መነሻ ገጽ መከላከያ የጨዋታ ዘገባ | አዲስ አበባ ከተማ ጣፋጭ ድል አስመዝግቧል
መከላከያቤትኪንግ የኢትዮጵያ ፕሪምየር ሊግአዲስአበባ ከተማየጨዋታ ዘገባ

የጨዋታ ዘገባ | አዲስ አበባ ከተማ ጣፋጭ ድል አስመዝግቧል

አጋራ
አጋራ

በዕለቱ ሁለተኛ ጨዋታ በሊጉ የመጀመሪያ ሁለት ጨዋታዎች ተከታታይ ሽንፈት ያጋጠመው አዲስ አበባ ከተማን በተቃራኒው በሁለቱም ጨዋታዎች ማሸነፍ የቻለውን መከላከያን አገናኝቶ የነበረ ሲሆን ሳይጠበቅ አዲስ አበባ ከተማ 1 ለ 0 በማሸነፍ የአመቱ የመጀመሪያ ድሉን ማስመዝገብ ችሏል ።

አዲስ አበባ ከተማ ከሁለተኛ ሳምንት ጨዋታቸው ያህል አራት ቅያሪዎችን ያደረጉ ሲሆን በመከላከያ በኩል ደግሞ አንድ ቅያሪ ብቻ በማድረግ ወደ ጨዋታው ገብተዋል ።

ጨዋታው ገና 1 ደቂቃ እንኳን ሳይሞላው ነበር የመጀመሪያው ግብ የተቆጠረው ። እያሱ ለገሰ ከግቡ ክልሉ በረጅም የመታውን ኳስ ፍፁም ጥላሁን አግኝቶ በግብ ጠባቂው አናት ላይ አሳልፎ አዲሴ አበባ ከተማን ቀዳሚ ማድረግ ቻለ ።

ይህም ግብ በአመቱ ለአዲስ አበባ ከተማ በኩል የተቆጠረ የመጀመሪያው ግብ ሲሆን ለመከላከያ ደግሞ በአመቱ የተቆጠረበት የመጀመሪያ ግብ ሆኗል ። በጨዋታው በሁለቱም ክለቦች በኩል አጥቅተው ግቦችን ለማስቆጠር ጥረቶች ተደርገዋል ።

15ኛው ደቂቃ ላይ ሰመረ ሀፍተይ ከኦኩቱ ኢማኑኤል የደረሰውን ኳስ በሳጥን ውስጥ ሆኖ ቢያገኘውም ሳይጠቀምበት ቀርቷል ። በ20ኛው ደቂቃ ላይ ሳድቅ ተማም ከሳጥን ውጪ የመታው ኳስ ኢላማውን ሳይጠብቅ ወደ ውጪ ወቷል ። የአቻነቷን ግብ ፍለጋ ላይ የነበሩት መከላከያዎች በኦኩቱ ኢማኑኤል እና ሰመረ ሀፍተይ አማካኝነት በጭንቅላት በተገጩ ኳሶች ግብ ለማግኘት ቢጥሩም ሳይሳካላቸው ቀርቷል ።

ጨዋታውን በመምራት ላይ የነበሩት አዲስ አበባ ከተማዎች በመልሶ ማጥቃት የግብ ዕድሎችን ለመፍጠር ጥረቶችን አድርገዋል ። በመከላከያዎች በኩልም ጫና በመፍጠር ግቦችን ለማስቆጠር ቢሞክሩም ያን ማድረግ ሳይችሉ የመጀመሪያው አጋማሽ ተጠናቀቀ ።

በሁለተኛው አጋማሽ በመከላከያ በኩል ጫናዎቹ የቀጠሉ ሲሆን በአዲስ አበባ ከተማ በኩል ተረጋግተው በጥንቃቄ መጫወትን መርጠው ነበር ። ከአጋማሹ ጅማሮ በኋላ አዲስ አበባ ከተማዎች ሁለተኛውን ግብ ለማግኘት የፈጀባቸው 7 ደቂቃ ብቻ ነበር ። በሙሉቀን አዲሱ ተቀይሮ የገባው ሮቤል ግርማ ከቅጣት ምት የመታው ኳስ የግብ ጠባቂው ክሌመንት ቦዬ ስህተት ታክሎበት ከመረብ አረፈ ።

