መነሻ ገጽ አፍሪካ አሰልጣኝ ዉበቱ አባተ እና አምበሉ ጌታነህ ከበደ ከነገዉ ጨዋታ አስቀድሞ ጋዜጣዊ መግለጫ ሰጥተዋል
አፍሪካአፍሪካ ዋንጫዋልያዎቹዜናዎችየኢትዮጵያ ብሔራዊ ቡድን

አሰልጣኝ ዉበቱ አባተ እና አምበሉ ጌታነህ ከበደ ከነገዉ ጨዋታ አስቀድሞ ጋዜጣዊ መግለጫ ሰጥተዋል

አጋራ
አጋራ

 

​”የተለየ ክብደት የምንሰጠው ቡድን አይኖርም” አሰልጣኝ ዉበቱ አባተ

”ጠንካራ የሚባል ቡድን አለን ” ጌታነህ ከበደ

የኢትዮጵያ ብሔራዊ ቡድን ዋና አልጣኝ ውበቱ አባተ እና አምበሉ ጌታነህ ከበደ ነገ ምሽት 4፡00 ላይ ኢትዮጵያ ከኬፕ ቨርድ ከምታደርገው ጨዋታ ቀደም ብሎ ዛሬ በተዘጋጀው ጋዜጣዊ መግለጫ ላይ ሀሳባቸውን በስፍራው ለተገኙ ጋዜጠኞች አካፍለዋል።

ወደ ካሜሩን ለመድረስ የመጀመርያው ቡድን መሆናቸውን በመግለፅ መግለጫቸውን የጀመሩት አሰልጣኝ ውበቱ ከሶስት አፍሪካ ዋንጫዎች በኋላ ወደ መድረኩ በመመለስ ጥሩ ቡድን ይዘው ለመቅረብ እና ማንነታቸውን ለማሳየት መዘጋጀታቸውን ገልፀዋል።

ከስምንት ዓመት በኋላ ወደ ውድድሩ እንደመመለሳቸው አብዛኛዎቹ ተጫዋቾች ዘንድሮ ለሚተገበረው ቪኤአር ቴክኖሎጂ አዲስ ቢሆኑም ያን ያህል ልዩነት እንደማይፈጥርም ተናግረዋል።

ስለተሰጣቸው ግምት ?

” ሁሉም ሰው ለኛ አነስተኛ ግምት ነው የሰጠን። የፊፋ ደረጃ ላይ ያለን ቦታ ዝቅተኛ ነው። ደረጃው ግን ያለንበትን ሁኔታ አመላካች ነው ለማለት ይከብዳል። ሁላችንም እንደምናውቀው ተጋጣሚዎቻችን ጠንካሮች እና በጥሩ ተጫዋቾች የተዋቀሩ ናቸው። ሆኖም እኛም ለመፎካከር እና ያለንን ነገር ለማሳየት ተዘጋጅተናል። ማንም ባይጠብቀንም ጥሩ ነገር ለማሳየት ዝግጁ ነን። በማጣርያው ላይ ቡድናችንን ተመልክታችሁታል። እንደከዚህ ቀደሙ አይነት ቡድን አይደለም ያለን።

ስለ አዘጋጇ ካሜሩን ?

” ይህን በጥሩም ሆነ ጥሩ ባልሆነ ጎኑ መመልከት እፈልጋለሁ። ካሜሩን ጠንካራ ቡድን መሆኑን እና በሀገሩ እና በደጋፊው ፊት እንደሚጫወት እናውቃለን። ይህ ለእነሱ ጠቃሚ ነው። በሌላ ጎኑ ስናየው ደሞ ለነሱ ጫና የሚፈጥር እና እኛን ከጫና ነፃ እንድንሆን የሚያደርግ በመሆኑ ለኛ ጠቃሚ ነው።”

ስለ ዕቅዳቸዉ ?

”ለህጉራችን እና ለዓለም ምን እንዳለን ለማሳየት ተዘጋጅተናል። በርካታ አቅም ያላቸው ተጫዋቾች አሉን። ይህን ለእግርኳሱ ዓለም ማስተዋወቅ አለብን። በሌላ በኩል ሌሎቹ ቡድኖች ልምድ አላቸው። ግን የተለየ ነገር ለማሳየት እና ሰርፕራይዝ ቡድን ለመሆን ተዘጋጅተናል። ‘ በማለት አላማቸውን ገልፀዋል።

ስለ ነገዉ የኬፕ ቨርዲ ጨዋታ ?

