መነሻ ገጽ ቤትኪንግ የኢትዮጵያ ፕሪምየር ሊግ የጨዋታ ዘገባ | የአብዲሳ ጀማል የሽርፍራፊ ሰከንድ ግብ አዳማ ከተማን ከሽንፈት ታድጋለች
ቤትኪንግ የኢትዮጵያ ፕሪምየር ሊግአዲስአበባ ከተማአዳማ ከተማዜናዎችየጨዋታ ዘገባ

የጨዋታ ዘገባ | የአብዲሳ ጀማል የሽርፍራፊ ሰከንድ ግብ አዳማ ከተማን ከሽንፈት ታድጋለች

አጋራ
አጋራ

በዕለቱ ሁለተኛ ጨዋታ ለረጅም ደቂቃዎች ሲመሩ የነበሩት አዲስ አበባ ከተማዎች በተጨማሪ ሰዓት በተቆጠረባቸው ግብ ተከታታይ ሶስተኛ ጨዋታ ድል ማድረግ የሚችሉበትን ዕድል ሳይጠቀሙበት ቀርተዋል ።

አዳማ ከተማ በአራተኛውዘ ሳምንት ጨዋታ ከተጠቀሙት ቋሚ አሰላለፍ አራት ያህል ቅያሪዎችን በማድረግ ፍራኦል ጫላ ፤ አቡበከር ወንድሙ ፤ አሚን ነስሩ እና ታደለ መንገሻን ወደ ቋሚ 11 ሲመልሱ አዲስ አበባ ከተማዎች ግን በአራተኛ ሳምንት ፋሲል ከተማን ባሸነፉበት ጨዋታ የተጠቀሙት ቋሚ አሰላለፍ ይዘው ገብተዋል ።

በተመጣጣኝ ፉክክር የጀመረው ጨዋታ ገና በጊዜ ነበር በግብ ሙከራዎች መታጀብ የቻለው ። 3ኛው ደቂቃ ላይ ፍራኦል ጫላ ከመስመር የደረሰውን ኳስ ወደ ግብ ሞክሮት የግቡ ቋሚ መልሶበታል ። የተመለሰው ኳስ በረጅም የደረሰው አቡበከር ወንድሙ በግንባሩ ገጭቶ ወደ ግብ ቢሞክረውም በግብ ጠባቂው ዳንኤል ተሾመ ተመልሶበታል ።

በጨዋታው አዳማ ከተማዎቾ ኳሱን በመቆጣጠር ተሽለው ቢታዩም ወደ ግብ በመድረስ ግን አዲስ አበባ ከተማዎች ብልጫ ነበራቸው ምንም እንኳን ለግብ የቀረቡ ሙከራዎችን በማድረጉ ባይሳካላቸወም ።

40ኛው ደቂቃ ላይ ፍራኦል ጫላ ከርቀት አክርሮ የመታው ኳስ ዳንኤል ተሾመ በድንቅ ብቃት መልሶበታል ። የመጀመሪያው ኢጋማሽ ሊጠናቀቅ 1 ደቂቃ ሲቀረው በሳጥን ውስጥ ፍፁም ጥላሁን በአሚን ነስሩ በተሰራበት ጥፋት ምክንያት አዲስ አበባ ከተማዎች የፍፁም ቅጣት ምት አገኙ ። የፍፁም ቅጣት ምቱንም ጥፋቱ የተሰራበት ፍፁም ጥላሁን 45ኛው ደቂቃ ላይ አስቆጥሮ አዲስ አበባ ከተማን መሪ አደረገ ።

የሁለተኛው አጋማሽ በአዳማ ከተማዎች የበላይነት የተጀመረ ነበር ። 49ኛው ደቂቃ ላይ አምበሉ ዳዋ ሆቴሳ ተከላካዮችን በመሸወድ ከግብ ጠባቂው ጋር ተገናኝቶ ቢሞክረውም ዳንኤል ተሾመ አድኖበታል ። የአዳማ ከተማ ጫና የበዛባቸው መሪዎቹ አዲስ አበባ ከተማዎቾ ወደ ኋላ ለማፈግፈግ ተገደው ነበር ።

76ኛው ደቂቃ ላይ ዳዋ ሆቴሳ ከሚሊዮን ሰለሞን የደረሰውን ኳስ በመቀስ ምት ቢሞክረውም ኢላማውን ሳይጠብቅለት ቀርቷል ። ወደ ጨዋታው የመገባደጃ ደቂቃዎች ላይም አዳማ ከተማዎች ተደጋጋሚ የግብ ዕድሎችን ለመፍጠር ያደረጎቸው ሙከራዎች በጨዋታው ጥሩ በነበረው ግብ ጠባቂው ዳንኤል ተሾመ መክነውባቸዋል ።

የጨዋታው መደበኛ 90 ደቂቃ አልቆ 6 ያህል ደቂቃዎች መጨመራቸውን አራተኛው ዳኛ አሳዩ ። የተጨመሩት ደቂቃዎች ተጠናቀው የዳኛው ፊሽካ ሲጠበቅ አዳማ ከተማዎች ያገኙትን የቅጣት ምት ዳዋ ሆቴሳ ወደ ግብ ሲመታው ኳሱን ያገኘው አብዲሳ ጀማል አስቆጠረው ። ጨዋታውም በአንድ አቻ ውጤት ሊጠናቀቅ ግድ ሆነ ።

ውጤቱን ተከትሎም አዳማ ከተማ ነጥባቸውን 6 ሲያደርሱ አዲስ አበባ ከተማዎች ደግሞ 7 ነጥብ ላይ ደርሰዋል ።

አጋራ

አስተያየት ይስጡ

Leave a Reply

Your email address will not be published. Required fields are marked *

ተዛማጅ ጽሑፎች
ሽረ ምድረገነትዜናዎችየኢትዮጵያ ከፍተኛ ሊግ

ምድረ ገነት ሽረ ከኢትዮጵያ ከፍተኛ ሊግ ውድድር ውጭ ሆነ!

በኢትዮጵያ ፕሪሚየር ሊግ ሲሳተፍ የነበረው እና በተጠናቀቀው የውድድር አመት ከኢትዮጵያ ፕሪሚየር ሊግ...

መቻልኢትዮጵያ ቡናዜናዎችየዝውውር ዜናዎች

ሁለቱን ተጫዋቾች ሁለቱ ክለቦች ተካፈሉ

ለሁለት ክለብ በመፈረማቸው ቅጣት ላይ የነበሩት ተጫዋቾች ለመቻል እና ለኢትዮጲያ ቡና እንዲጫወቱ...

ካፍዜናዎች

የኒጀር እና ሞሮኮ ጨዋታ በኢትዮዽያዊያን ዳኞች ሊመራ ነው

ራቫት ላይ የሚደረገው ወሳኙ የአፍሪካ ዋንጫ የማጣሪያ ጨዋታ በኢትዮዽያዊያን ዳኞች ይመራል። ኬኒያ...