ጅማ አባቡና እግር ኳስ ክለብ በቴሌቶን 1ነጥብ 2 ሚሊዮን ብር አገኘ

የጅማ አባቡና የእግር ኳስ ክለብን ለማጠናከር ትናንት በተካሄደ ቴሌቶን 1ነጥብ 2 ሚሊዮን ብር ድጋፍ ተገኘ ።

 የክለቡ ፕሬዝዳንት አቶ አብዱልከሪም አባገሮ  እንደገለፁት ክለቡን ህዝባዊ መሰረት ለማስያስያዝ በተካሄደው ቴሌቶን የጅማ ዞንና ከተማ አስተዳደሮች ከፍተኛ አስተዋፅኦ ነበራቸው ።

ከቴሌቶኑ የተገኘው ገንዘብ የክለቡን ቀጣይነት ለማረጋገጥ ፋይዳው የጎላ መሆኑን ገልፀዋል ።

 የክለቡን የሴቶች ቡድን የማቋቋም ስራም እንደሚሰራ አመላክተዋል።

በኢትዮጵያ ፕሪሚየር ሊግ በመወዳደር ላይ የሚገኘው ጅማ አባቡና በወራጅ ቀጠና ውስጥ የሚገኝ ሲሆን  በቀጣይ በሜዳው ከሃዋሳ ከነማና ከሜዳው ውጭ ደግሞ ከድሬደዋ ከነማ ጋር በመጫወት ዓመታዊ የውድድር መርሃ ግብሩን ያጠናቅቃል  ።

በቴሌቶኑ የጅማ ዞን ፣ ወረዳና ከተማ አስተዳደሮችና ባለሃብቶች ተሳትፈዋል።