መነሻ ገጽ ዜናዎች የፋሲል ከተማ የሊግ ጨዋታዎች በዋልታ ቴሌቪዥን የቀጥታ ስርጭት ሽፋን ሊያገኝ ነው
ዜናዎችየኢትዮጵያ ፕሪሚየር ሊግፋሲል ከተማ

የፋሲል ከተማ የሊግ ጨዋታዎች በዋልታ ቴሌቪዥን የቀጥታ ስርጭት ሽፋን ሊያገኝ ነው

አጋራ
አጋራ

ፋሲል ከተማ በኢትዮጵያ ኘሪሚዬር ሊግ የሚያደርጋቸው የሁለተኛው ዙር ሁሉም ጨዋታዎች በዋልታ ቴሌቪዥን የቀጥታ ስርጭት ሽፋን ከየስታዲየሞቹ እንደሚያገኙ የተነገረ ሲሆን የክለቡ ቦርድ ከኤቢ ማስታወቂያና ኤቨንት አዘጋጅ ጋር ከስምምነት ደርሰዋል፡፡

ኤቢ ማስታወቂያና ኤቨንት አዘጋጅ ድርጅት ከዋልታ ቴሌቪዥን ጋር በመተባበር ክለቡ ከሜዳው ውጭና በሜዳው በአፄ ፋሲለደስ ስታዳዬም የሚያደርጋቸው የሁለተኛው ዙር ሁሉም ጨዋታዎች በቀጥታ ስርጭት ሽፋን ለተመልካች እንደሚደርሱ የተነገረ ሲሆን ሞደርን ወርልድ የተባለ ድርጅት በአማካሪነት አብሮ እንደሚሰራ ተነግሯል፡፡

ፋሲል ከተማ ከሜዳው ውጭም ሆነ በሜዳው በሚያደርጋቸው ጨዋታዎች የቴሌቪዥን የምስል መብት ከገቢው 50% የሚያገኝ ሲሆን ተጋጣሚዎቹ 25% የሚያገኙ ይሆናል፡፡

በቀጣይ ጊዜያት የሁሉም ክለቦች ጨዋታ የቴሌቪዥን የቀጥታ ስርጭት ሽፋን ለመስጠት ኤቢ ማስታወቂያና ኤቨንት አዘጋጅ ድርጅት ከክለቦች ጋር በመነጋገር ላይ መሆናቸውን የተናገሩት የድርጅቱ ስራ አስኪያጅ አቶ አንተነህ ማሃሪ ከኢትዮጵያ ቡና ወልዲያ ከተማና መከላከያ ክለቦች በተጨማሪ ስማቸው ካልተጠቀሱ 2 ክለቦች ጋር ስምምነት ላይ መድረሳቸውን ጠቅሰው የስምምነት ውል ፊርማቸውን በቅርቡ በመፈራረም ወደ ስራ እንደሚገቡ ለሀትሪክ ስፖርት ገልፀዋል፡፡

ኤቢ ማስታወቂያና ኤቨንት አዘጋጅ ድርጅት የወልዲያ ከተማና ፋሲል ከተማ የሚዲያ አጋር በመሆን የክለቦቹን ጨዋታዎች ከአማራ መገናኛ ብዙሃን ጋር በመተባበር በክልሉ ኤፌሞችና በመላው አለም በናይል ሳት የሬዲዮ የቀጥታ ስርጭት ከማስተላለፍ ባሻገር በአማራ ቴሌቪዥን “አፄዎቹ”የተሰኘ ኘሮግራም ዘወትር ዕሮብ ምሽት እንደሚያቀርብ ይታወቃል፡፡

ከስፖንሰር ድርጅቶች ጋር የሚያደርጉት ስምምነት ዛሬ የሚያልቅ ከሆነ ፋሲል ከተማ ከወልዋሎ አዲግራት ዩኒቨርሲቲ ጋር በአዲስ አበባ ስታዲዬም የሚያደርጉት 16ኛ ሳምንት መርሃ ግብር ጨዋታ በዋልታ ቴሌቪዥን የቀጥታ ስርጭት የሚያገኝ ይሆናል፡፡

አጋራ

አስተያየት ይስጡ

Leave a Reply

Your email address will not be published. Required fields are marked *

ተዛማጅ ጽሑፎች
ሽረ ምድረገነትዜናዎችየኢትዮጵያ ከፍተኛ ሊግ

ምድረ ገነት ሽረ ከኢትዮጵያ ከፍተኛ ሊግ ውድድር ውጭ ሆነ!

በኢትዮጵያ ፕሪሚየር ሊግ ሲሳተፍ የነበረው እና በተጠናቀቀው የውድድር አመት ከኢትዮጵያ ፕሪሚየር ሊግ...

መቻልኢትዮጵያ ቡናዜናዎችየዝውውር ዜናዎች

ሁለቱን ተጫዋቾች ሁለቱ ክለቦች ተካፈሉ

ለሁለት ክለብ በመፈረማቸው ቅጣት ላይ የነበሩት ተጫዋቾች ለመቻል እና ለኢትዮጲያ ቡና እንዲጫወቱ...

ካፍዜናዎች

የኒጀር እና ሞሮኮ ጨዋታ በኢትዮዽያዊያን ዳኞች ሊመራ ነው

ራቫት ላይ የሚደረገው ወሳኙ የአፍሪካ ዋንጫ የማጣሪያ ጨዋታ በኢትዮዽያዊያን ዳኞች ይመራል። ኬኒያ...