መነሻ ገጽ ዜናዎች የ5ኛ ሳምንት የዲሲፕሊን ውሳኔዎች።
ዜናዎችየዲሲፕሊን ውሳኔዎች

የ5ኛ ሳምንት የዲሲፕሊን ውሳኔዎች።

አጋራ
አጋራ

የዲሲፕሊን ውሳኔዎች

1. ያሬድ ብሩክ (ነገሌ አርሲ) : ክለቡ ከ ሸገር ከተማ ጋር ባደረገው የ 5 ኛ ሳምንት እግርኳስ ጨዋታ በ9ዐ+3ኛ ደቂቃ ላይ ሆን ብሎ የተጋጣሚ ቡድንን ተጫዋች በክርን በመማታት በቀይ ካርድ ከጨዋታ ሜዳ የተወገደ ስለመሆኑ ሪፖርት ቀርቦበታል ። ስለሆነም ተጫዋቹ ለፈፀመው ጥፋት በኢ.እ.ፌ ዲሲፕሊን መመሪያ ክፍል 3 ምዕራፍ 3 አንቀፅ 63 በተቁ 1 (ሠ) እና በተቁ 2 መሰረት 4 ጨዋታ እንዲታገድ ና በተጨማሪ የገንዘብ ቅጣት ብር3ዐዐዐ /ሶስት ሺህ/ እንዲከፍል የየውድድርና ስነስርዓት ኮሚቴ ወስኗል።

2. ኮነህ ጄግባይ (መቻል): ክለቡ ከ ሲዳማ ቡና ጋር ባደረገው የ 5 ኛ ሳምንት እግርኳስ ጨዋታ በ62ኛ ደቂቃ ላይ ሁለተኛ ቢጫ ካርድ የሚያስጥ ጥፋት በመፈፀሙ በቀይ ካርድ ከጨዋታ ሜዳ የተወገደ ስለመሆኑ ሪፖርት ቀርቦበታል ።
ስለሆነም ተጫዋቹ ለፈፀመው ጥፋት በኢ.እ.ፌ ዲሲፕሊን መመሪያ ክፍል 2 ምዕራፍ 2 አንቀፅ 35(መ) መሰረት 1 ጨዋታ እንዲታገድ የየውድድርና ስነስርዓት ኮሚቴ ወስኗል።

3. ሃዋሳ ከተማ ክለቡ ከጋሞ ጨንቻ ጋር ባደረገው የ5 ኛ ሳምንት እግርኳስ ጨዋታ የሃዋሳ ከተማ ቡድን ተጫዋች የሆኑት

  • በረከት ደስታ
  • ቹኩውብኳ አንቶኒ
  • እስራኤል ሰማያት
  • ዳግም ተፈራ
  • ፈቃደስላሴ ደሳለኝ
  • ንጋቱ ገ/ስላሴ

በተለያዩ ጥፋቶች ካርድ የተሰጣቸው በመሆኑ በኢ.እ.ፌ ዲሲፕሊን መመሪያ ክፍል 3 ምዕራፍ 3 አንቀፅ 65 (ሀ) መሰረት የገንዘብ ቅጣት ብር 5ዐዐዐ / አምስት ሺ/
እንዲከፍል የውድድርና ስነስርዓት ኮሚቴ ወስኗል፡፡

4. ቅዱስ ጊዮርጊስ ክለቡ ከኢትዮ ኤሌትሪክ ጋር ባደረገው የ5 ኛ ሳምንት እግርኳስ ጨዋታ የቅዱስ ጊዮርጊስ ቡድን ተጫዋች የሆኑት

  • አሚኑ ነስሩ
  • ሻሂዱ ሙስጠፋ
  • ቢላል ገመዳ
  • ሀብታሙ ጉልላት
  • ናትናኤል ዳንኤል

በተለያዩ ጥፋቶች ካርድ የተሰጣቸው በመሆኑ በኢ.እ.ፌ ዲሲፕሊን መመሪያ ክፍል 3 ምዕራፍ 3 አንቀፅ 65 (ሀ) መሰረት የገንዘብ ቅጣት ብር 5ዐዐዐ / አምስት ሺ/ እንዲከፍል የውድድርና ስነስርዓት ኮሚቴ ወስኗል፡፡

5. ሀላባ ከተማ ክለብ ከሀዲያ ሆሳዕና ጋር ባደረገው የ5ኛ ሳምንት የእግር ኳስ ጨዋታ በእረፍት ሰዓት የክለቡ ደጋፊዎች ወደ ተጋጣሚው ቡድን ደጋፊዎች ሀይላንድ መወርወላቸውን፣ እንዲሁም በ55ኛው ደቂቃ የብሎኬት ስብርባሪዎችንና ድንጋይ በመወርወር ደጋፊዎችን ማፈንከታቸውን የሚገልጽ ሪፖርት ቀርቦበታል። ስለሆነም ክለቡ ደጋፊዎቹ ለፈጸሙት ጥፋት እንዲሁም በአስተናጋጅነት ወቅት ችግሮች እንዳይከሰቱ የማድረግ ሙሉ ኃላፊነት የሚጠየቅ በመሆኑ፣ በኢ.እ.ፌ. የዲሲፕሊን መመሪያ ክፍል 3 አንቀጽ 66 ተራ ቁጥር 3(ሀ) መሠረት ብር 75,ዐዐዐ (ሰባ አምስት ሺህ) እንዲከፍል ወስኗል።