ከዚህ ግብ መቆጠር በኋላም መከላከያዎች ይበልጥ ጫናቸወን በማጠናከር ግብ ለማስቆጠር ጥረታቸውን የቀጠሉ ቢሆንም 61ኛ ደቂቃ ላይ ሌላ ግብ አስተናገዱ ። ሳድቅ ተማም ከክንፍ ከያሬድ ሀሰን የተሻገረለትን ኳስ ወደ ግብ ሞክሮት በግብ ጠባቂው ቢመለስበትም የመጀመሪያውን ግብ ያስቆጠረው ፍፁም ጥላሁን ኳሱን መትቶ በማስቆጠር የመዲናዋን ክለብ መሪነት 3 ለ 0 አደረገ ።

መሪነታቸው ያጠናከሩት አዲስ አበባ ከተማዎች ኳሱን በመቆጣጠር የጨዋታውን ሚዛን ወደራሳቸው ማድረግ የቻሉ ሲሆን ጥሩ ጥሩ ተጨማሪ ሙከራዎችንም አድርገው ነበር ። በመከላከያ በኩል ለአጥቂው ኦኩቱ ኢማኑኤል የሚደርሱት ኳሶች ውጤታማ ባለመሆናቸው ግብ ለማስቆጠር የተቸገሩ ሲሆን ይባስ ብሎም 86ኛ ደቂቃ ላይ ገናናው ረጋሳ በእንዳለ ከበደ ላይ በሰራው ጥፋት በሁለተኛ የቢጫ ካርድ ወቷል ።

በመጨረሻዎቹ ደቂቃዎች ላይ መከላከያዎች በተለይም በአዲሱ አቱላ እና በግሩም ሀጎስ አማካይነት ለግብ የቀረቡ ሙከራዎችን ማድረግ ችለውም ነበር ። በመጨረሻም አዲስ አበባ ከተማ ጨዋታውን 3 ለ 0 በማሸነፍ ከሁለት ተከታታይ ሽንፈት በኋላ ጣፋጭ ድልን ተጎናፅፏል ።

አጋራ

አስተያየት ይስጡ

Leave a Reply

Your email address will not be published. Required fields are marked *

ተዛማጅ ጽሑፎች
ዜናዎችየኢትዮጵያ ፕሪሚየር ሊግየጨዋታ ዘገባ

ሲዳማ ቡናና መቻል ያለ ግብ ስለያዩ፤ ወላይታ ድቻ ወልዋሎን በማሸነፈ የድል ጉዞውን ቀጥሏል!

በአቤኔዘር አበበ ሲዳማ ቡና ከመቻል ጋር ያለ ግብ ሲለያዩ፣ ወላይታ ድቻ ወልዋሎ...

ዜናዎችየኢትዮጵያ ፕሪሚየር ሊግየጨዋታ ዘገባ

ሀይቆቹ የመጀመሪያ ድላቸውን ሲያሳኩ፣ ፈረሰኞቹም በድል የአምስተኛውን ሳምንት ጨዋታ አጠናቀቁ!

በአቤኔዘር አበበ ሀዋሳ ከተማ እና ቅዱስ ጊዮርጊስ የመጀመሪያ ድላቸውን አሳኩ ሀዋሳ ከተማ...

አዳማ ከተማኢትዮጵያ ቡናዜናዎችየኢትዮጵያ ፕሪሚየር ሊግየጨዋታ ዘገባ

ኢትዮጵያ ቡናና አዳማ ከተማ ነጥብ ተጋሩ!

በአቤኔዘር አበበ ኢትዮጵያ ቡና ከአዳማ ከተማ ጋር ያደረጉት ጨዋታ ያለ ግብ በአቻ...