መነሻ ገጽ Mikkeller Aarhus / cross championship IAAF | ኢትዮጵያ በዴንማርክ አርሁስ በተደረገው አገር አቋራጭ ውድድር አጠቃላይ አሸናፊ ሆነች
Mikkeller Aarhus / cross championshipሀትሪክ ስፖርት አትሌቲክስሀገር አቋራጭዜናዎች

IAAF | ኢትዮጵያ በዴንማርክ አርሁስ በተደረገው አገር አቋራጭ ውድድር አጠቃላይ አሸናፊ ሆነች

አጋራ
አጋራ

በፈረንጆቹ ቀን አቆጣጠር ማርች 30 ለአንድ ቀን በተከናወነው ውደድር ኢትዮጵያን አትሌቶች ጎልተው በመውጣት የውድድሩ ኩራት መሆነ ችለዋል።

ኢትዮጵያ በውድድሩ 5 የወርቅ 3 የብርና 3 የነሐስ ሜዳሊያ በድምሩ 11 ሜዳሊያ በማግኘት ነው በበላይነት ማጠናቀቅ የቻለችው።

ኬኒያ በ 2 ወርቅ 3 ብርና 3 ነሃስ ሜዳሊያ ሁለተኛ ወጥታለች።

ውድድሮቹ በአዋቂ ወንዶችና ሴቶች የ10 ኪሎ ሜትር፣ በወጣት ወንዶች 8 ኪሎ ሜትር፣ በወጣት ሴት 6 ኪሎ ሜትርና በ8 ኪሎ ሜትር ድብልቅ የዱላ ቅብብል ተካሂዷል።

በዚህም በአዋቂ ወንዶች 10 ኪሎ ሜትር የኡጋንዳዎቹ ጆሺዋ ቺፕቴጌና ጃኮብ ኪፒሊሞ ተከታትለው ሲገቡ ኬኒያዊው ጂኦፈሪ ኮሞሮሮ ሶስተኛ ወጥቷል።

በውድድሩ የአሸናፊነት ቅድሚያ ግምት የተሰጠው ሰለሞን ባረጋ አምስተኛ ወጥቷል።

በአዋቂ ሴቶች 10 ኪሎ ሜትር ሄለን ኦብሪ ከኬንያ ቀዳሚ ሆና ስትገባ ደራ ዲዳና ለተሰንበት ግደይ ሁለተኛና ሶስተኛ ወጥተዋል።

ከሀያ አመት በታች ወጣት ወንዶች 8 ኪሎሜትር ሚልኬሳ መንገሻ ቀዳሚ ሲሆን ታደሰ ወርቁ ሁለተኛ ሆኗል።ከ20 አመት በታች ሴቶች 6 ኪሎሜትር ቤትሪሲት ቺሌት ከኬንያ ቀዳሚ ስትሆን አለሚቱ ታሪኩ ሁለተኛ ጽጌ ገብረሰላም ሶስተኛ ደረጃ ይዘው አጠናቀዋል።

በ8 ኪሎ ሜትር ድብልቅ ውድድር ኢትዮጵያ አሸናፊ ሆናለች።

ኢትዮጵያ ከሁለት ዓመት በፊት በኡጋንዳ ርዕሰ መዲና ካምፓላ በተካሄደው 42ኛው የዓለም አገር አቋራጭ ሻምፒዮና በ4 የወርቅ፣ በ4 የብርና በ1 የነሐስ በድምሩ ዘጠኝ ሜዳሊያዎችን በማግኘት ሁለተኛ ደረጃን ይዛ ማጠናቀቋ የሚታወስ ነው።

ኬንያ በሻምፒዮናው 4 የወርቅ፣ 5 የብርና 3 የነሐስ ሜዳሊያ በድምሩ 12 ሜዳሊያዎችን በመሰብሰብ አሸናፊ መሆኗ አይዘነጋም።

የዓለም አገር አቋራጭ ሻምፒዮና ከ1965 ዓ.ም ጀምሮ በተለያዩ አገራት እየተካሄደ የሚገኝ ውድድር ሲሆን ኢትዮጵያ ደግሞ ከ1973 ዓ.ም ጀምሮ በዚህ ሻምፒዮና እየተካፈለች ትገኛለች።

በዴንማርኳ ሁለተኛ ትልቅ ከተማ ባከናወነው ውድድር በርካታ ኢትዮጵያን በውድድሩ ቦታ ላይ በመገኘት አትሌቶቻችን አበረታተዋል።




አጋራ

አስተያየት ይስጡ

Leave a Reply

Your email address will not be published. Required fields are marked *

ተዛማጅ ጽሑፎች
ሽረ ምድረገነትዜናዎችየኢትዮጵያ ከፍተኛ ሊግ

ምድረ ገነት ሽረ ከኢትዮጵያ ከፍተኛ ሊግ ውድድር ውጭ ሆነ!

በኢትዮጵያ ፕሪሚየር ሊግ ሲሳተፍ የነበረው እና በተጠናቀቀው የውድድር አመት ከኢትዮጵያ ፕሪሚየር ሊግ...

መቻልኢትዮጵያ ቡናዜናዎችየዝውውር ዜናዎች

ሁለቱን ተጫዋቾች ሁለቱ ክለቦች ተካፈሉ

ለሁለት ክለብ በመፈረማቸው ቅጣት ላይ የነበሩት ተጫዋቾች ለመቻል እና ለኢትዮጲያ ቡና እንዲጫወቱ...

ካፍዜናዎች

የኒጀር እና ሞሮኮ ጨዋታ በኢትዮዽያዊያን ዳኞች ሊመራ ነው

ራቫት ላይ የሚደረገው ወሳኙ የአፍሪካ ዋንጫ የማጣሪያ ጨዋታ በኢትዮዽያዊያን ዳኞች ይመራል። ኬኒያ...

ዜናዎችየኢትዮጵያ ፕሪሚየር ሊግ

በ5 ሳምንታት 39 ጨዋታዎች፣ 72 ጎሎችና ከ22.6 ሚሊዮን ብር በላይ ገቢ ተመዘገበ!

በአቤኔዘር አበበ በ2019 ዓ.ም የሲቢኢ ኢትዮጵያ ፕሪሚየር ሊግ የመጀመሪያዎቹ አምስት የውድድር ሳምንታት...