የቤት ኪንግ ኢትዮጵያ ፕሪሚየር ሊግ ተሳታፊ የሆነው አዳማ ከተማ ከአንበሳ ቢራ እና ዋሊን ቢራ አምራች ኩባንያ ዩናይትድ ቢቭሬጅ ጋር የስፖንሰር ሺፕ ስምምነት በዛሬዉ ዕለት በቤስት ዌስተርን ሆቴል ተፈራርሟል።
ዋሊን ቢራ ከአዳማ ከተማ ጋር ለቀጣዩቹ አምስት አመታት የሚቆይ የስልሳ ሚሊዮን ብር ኮንትራት መፈራረማቸው የተገለፀ ሲሆን በገንዘብ 24 ሚሊዮን እንዲሁም በአይነት ደግሞ 36 ሚሊዮን ብር የሚያወጣ የስፖንሰርሺፕ ስምምነት መፈፀማቸዉ ተገልጿል።

በፊርማ ስነስርዓቱ ወቅት ከተነሱ ነጥቦች መካከልም :-
* ለክለቡ የ24 ሚሊዮን ብር በገንዘብ እና የ36 ብር የአይነት ድጋፍ ለመለገስ
* ለተጫዋቾች እና ለክለብ አባላት የስፖርት ትጥቅ ማቅረብ
* ለደጋፊዎች በየአመቱ 15,000 ማሊያ ለተከታታይ 5 አመታት በድምሩ 75,000 ሺ ማሊያዎች የማቅረብ
* ለደጋፊዎቹ ለእያንዳንዳቸው የዲጂታል መታወቂያ እና ደረጃውን የጠበቀ የዳታ ቤዝ System መዘርጋት
* በአዳማ ከተማ በሚሸጡ የወሊን ቢራ ከሳጥን ሽያጭ ላይ 7ብር ከ 20 ሳንቲም ለስታዲየም ግንባታ እንደሚውልም ገልፀዋል
በተጨማሪም ክለቡ በተጫዋቾችና በደጋፊዎች ማሊያ ላይ ከፊት ለፊት የወሊን ሎጎን እሚያስዋውቅ ተገልጿል።
አስተያየት ይስጡ