” የነገው የመጀመርያ ጨዋታ ነው። ስለዚህ ሁለቱም ቡድኖች እኩል እድል አላቸው። እነሱ ጠንካሮች ቢሆኑም እኛም የተሻለ ነገር ለማሳየት ዝግጁ ነን። ምድቡን በተመለከተ ቡድኖቹ ጠንካራ ናቸው፤ እናከብራቸዋለን። የተለየ ክብደት የምንሰጠው ቡድን ግን አይኖርም። ይህ እግር ኳስ ነዉ። ”

ስለ ዝግጅታቸው እና የካሜሩን ቆይታቸው ?

” ሳኡዲ አረቢያ ነበር ሀሳባችን ፤ ግን በነበረው የጉዞ ክልከላ ምክንያት ወደ ካሜሩን መጥተናል። እኛ ከመምጣታችን በፊት ብዙዎች የአፍሪካ ዋንጫ ላይካሄድ ይችላል የሚል ጥርጣሬ ነበራቸው። እኛ ካሜሩን በቅድሚያ መድረሳችን ግን ውድድሩ እንደሚካሄድ አመላካች ሆነናል። ከዚህ ባሻገር እዚህ ቶሎ በመምጣታችን ተጠቅመናል። የወዳጅነት ጨዋታ ማድረግ እንድንችል እንዲሁም ሁላችንም በአንድ ቦታ ተሰባስበን ከኮቪድ እና መሰል ችግሮች እንድንርቅ አድርጎናል። ”

” እዚህ እንደመጣን በኮቪድ ተቸግረን ነበር። አምስት እና ስድስት የሚሆኑ ተጫዋቾች ለቀናት ልምምድ መሥራት አልቻሉም ነበር። አሁን ላይ ሁሉም ተጫዋቾች ነፃ መሆናቸው ለእኛ መልካም ዜና ነው። በጉዳት ረገድ ሽመልስ በቀለ እና ዳዋ ሆቴሳ በሀርምስተሪንግ እና የቁርጭምጭሚት ጉዳት ለነገው ጨዋታ መድረሳቸው አጠራጣሪ ከመሆኑ በቀር ሌሎቹ በጥሩ ጤንነት ለጨዋታው ዝግጁ ናቸው።

ከአሰልጣኝ ውበቱ አባተ ጋር አብሮ መግለጫው ላይ የተገኘው አምበሉ ጌነህ ከበደ ደግሞ ተከታዩን ሀሳብ ሰጥቷል:-

” በማጣርያው ከነ ጋና ጋር ከመጫወታችን በፊት በዓለም ዋንጫ ማጣርያ ከአይቮሪኮስት ጋር ጥሩ ነገር አሳይተናል። የተሻልን ነበርን። ውጤቱ ባይገልፀውም ጥሩ ተንቀሳቅሰን ነበር።” ሲልም ቡድናቸው ጠንካራ እንደሆነ ተናግሯል።

©EFF

አጋራ

አስተያየት ይስጡ

Leave a Reply

Your email address will not be published. Required fields are marked *

ተዛማጅ ጽሑፎች
ሽረ ምድረገነትዜናዎችየኢትዮጵያ ከፍተኛ ሊግ

ምድረ ገነት ሽረ ከኢትዮጵያ ከፍተኛ ሊግ ውድድር ውጭ ሆነ!

በኢትዮጵያ ፕሪሚየር ሊግ ሲሳተፍ የነበረው እና በተጠናቀቀው የውድድር አመት ከኢትዮጵያ ፕሪሚየር ሊግ...

መቻልኢትዮጵያ ቡናዜናዎችየዝውውር ዜናዎች

ሁለቱን ተጫዋቾች ሁለቱ ክለቦች ተካፈሉ

ለሁለት ክለብ በመፈረማቸው ቅጣት ላይ የነበሩት ተጫዋቾች ለመቻል እና ለኢትዮጲያ ቡና እንዲጫወቱ...

ካፍዜናዎች

የኒጀር እና ሞሮኮ ጨዋታ በኢትዮዽያዊያን ዳኞች ሊመራ ነው

ራቫት ላይ የሚደረገው ወሳኙ የአፍሪካ ዋንጫ የማጣሪያ ጨዋታ በኢትዮዽያዊያን ዳኞች ይመራል። ኬኒያ...

ዜናዎችየኢትዮጵያ ፕሪሚየር ሊግ

በ5 ሳምንታት 39 ጨዋታዎች፣ 72 ጎሎችና ከ22.6 ሚሊዮን ብር በላይ ገቢ ተመዘገበ!

በአቤኔዘር አበበ በ2019 ዓ.ም የሲቢኢ ኢትዮጵያ ፕሪሚየር ሊግ የመጀመሪያዎቹ አምስት የውድድር ሳምንታት...