6. ሀዲያ ሆሳዕና ክለብ ከሀላባ ከተማ ጋር ባደረገው የ5ኛ ሳምንት የእግር ኳስ ጨዋታ በእረፍት ሰዓት የክለቡ ደጋፊዎች ወደ ተጋጣሚው ቡድን ደጋፊዎች ሀይላንድ መወርወራቸውን፣ በ55ኛው ደቂቃ በተጋጣሚው ቡድን ደጋፊዎች ላይ የተወረወሩባቸውን የብሎኬት ስብርባሪዎችና ድንጋይ በመመለስ እነሱም ቁሳቁሶችን በመወርወር ምላሽ መስጠታቸውን፣ ጨዋታው ከመጀመሩ በፊት ወደ ቀኝ ጥላ ፎቅ(የሞላ) ለመግባት ጥረት ያደርጉ የነበሩት ብዛት ያላቸው ደጋፊዎች በቦታው የነበሩትን የፀጥታ አካላት ትዕዛዝ ላለመፈጸም ከፍተኛ ሁከትና ግርግር|ረብሻ መፍጠራቸውን ፣ አንዳንዶቹም አጥር ዘለው ስለመግባታቸውን የሚገልጽ ሪፖርት ቀርቦበታል። ስለሆነም ደጋፊዎቹ ለፈጸሙት ጥፋት ክለቡ በኢ.እ.ፌ. የዲሲፕሊን መመሪያ ክፍል 3 አንቀጽ 66 ተራ ቁጥር 3(ሀ) መሠረት ብር 50,000 (ሀምሳ ሺህ) እንዲከፍል ወስኗል።

7. ወልዋሎ አዲግራት ዩኒቨርስቲ ክለቡ ከ ወላይታ ድቻ ጋር ባደረገው የ5ኛ ሳምንት የእግር ኳስ ጨዋታ ወቅት፣ በእረፍት ሰዓት በዕለቱ ያልተመዘገበ አንድ ተጫዋች ወደ ክለቡ መልበሻ ክፍል መግባቱን የሚገልጽ ሪፖርት ቀርቦበታል። ስለሆነም ክለቡ ለፈጸመው ጥፋት በ2019 በተሻሻለው የውድድር ደንብ ክፍል 1 አንቀጽ 13 ንዑስ አንቀጽ 13.2 በተራ ቁጥር 4 መሠረት ብር 25000/ሀያ አምስት ሺህ/ እንዲከፍል ወስኗል።

አጋራ

አስተያየት ይስጡ

Leave a Reply

Your email address will not be published. Required fields are marked *

ተዛማጅ ጽሑፎች
ሽረ ምድረገነትዜናዎችየኢትዮጵያ ከፍተኛ ሊግ

ምድረ ገነት ሽረ ከኢትዮጵያ ከፍተኛ ሊግ ውድድር ውጭ ሆነ!

በኢትዮጵያ ፕሪሚየር ሊግ ሲሳተፍ የነበረው እና በተጠናቀቀው የውድድር አመት ከኢትዮጵያ ፕሪሚየር ሊግ...

መቻልኢትዮጵያ ቡናዜናዎችየዝውውር ዜናዎች

ሁለቱን ተጫዋቾች ሁለቱ ክለቦች ተካፈሉ

ለሁለት ክለብ በመፈረማቸው ቅጣት ላይ የነበሩት ተጫዋቾች ለመቻል እና ለኢትዮጲያ ቡና እንዲጫወቱ...

ካፍዜናዎች

የኒጀር እና ሞሮኮ ጨዋታ በኢትዮዽያዊያን ዳኞች ሊመራ ነው

ራቫት ላይ የሚደረገው ወሳኙ የአፍሪካ ዋንጫ የማጣሪያ ጨዋታ በኢትዮዽያዊያን ዳኞች ይመራል። ኬኒያ...

ዜናዎችየኢትዮጵያ ፕሪሚየር ሊግ

በ5 ሳምንታት 39 ጨዋታዎች፣ 72 ጎሎችና ከ22.6 ሚሊዮን ብር በላይ ገቢ ተመዘገበ!

በአቤኔዘር አበበ በ2019 ዓ.ም የሲቢኢ ኢትዮጵያ ፕሪሚየር ሊግ የመጀመሪያዎቹ አምስት የውድድር ሳምንታት...