መነሻ ገጽ መቐለ 70 እንደርታ የጨዋታ ቅድመ-ዕይታ | መቐለ 70 እንደርታ ከ ስሑል ሽረ
መቐለ 70 እንደርታስሁል ሽረዜናዎችየጨዋታ ቅድመ-ዕይታ

የጨዋታ ቅድመ-ዕይታ | መቐለ 70 እንደርታ ከ ስሑል ሽረ

አጋራ
አጋራ

 

የኢትዮጵያ ፕሪሚየር ሊግ 11ኛ ሳምንት ጨዋታዎች በሳምንቱ አጋማሽ የሚደረጉ ሲሆን ሰባት ጨዋታዎች ነገ (ረቡዕ) ሲደረጉ ቀሪ አንድ ጨዋታ ደግሞ ሀሙስ የሚደረግ ይሆናል። በነገው እለት ከሚደረጉት ጨዋታዎች መካከል መቐለ 70 እንደርታ ከ ስሑል ሽረ የሚያደርጉትን ጨዋታ ለእናንተ እንዲስማማ አድርገን እንደሚከተለው ዳሰነዋል። መልካም ንባብ።

ጨዋታ: መቐለ 70 እንደርታ ከ ስሑል ሽረ
የጨዋታ ቀን: ረቡዕ ጥር 20/2012
የጨዋታ ሰዓት: 9:00
የጨዋታ አርቢትር: ፌደራል አርቢትር ባህሩ ተካ
የጨዋታ ቦታ: ትግራይ ስታድየም

ባሳለፍነው ሳምንት በወላይታ ድቻ የተሸነፋት የሊጉ መሪዎች መቐለ 70 እንደርታ 7 ተከታታይ ጨዋታ ላይ ሽንፈት ያላስተናገዱትን ስሑል ሽረዎችን በትግራይ ስታድየም ያስተናግዳሉ።በመሀከላቸው የ3 ነጥብ ልዩነት ያላቸው ሁለቱ ቡድኖች ነገ ሚያደርገት ጨዋታ ጠንካራ ፋክክር ይታይበታል ተብሎ ይጠበቃል።

የሻምፒዮንነት ክብራቸውን ለማስጠበቅ ከፍተኛ ፋክክር ሚጠብቃቸው መቐለዎች በ10ኛው ሳምንት ከደረሰባቸው ሽንፈት ለማገገም ከነገው ጨዋታ ሥስት ነጥብ ይዞ መውጣት ግድ ሚላቸው ይሆናል።እንደተጋጣሚያቸው አቀራረብ ተቀያያሪ የሆነ የጨዋታ ስልት ይዘው ሚቀርቡት ምዓም አናብስቶቹ በነገው ጨዋታ መስመር ላይ መሰረት ያደረገ አጨዋወትን ምርጫጨው ሊያደርጉ እንደሚችሉ ይገመታል።በተለይ ወላይታ ዲቻን ሲገጥሙ ያልነበረው አማኑኤል ገብረሚካኤል ከጉዳቱ አገግሞ ለነገው ጨዋታ ዝግጁ መሆኑ መቐለዎች ከግዜ ወደ ጊዜ እየተሻሻለ የመጣውን የስሑል ሽረን ተከላካይ ክፍልን ለማስከፈት እንዳይቸግሩ ሊያግዛቸው እንደሚችል ይገመታል።በተጨማሪ ከጨዋታ ጨዋታ ጥሩ ጥምረት እየፈጠሩ ሚገኙት ኦኪኪ ኦፎላቢ፣አማኑኤል ገብረሚካኤል እና ያሬድ ከበደ በነገው ጨዋታ የመቐለ የማጥቃት እንቅስቃሴ ላይ ከፍተኛ ሀላፊነት እንደሚሰጣቸው መገመት ከባድ አይሆንም።

