በአቤኔዘር አበበ
ኢትዮጵያ ቡና ከአዳማ ከተማ ጋር ያደረጉት ጨዋታ ያለ ግብ በአቻ ውጤት ተጠናቋል።

በ2019 ዓ.ም የሲቢኢ ኢትዮጵያ ፕሪሚየር ሊግ አምስተኛ ሳምንት ጨዋታ ኢትዮጵያ ቡና ከአዳማ ከተማ ጋር ያደረጉት ጨዋታ ያለ ግብ በአቻ ውጤት ተጠናቋል። በመጀመሪያው አጋማሽ ኢትዮጵያ ቡና በመስመር በኩል ጥሩ የማጥቃት እንቅስቃሴዎችን ቢያሳይም ወደ ግብ መቀየር አልቻለም። በአንጻሩ አዳማ ከተማ በአጋማሹ ደካማ አቀራረብ ያሳየ ሲሆን፣ ሁለቱም ቡድኖች ግብ ሳያስቆጥሩ ወደ እረፍት አምርተዋል።በሁለተኛው አጋማሽ ጨዋታው ለተመልካች ሳቢ የሆነ እንቅስቃሴ ማሳየት ተቸግሯል። ሁለቱም ቡድኖች ረጃጅም ኳሶችን በመጠቀም ወደ ግብ ለመድረስ ቢሞክሩም የግብ ዕድሎችን ወደ ግብ መቀየር አልቻሉም። በዚህም ኢትዮጵያ ቡናና አዳማ ከተማ በአምስተኛ ሳምንት ጨዋታቸው ነጥብ ተጋርተዋል።
አስተያየት ይስጡ