መነሻ ገጽ ዜናዎች የኢትዮጵያ እግርኳስ ፌዴሬሽን አስቸኳይ ጠቅላላ ጉባኤውን አካሂዷል
ዜናዎችየኢትዮጵያ እግር ኳስ ፌዴሬሽን

የኢትዮጵያ እግርኳስ ፌዴሬሽን አስቸኳይ ጠቅላላ ጉባኤውን አካሂዷል

አጋራ
አጋራ

የኢትዮጵያ እግር ኳስ ፌዴሬሽን አስቸኳይ ጠቅላላ ጉባኤውን በዛሬው ዕለት በኢሲኤ አዳራሽ አከናውኗል ።

መርሀግብሩ ምልዐተ ጉባዔው መሟላቱ ከተረጋገጠ በኋላ በኢትዮጵያ እግርኳስ ፌዴሬሽን ፕሬዚዳንት አቶ ኢሳይያስ ጅራ የመክፈቻ የእንኳን ደህኔ መጣችሁ ንግግር በኋላ የዕለቱ የክብር እንግዳ የባህልና ስፖርት ሚኒስትርሩ አት ቀጀላ መርዳሳ ንግግር አድርገዋል ።

በመቀጠልም በኢትዮጵያ እግርኳስ ፌዴሬሽን የፅህፈት ቤት ኃላፊ አቶ ባህሩ ጥላሁን የዕለቱን አጀንዳዎች ለተሰብሳቢዎቹ አቅርበዋል ። አጅንዳዎቹም በአቶ ኃይሉ ሞላ አማካኝነት ማብራርያዎች ተሰጥተውባቸዋል ። ከአቶ ኃይሉ ማብራሪያዎች በኋላ ከጉባኤው አባላት ጥያቄዎች እና ምክረሀሳቦች ቀርበው ሰፋ ያለ ውይይት ተደርጎባቸዋል ።

በቅድሚያ የቀረበው የጠቅላላ ጉባኤ የስብሰባ አመራር ደንብ ማሻሻያ ሲሆን ከገለፃው እና ከውይይቱ በኋላ በሙሉ ድምፅ ፀድቋል ።

በመቀጠል የቀረበው የኢትዮጵያ እግርኳስ ፌዴሬሽን ረቂቅ መተዳደሪያ ደንብ ሲሆን በዚህ አጀንዳ ላይ ሰፋ ያለ ውይይት ተደርጎበት በአብላጫ ድምፅ ፀድቋል ። ቀጥሎ የቀረበው የተሻሻለው የኢትዮጵያ እግርኳስ ፌዴሬሽን የፕሬዝዳንት እና የስራ አስፈፃሚ ኮሚቴ አባላት ምርጫ ማስፈፀሚያ ደንብ ረቂቅ ቀርቦ በተመሳሳይ ውይይት ከተደረገበት በኋላ በአባላጫ ድምፅ ፀድቋል ።


አጀንዳዎችን የማፅደቅ ሂደቱ ከተጠናቀቀ በኋላ የምርጫ አስፈፃሚ እና የይግባኝ ሰሚ እጩዎች ቀርበው ድምፅ ተሰጥቶባቸዋል ። በምርጫ አስፈፃሚ በቅድሚያ ከቀረቡት ስምንት ግለሰቦች እና በኋላ ላይ ከተጨመሩት ወይዘሮ ረሂማ ዐወል መካከል 5 አባላት የተመረጡ ሲሆን ወይዘሮ ረሂማ ዐወል ፤ አቶ ኃይሉ ሞላ ፤ አቶ ኢሳይያስ ደንድር ፤ አቶ መንግስቱ ማሩ እና አቶ በለጠ ዘውዴ በኮሚቴው ውስጥ ሲካተቱ አቶ ኢብራሂም አደም እና አቶ አበባው ሰለሞን በተጠባባቂነት ተይዘዋል ። በይግባኝ ሰሚ ኮሚቴ እጩ ከነበሩት አምስት አባላት መካከል አቶ አንበሳው እንየው ፤ አቶ ብርሀኑ ከበደ እና አቶ ተስፋዬ ዘውዴ በተሰጣቸው ድምፅ የኮሚቴው አባላት ሆነው የተመረጡ ሲሆን አቶ አፈወርቅ አየለ እና አቶ መኮንን ጤናው በተጠባባቂነት ተካተዋል ።

በመጨረሻም የፌዴሬሽኑ ፕሬዚዳንት አቶ ኢሳይያስ ጅራ የመዝጊያ ንግግር ካደረጉ በኋላ አስቸኳይ ጉባዔው ተጠናቋል ።

አጋራ

አስተያየት ይስጡ

Leave a Reply

Your email address will not be published. Required fields are marked *

ተዛማጅ ጽሑፎች
ሽረ ምድረገነትዜናዎችየኢትዮጵያ ከፍተኛ ሊግ

ምድረ ገነት ሽረ ከኢትዮጵያ ከፍተኛ ሊግ ውድድር ውጭ ሆነ!

በኢትዮጵያ ፕሪሚየር ሊግ ሲሳተፍ የነበረው እና በተጠናቀቀው የውድድር አመት ከኢትዮጵያ ፕሪሚየር ሊግ...

መቻልኢትዮጵያ ቡናዜናዎችየዝውውር ዜናዎች

ሁለቱን ተጫዋቾች ሁለቱ ክለቦች ተካፈሉ

ለሁለት ክለብ በመፈረማቸው ቅጣት ላይ የነበሩት ተጫዋቾች ለመቻል እና ለኢትዮጲያ ቡና እንዲጫወቱ...

ካፍዜናዎች

የኒጀር እና ሞሮኮ ጨዋታ በኢትዮዽያዊያን ዳኞች ሊመራ ነው

ራቫት ላይ የሚደረገው ወሳኙ የአፍሪካ ዋንጫ የማጣሪያ ጨዋታ በኢትዮዽያዊያን ዳኞች ይመራል። ኬኒያ...

ዜናዎችየኢትዮጵያ ፕሪሚየር ሊግ

በ5 ሳምንታት 39 ጨዋታዎች፣ 72 ጎሎችና ከ22.6 ሚሊዮን ብር በላይ ገቢ ተመዘገበ!

በአቤኔዘር አበበ በ2019 ዓ.ም የሲቢኢ ኢትዮጵያ ፕሪሚየር ሊግ የመጀመሪያዎቹ አምስት የውድድር ሳምንታት...