7 ተከታታይ ጨዋታዎች ላይ ያልተሸነፋት ስሑል ሽረዎች ከመሪዎቹ ጋር ያላቸው የነጥብ ልዩነት ለማጥበብ ከእንደዚህ ዓይነት ጨዋታዎች ነጥብ ይዞ መውጣት ግድ ሚላቸው ይሆናል።ፈጣን የመልሶ ማጥቃት አጨዋወት ካላቸው የኢትዮጵያ ፕሪምየር ሊግ ቡድኖች መካከል በቀዳሚነት ሚጠቀሱት ስሑል ሽረዎች በነገው ጨዋታ መስመር ላይ ትኩረት ያደረገ የመልሶ ማጥቃት አጨዋወትን ይዘው ሊቀርቡ እንደሚችሉ ይገመታል።ካለፋት 7 ጨዋታዎች አምስቱ ላይ ግብ ያላስተናገዱት ስሑል ሽረዎች በነገው ጨዋታ የመቐለ ፈጣን አጥቂዎች እንቅስቃሴን በንቃት መከታተል ግድ ይላቸዋል።በተለይ ወደ መሀል ሜዳ ተጠግተው በሚከላከሉበት ጊዜ የመቐለን መልሶ ማጥቃት መቆጣጠር ካልቻሉ ለከፍተኛ አደጋ ሊጋለጡ ይችላሉ።

ምዓም አናብስቶቹ በነገው ጨዋታ ከሚኪኤል ደስታ ውጪ በጉዳት ሚያጡት ተጨዋች አይኖርም።ከወላይታ ድቻ በነበረው ጨዋታ በጉዳት ያልተሰለፈው አማኑኤል ገብረሚካኤል ለነገው ጨዋታ ዝግጁ ሆኗል።ስሑል ሽረዎች በበኩላቸው ለሙከራ ወደ ቱርክ ካመራው ምንተስኖት አሎ ውጭ ከጉዳት ነፃ የሆነ ቡድናቸውን ይዘው ወደ ሜዳ ይገባሉ።

መቐለ 70 እንደርታዎች በደጋፊያቸው ፊት አምስት ጨዋታዎችን አካሂደው አራቱም ላይ ሲያሸንፋ አንዱ ላይ አቻ ተለያይተዋል።በአምስቱ ጨዋታዎች ላይ 8 ግቦችን ሲያስቆጥሩ በተቃራኒው 3 ግቦችን አስተናግደዋል።

ከሜዳቸው ወጥተው 4 ጨዋታዎችን ያደረጉት ስሑል ሽረዎች ሊያገኙት ከሚችሉት 12 ነጥቦች አምስቱን ማሳካት ሲችሉ፤ከአራቱ ጨዋታዎች ሥስቱ ላይ ምንም ግብ ሳያስተናግዱ ወጥተዋል።

አጋራ

አስተያየት ይስጡ

Leave a Reply

Your email address will not be published. Required fields are marked *

ተዛማጅ ጽሑፎች
ሽረ ምድረገነትዜናዎችየኢትዮጵያ ከፍተኛ ሊግ

ምድረ ገነት ሽረ ከኢትዮጵያ ከፍተኛ ሊግ ውድድር ውጭ ሆነ!

በኢትዮጵያ ፕሪሚየር ሊግ ሲሳተፍ የነበረው እና በተጠናቀቀው የውድድር አመት ከኢትዮጵያ ፕሪሚየር ሊግ...

መቻልኢትዮጵያ ቡናዜናዎችየዝውውር ዜናዎች

ሁለቱን ተጫዋቾች ሁለቱ ክለቦች ተካፈሉ

ለሁለት ክለብ በመፈረማቸው ቅጣት ላይ የነበሩት ተጫዋቾች ለመቻል እና ለኢትዮጲያ ቡና እንዲጫወቱ...

ካፍዜናዎች

የኒጀር እና ሞሮኮ ጨዋታ በኢትዮዽያዊያን ዳኞች ሊመራ ነው

ራቫት ላይ የሚደረገው ወሳኙ የአፍሪካ ዋንጫ የማጣሪያ ጨዋታ በኢትዮዽያዊያን ዳኞች ይመራል። ኬኒያ...

ዜናዎችየኢትዮጵያ ፕሪሚየር ሊግ

በ5 ሳምንታት 39 ጨዋታዎች፣ 72 ጎሎችና ከ22.6 ሚሊዮን ብር በላይ ገቢ ተመዘገበ!

በአቤኔዘር አበበ በ2019 ዓ.ም የሲቢኢ ኢትዮጵያ ፕሪሚየር ሊግ የመጀመሪያዎቹ አምስት የውድድር ሳምንታት...