መነሻ ገጽ ቅድመ ውድድር ዝግጅት የክለቦች ዝግጅት | ኢትዮጵያ ቡና
ቅድመ ውድድር ዝግጅትኢትዮጵያ ቡናዜናዎች

የክለቦች ዝግጅት | ኢትዮጵያ ቡና

አጋራ
አጋራ

የ2019 የኢትዮጵያ ፕሪሚየር ሊግ ተሳታፊው ኢትዮጵያ ቡና የውድድር ዝግጅቱን ምን እንደሚመስል በዚህ መልኩ ዳሰነዋል።

የተጠናቀቀውን የውድድር ዘመን በአሰልጣኝ አብይ ካሳሁን ሊጉን ቢጀምሩም አሰልጣኙ በውጤት እጦት ካሰናበቱ በኋላ በጊዜያዊ አሰልጣኙ ሐይሉ አድማሱ በመጨረሻም ዋና አሰልጣኝ ሽመው በሳምሶን አየለ አመቱን ቢጨርስም በውጤት ረገድ ግን ወጣ ገባ ጉዞን እያሳለፈ ማጠናቀቅ ችሏል። አሰልጣኝ ሳምሶን አየለን በሁለት አመት ውል በአመቱ አጋማሽ መሾሙ ለተመለከተ ሁሉ በያዝነውም አመት ከክለቡ ጋር አብረው እንደሚቀጥሉ መገመት ቢቻልም ቡድኑ ባለፈው አመት አጋማሽ እንዳደረገው የአመራር ለውጥ ሁሉ የአሰልጣኝ ቡድኑ ላይ ለውጥ ማድረግን ምርጫው አድርጓል። በ2018 ከሊጉ የ38 ሳምንታት ጉዞው 13 በማሸነፍ 13 በመሸነፍ 12 የአቻ ውጤቶችን በመያዝ 40 ጎል በማስቆጠር 39 በማስተናገድ በ1 ንፁህ ጎል 51 ነጥቦችን ሰብስቦ 8ተኛ ደረጃንም ክለቡ በመያዝ አመቱን ቋጭቷል።

ለ2019 የሲቢኢ የኢትዮጵያ ፕሪምየር ሊግ የአንድ አመት ከስድስት ወራት ውል ከነበራቸው አሰልጣኝ ሳምሶን አየለ ጋር በስምምነት በመለያየት የሊጉን የልምድ ባለቤቱን አሰልጣኝ ገብረመድኅን ሐይሌን ለቀጣዮቹ ሁለት አመታት ቀጥሮ የጀመረው ቡድኑ በአሰልጣኙ ፍላጎትም በረዳት አሰልጣኝነት አምጣቸው ሐይሌ እና ለይኩን ታደሰን በግብ ጠባቂ አሰልጣኝነት ደግሞ አምባዬ በፍቃዱን ቀጥሮ በዝውውሩ ላይ የነቃ ተሳተፉን በማድረግ 11 አዳዲስ ፈራሚዎችን በእጁ አስገብቷል።

ክለቡ ያስፈረማቸውን አዳዲስ ተጫዋቾችን ስንመለከት ግብ ጠባቂው አቡበከር ኑራን ከኢትዮጵያ መድን ፣ ተከላካዩ በረከት ወልደዮሐንስን ከኢትዮ ኤሌክትሪክ ፣ የመስመር አጥቂው ዳዊት ገብሬን ከወልዋሎ ፣ አጥቂው ዳንኤል ዳርጌን ከምድረገነት ሽረ ፣ አማካዩ ሀብታሙ ተከስተን ከፋሲል ከነማ ፣ የግራ ተከላካዩ አብዱሰላም የሱፍን ከድሬዳዋ ከተማ ፣ ሁለገቡን ተጫዋች ድልአዲስ ገብሬን ከድሬዳዋ ከተማ ፣ የግራ ተከላካዩ ጳውሎስ ከንቲባን ከቅዱስ ጊዮርጊስ ፣ ግብ ጠባቂው መኮንን መርዶክዮስን ከጋሞ ጨንቻ ፣ የወቅቱ የሩዋንዳ ብሔራዊ ቡድን ተጫዋች አጥቂው ታይባ ሞቦኒዮዋሚንን ከሀገሩ ክለብ ፕሪንስስ እና አማካዩ ጁኒየር ማቩንጎን ከሀገሩ ኮንጎ ክለብ ሴንት ሉፓፖ ለቡናማዎቹ የፈረሙ ተጫዋቾ ሲሆኑ ናይጄሪያዊው አማካይ ዲቫይን ዋቹኩዋ ፣ ይታገሱ ታሪኩ ፣ ኤርሚያስ ሹምበዛ ፣ አማኑኤል አድማሱ እና ረጂብ ሚፍታህ ደግሞ ኮንትራታቸው ሲራዘም ዳላንድ ኢብራሂምን ጨምሮ ወደ ሰባት የሚደርሱ ነባር ተጫዋቾችም ክለቡን መልቀቅ ችለዋል።

