የአሰልጣኝ ግርማ ታደሠው ወልዋሎ የሁለት ተጫዋቾችን ዝውውር ፈፅሟል።
በካፍ ኮንፌዴሬሽን ዋንጫ ኢትዮጵያን የሚወክለው ወልዋሎ አዲግራት ዩኒቨርስቲ የሁለት ተጫዋቾችን ዝውውር በመፈፀም ከእዮብ አለማየሁ ቀጥሎ የአዳዲሶቹን ቁጥር ወደ ሦስት አድርሷል።

ሁለገቡ ተጫዋች ካርሎስ ዳምጠው የቀድሞው ክለቡን ከአመታት በኋላ ተቀላቅሏል። የቀድሞው የነገሌ አርሲ ፣ መቻል ፣ መቐለ 7ዐ እንደርታ ፣ ጅማ አባቡና ፣ ለገጣፎ ለገዳዲ እና ድሬዳዋ ከተማ አጥቂ ላለፉት ሁለት አመታት ካሳለፈበት ወላይታ ድቻ ከአመታት በፊት ተጫውቶ ወዳሳለፈበት ወልዋሎ አምርቷል።
ሌላኛው የክለቡ ፈራሚ የመሐል ተከላካዩ በረከት ሳሙኤል ነው። የቀድሞው የድሬዳዋ ከተማ እና ሰበታ ከተማ ተጫዋቹ አራት የውድድር ዘመናትን ከሀዋሳ ከተማ ጋር ከቆየ በኋላ ቀጣዩ መዳረሻው ወልዋሎ ሆኗል።
አስተያየት ይስጡ