በአሰልጣኝ ኢንስትራክተር አብርሀም መብርሀቱ የሚመራው እና ማረፊያው በአለም ገና አቅራቢያ በሚገኘው ሀድሜስ ሆቴል ማረፊያቸውን ያደረጉት ሰበታ ከተማ ተጫዋቾች ከፍተኛ ቅሬታቸውን እያሰሙ ይገኛሉ ።
ሀትሪክ ስፖርት ከውስጥ ምንጮች ባገኘችው መረጃ መሰረት የቡድኑ ተጫዋቾች ላለፉት ስድስት ወራት ምንም አይነት ክፍያ እንዳልተፈፀመባቸው ለማወቅ ተችሏል ።
ከዚህ በተጨማሪም ከውስጥ ምንጫችን ለማረጋገጥ እንደቻልነው ቡድኑ ከ ቅዱስ ጊዮርጊሱ ጨዋታ በኋላ ምንም አይነት ልምምድን አለመስራታቸው ለማወቅ ችለናል ።
ከሌላ የውስጥ ምንጭ በደረሰን መረጃ የሰበታ ከተማ ነባር ተጫዋቾች እንዳሳወቁን ” በኮሮና ቫይረስ ምክንያት በስምምነት ደሞዛችንን ብንቀንስን ቀሪ ክፍያዎች ያልተፈፀመልን ሲሆን በድምሩ የስምንት ወራት ክፍያዎች አልተፈፀሙልንም ” ሲሉ ነግረውናል ።
የሰበታ ከተማ የቡድን አባላት ከዚህ ጋር በተያየዘ ከፍተኛ የሆነ የሞራል ጉዳት እንደደረሰባቸው ሲገለፅልን ቡድን ነገ ረፋድ 4:00 ሰዓት ከ ኢትዮጵያ ቡና ጋር የአምስተኛ ሳምንት መርሐ ግብራቸውን እንዲያካሂዱ የወጣው የውድድር መርሐ ግብር ያሳያል ።
በዚህ ሁሉ ችግር ውስጥ እያለፉ የሚገኙት የሰበታ ከተማ ተጫዋች አዲስ ነገር ካልተፈጠረ በቀር የነገውን ጨዋታ የማካሄዳቸው ነገር አጠራጣሪ መሆኑን ለማወቅ ችለናል ።
አስተያየት ይስጡ