ከነሀሴ 18/2018 አንስቶ መቀመጫቸውን በአዳማ ከተማ በማድረግ የቅድመ ውድድር ዝግጅታቸውን ሲሰሩ የነበሩት ኢትዮጵያ ቡናዎች በአሰልጣኝ ገብረመድኅን ሐይሌ እና ረዳቶቻቸው በመታገዝ የጂም እና የሜዳ ተግባራትን በዝግጅት ወቅት እየሰሩ የከረሙ ሲሆን በወዳጅነት ጨዋታም ባህርዳር ከተማን 2ለ1 ፤ ወላይታ ድቻን ደግሞ 1ለ0 ሲያሸንፉ በሸገር ከተማ የ2ለ1 ሽንፈትን ደግሞ አስተናግደዋል። በሌላ በኩል ከኢትዮጵያ መድን ጋር ያለ ጎል ሲቋጩ ከኢትዮጵያ ንግድ ባንክ ጋር በአንፃሩ 1ለ1 መለያየት የፈችለው የጋምቤላውን ባሮ ደግሞ 5ለ0 በሆነ ውጤት አሸንፈዋል። ኢትዮጵያ ቡና የሊጉ የመጀመሪያ ጨዋታውን የፊታችን ዕሁድ በሜዳው አዲስ አበባ ስታዲየም ሸገር ከተማን በመግጠም የውድድር አመት ጉዞውን በይፋ ይጀምራል።

አጋራ

አስተያየት ይስጡ

Leave a Reply

Your email address will not be published. Required fields are marked *

ተዛማጅ ጽሑፎች
ሽረ ምድረገነትዜናዎችየኢትዮጵያ ከፍተኛ ሊግ

ምድረ ገነት ሽረ ከኢትዮጵያ ከፍተኛ ሊግ ውድድር ውጭ ሆነ!

በኢትዮጵያ ፕሪሚየር ሊግ ሲሳተፍ የነበረው እና በተጠናቀቀው የውድድር አመት ከኢትዮጵያ ፕሪሚየር ሊግ...

መቻልኢትዮጵያ ቡናዜናዎችየዝውውር ዜናዎች

ሁለቱን ተጫዋቾች ሁለቱ ክለቦች ተካፈሉ

ለሁለት ክለብ በመፈረማቸው ቅጣት ላይ የነበሩት ተጫዋቾች ለመቻል እና ለኢትዮጲያ ቡና እንዲጫወቱ...

ካፍዜናዎች

የኒጀር እና ሞሮኮ ጨዋታ በኢትዮዽያዊያን ዳኞች ሊመራ ነው

ራቫት ላይ የሚደረገው ወሳኙ የአፍሪካ ዋንጫ የማጣሪያ ጨዋታ በኢትዮዽያዊያን ዳኞች ይመራል። ኬኒያ...

ዜናዎችየኢትዮጵያ ፕሪሚየር ሊግ

በ5 ሳምንታት 39 ጨዋታዎች፣ 72 ጎሎችና ከ22.6 ሚሊዮን ብር በላይ ገቢ ተመዘገበ!

በአቤኔዘር አበበ በ2019 ዓ.ም የሲቢኢ ኢትዮጵያ ፕሪሚየር ሊግ የመጀመሪያዎቹ አምስት የውድድር ሳምንታት...