መነሻ ገጽ ቤትኪንግ የኢትዮጵያ ፕሪምየር ሊግ የቤትኪንግ ኢትዮጵያ ፕርሚየር ሊግ 5ኛ ሳምንት የተላለፉ ውሳኔዎች እና ያልተሰሙ ጉዳዮች !
ቤትኪንግ የኢትዮጵያ ፕሪምየር ሊግዜናዎችየኢትዮጵያ ፕሪሚየር ሊግ

የቤትኪንግ ኢትዮጵያ ፕርሚየር ሊግ 5ኛ ሳምንት የተላለፉ ውሳኔዎች እና ያልተሰሙ ጉዳዮች !

አጋራ
አጋራ

 

የ ኢትዮጵያ ፕርሚየር ሊግ ውድድር እና አመራር ከሰዓታት በፊት ባደረገው ስብሰባ የተደረጉ ጨዋታዎችን ጨምሮ ሌሎች ከዳኞች እና ታዛቢዎች የቀረቡለትን የ ኢትዮጵያ ፕርሚየር ሊግ የጨዋታ ሪፖርቶች መርምሮ የተለያዩ ውሳኔዎችን ማስተላለፉን ይፋ አድርጓል ።

በአምስተኛ ሳምንት በተካሄዱ የ ቤት ኪንግ ኢትዮጵያ ፕርሚየር ሊግ ጨዋታዎች አስራ ዘጠኝ ጎሎች ከመረብ ሲያርፉ አራት ጎሎች በፍፁም ቅጣት ምት ሲቆጠሩ የሀዋሳ ከተማው ምኞት ደበበ በራሱ ላይ ግብ ያስቆጠረ ብቸኛው ተጫዋች ሆኖ በሳምንቱ አልፏል ።

የኢትዮጵያ ቡናው አቡበከር ናስር በሳምንቱ በሰበታ ከተማ ላይ ሁለት ጎሎችን ማስቆጠር የቻለ ብቸኛው ተጫዋች ሆኗል ።

በአምስተኛው ሳምንት ጨዋታዎች ሀያ ሶስት ተጫዋቾች የማስጠንቀቂያ ካርዶችን ሲመለከቱ በድምሩ 136 የቢጫ ካርዶች በሊጉ ላይ ታይተዋል። የ ባህር ዳር ከተማዎቹ ወሰኑ አሊ እና ምንይሉ ወንድሙ በሳምንቱ የቀይ ካርድ የተመለኩ ብቸኞቹ ተጫዋቾች ናቸው ። በሳምንቱ እየታዩ ከሚገኙት የማስጠንቀቂያ ካርዶች ከግማሽ በላይ የሚሆኑት ከስፖርታዊ ጨዋነት / አድራጎት ውጪ በመሆን ሲሆን በዚህ ሳምንትም አስራ አራት ተጫዋቾች በዚህ የተነሳ ለመመልከት ችለዋል ።

በአምስተኛው ሳምንት የሊጉ ጨዋታዎች ኢትዮጵያ ቡና 9.75 ነጥብ በማምጣት የዚህ ሳምንት ስፖርታዊ ጨዋነት አሸናፊ መሆናቸው ታውቋል ።

በሳምቱ ከተላለፉ የዲሲፕሊን ውሳኔዎች መካከል የቀይ ካርድ መመልከት የቻሉት ወሰኑ አሊ እና ምንይሉ ወንድሙ የአንድ ጨዋታ ቅጣት ሲተላለፍባቸው ክለቡ በጨዋታው አምስት ቢጫ ካርዶችን መመልከቱን ተከትሎ የ 5,000 ብር የገንዘብ መቆጮ ተላልፎባቸዋል ።

የውድድር ስነ – ስርዓት ኮሚቴው በአንክሮ ማሳሰቢያው እንዳስታወቀው የድሬድዋ ከተማው ዋና አሰልጣኝ ፍሰሐ ፆመልሳን በተለያዩ ቀናቶች በሰጧቸው የድህረ ውድድር ጋዜጣዊ መግለጫ ዙሪያ በነገው እለት ከቀኑ 7:00 ሰዓት በአዲስ አበባ ስታዲየም ፅ/ቤት ማብራሪያ እንዲሰጡ ተጠይቀዋል ።

ፍሰሀ ፆመልሳን ኮቪድን አስመልክተው ” ኮቪድን የተመለከተ የምሰጠው ሀሳብ አለኝ ፣ ወላይታ ድቻን ለመውቀስ አይደለም።

ይሄ የህይወት ጉዳይ ነው ፣ ተመርምረን እንመጣለን ። የተመረመርንበት ወረቀት እና ቴሴራ ሊተያይ ይገባል።

ዛሬ አሁን ቼክ ስናደርግ ከእነሱ ሁለት ያልተመረመረ አግኝተናል። እንዲህ ዓይነት ችግር ስላለ አወዳዳሪው አካል ጥንቃቄ ቢያደርግ ጥሩ ነው ፤ የህይወት ጉዳይ ስለሆነ ” ሲሉ መደመጣቸው ይታወሳል ።

ከድሬደዋ በተጨማሪም የፋሲል ከነማ እና ባህር ዳር ከተማ እግር ኳስ ክለብ የቡድን መሪዎች እና የደጋፊዎች ማህበር ጥሪ ሲቀርብ በተለይም በሁለቱ ቡድኖች ዙሪያ በተፈጠረው የዲሲፕሊን ግድፈት ዙሪያ በነገው እለት ከ 7:30 ጅምሮ በአዲስ አበባ ስታዲየም ዕ/ቤት በመገኘት ማብራሪያ እንዲሰጡ መጠየቃቸው ይፋ ሆኗል ።

አጋራ

አስተያየት ይስጡ

Leave a Reply

Your email address will not be published. Required fields are marked *

ተዛማጅ ጽሑፎች
ሽረ ምድረገነትዜናዎችየኢትዮጵያ ከፍተኛ ሊግ

ምድረ ገነት ሽረ ከኢትዮጵያ ከፍተኛ ሊግ ውድድር ውጭ ሆነ!

በኢትዮጵያ ፕሪሚየር ሊግ ሲሳተፍ የነበረው እና በተጠናቀቀው የውድድር አመት ከኢትዮጵያ ፕሪሚየር ሊግ...

መቻልኢትዮጵያ ቡናዜናዎችየዝውውር ዜናዎች

ሁለቱን ተጫዋቾች ሁለቱ ክለቦች ተካፈሉ

ለሁለት ክለብ በመፈረማቸው ቅጣት ላይ የነበሩት ተጫዋቾች ለመቻል እና ለኢትዮጲያ ቡና እንዲጫወቱ...

ካፍዜናዎች

የኒጀር እና ሞሮኮ ጨዋታ በኢትዮዽያዊያን ዳኞች ሊመራ ነው

ራቫት ላይ የሚደረገው ወሳኙ የአፍሪካ ዋንጫ የማጣሪያ ጨዋታ በኢትዮዽያዊያን ዳኞች ይመራል። ኬኒያ...