣሪያ ጨዋታ በኢትዮዽያዊያን ዳኞች ይመራል። ኬኒያ...